2 Mansɛnu 19:12 - ALLALA KUMƐ

¹² N benbanu ya Koson kɛnu nɔ anubɛ Hɛran kɛnu anubɛ Resɛfu kɛnu anubɛ Idɛn kɛnu minnu bi Tɛlasa nyamanɛ rɔ, ado wonuna bɛsɛnu ma ke anu kunkala anu benba wonu bolo.

2 Mansɛnu 19:12 ပူးပေါင်းရင်းမြစ်များ

Ko-Dabirɛnu 11:31

Tɛra ya ala dan Burama anubɛ wola musi Sirayi bi. A ya a mamanɛ, Hɛranna dan Lɔti fanan bi. Anu wulita Yuri soe burɔ Babilɔn nyamanɛ rɔ ka Kenan nyamanita-kilɛ bira. Kɔnɔ anu kera Hɛran soe burɔ tumɛ min, anu ya anu daga makɛ nyɔ.

Ko-Dabirɛnu 11:32

Tɛra siyi-tele bɛnta san kɛmɛ fila ani san loli (205) ma, a nara to fagala Hɛran soe burɔ.

Ko-Dabirɛnu 2:8

Wo kɔma, Mari Alla ya nakɔɛ labɔ kan tinɛ do rɔ min tɔgɛ Idɛn. Wo ye tele-bɔɛ wara la. A ya kei min dan, a ya wo sigi nakɔɛ wo rɔ.

Ko-Dabirɛnu 29:4

Yakoba ya saga-fɛ-biralɛ donu taran nyɔ. A ya anu manyinika ko, “N bɔnu, wole bɔra mintɔ?” Anu ya a yabi ko, “Male bɔra Hɛran soe le tɔ.”

2 Mansɛnu 17:6

Kɔnɔ Hoseyala mansayɛ san kɔnɔntɔ nyɔgɛ ma, Asiriya mansɛ wo ya Isirɛla mɔgɛnu nɔ ka ta anu na birɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

2 Mansɛnu 19:11

N bara nyamanɛ doinu kasara nya min, i wara wo lamɔɛn, nyɛ? I lanɛ a la ko i kunyɛ si bɔ n bolo tɔ, wa?

1 Ko-Kɔrɔta-Karan 5:26

Woletɔ Alla ya a ma, Asiriya Mansa Pulu tara bui anuna nyamanɛ wo ma. (Ale mansɛ tɔgɛ do le fanan Tigilati-Pilesa.) Rubɛn bɔnsɔn wo, Kadi bɔnsɔn wo, Manasa bɔnsɔn-talɛ wo, ale Mansa Pulu ya wonu bira ka ta anu na pon! A ya donu sigi Hela sigisɔn rɔ. Wo kɔma, a tara donu to Hara sigisɔn rɔ. A tara donu fanan to Koson sigisɔn rɔ min bi Hebɔ bɛ dafɛ. Anu bi nyɔ wara la ha bi.

Aiseya 37:12

N benbanu ya Koson kɛnu nɔ anubɛ Hɛran kɛnu anubɛ Resɛfu kɛnu anubɛ Idɛn kɛnu minnu bi Tɛlasa nyamanɛ rɔ, ado wonuna bɛsɛnu ma ke anu kunkala n benba wonu bolo.

Isikiyɛli 27:23

Hɛran soe wo, Kanɛ soe wo, Idɛn soe wo, Siba yilanu wo, Asuri soe wo, anubɛ Kalimadi soe wo, wonubɛ Taya kɛnu ya yilayɛ kɛ anu nyɔgɔn tɛma.

Kɛwɔlɛnu 7:4

Woletɔ a bɔra Kalidiya nyamanɛ rɔ ka ta a sigi Hɛran soe burɔ. A fa fagara tumɛ min, Alla ya a lana nyamanɛ kɛ rɔ, wo siginɛ kan min kaka.