2 Mansɛnu 18:7 - ALLALA KUMƐ

⁷ Mari tora a fɛ. Mansa Hɛsakaya ya koe min bɛɛsi ma, wonu ya a munanfaga. Ale ma sɔn donna Asiriya mansɛta tɔnnu kɔrɔ fɔ a murutiyɛ min kɛra a ma. A sɔra a ye iko tele.

2 Mansɛnu 18:7 ပူးပေါင်းရင်းမြစ်များ

Ko-Dabirɛnu 21:22

Wo wati rɔ, Kirari mansɛ anubɛ ata kɛlɛ-kurugbɛ Fikoli tara Iburayima wara. Mansɛ wo ya a fɔ Iburayima ye ko, “I ye koe min bɛɛsi mala, Alla ye i fɛ wonu tɔ.

2 Samuwɛli 8:14

Wo kɔma, a ya ala kɛlɛ-dannu daga makɛ tinɛnu nadan nyɔ rɔ. Nyamanɛ wo fanan tora a kɔrɔ. Mari ya a ma, Mansa Dawuda ya nɔ-ko sɔrɔn kan tinɛ bɛɛ rɔ.

2 Samuwɛli 8:6

Wo kɔma, Mansa Dawuda ya ala kɛlɛ-dannu daga makɛ tinɛnu nadan Siriya wonuna nyamanɛ rɔ. Siriyanu fanan tora ale kɔrɔ ka to duti dila a ma. Mari ya a ma, Mansa Dawuda ya nɔ-ko sɔrɔn kan tinɛ bɛɛ rɔ.

2 Mansɛnu 16:7

Yuda Mansa Ehasi ya kilayɛnu nata Asiriya Mansa Pulu ma. A ya a fɔ kilayɛ wonu ye ko ala wɔli-kɛlɛ le ale la. A ko a ni na anubɛ ala mɔgɛnu kunyɛ bɔ gbaran rɔ Siriya mansɛ anubɛ Isirɛla mansɛ bolo.

2 Mansɛnu 17:3

Asiriya Mansa Salamanisa nara bui Isirɛla Mansa Hoseya ma. Wo mara ala wɔli-kɛlɛ la. San-bo-san, a si to a kunka-fan natala a ma Asiriya nyamanɛ rɔ.

2 Mansɛnu 18:14

Mansa Hɛsakaya ya kilayɛnu nata Mansa Sɛnakaribu ma Lesi soe burɔ. A ko, “N bara ko-yogomɛ le ma. I yandi, ma to nyɔ rɔ. I ya fenfenna ko fɔ, n si wo di i ma.” Asiriya mansɛ wo ya a fɔ a ye ko a ni wodi-gbɛ lata a ma minna gbiliyɛ anubɛ fui-fan bɔrɔ kɛmɛ ani bɔrɔ bi-loli rakɛn anubɛ sɛnɛ fanan minna gbiliyɛ anubɛ fui-fan bɔrɔ tan-ni-loli rakɛn.

2 Mansɛnu 18:20

Wole ya a lɔn ko wola mansɛla kuma-teleka-telekɛ si sɛnbɛ sɔrɔn ka tenbi kɛlɛ-dannu anubɛ anuna halliyɛ la, wa? Wole lanɛ a la ko yon sɔnɛ wo fɛ murutiyɛ kɛ rɔ?

2 Ko-Kɔrɔta-Karan 15:2

A tara Mansa Esa taran. A ya a fɔ anubɛ ala mɔgɛnu ye ko, “Wole Yuda bɔnsɔn-mɔgɛnu anubɛ Bɛnyamɛ bɔnsɔn-mɔgɛnu, wobɛ wola mansɛ ni wo wɔlɔ matɔlɔ. Fananta wo ye Mari fɛ, a ye wo fanan fɛ. Ni wo ya a nyini, a si a ma, wo ni a yen. Kɔnɔ ni wo ya wo kan-kɔ sɔ a la, ale fanan si wo boloka.

2 Ko-Kɔrɔta-Karan 31:21

A wara-koe tara yarɔ bawo a ya min bɛɛsi ma Bato-Bɔn mabɛn-koe rɔ anubɛ ka tɔn bira a kilɛ fɛ, a ya wo bɛɛsi ma a yisi bɛɛ la Alla ye.

2 Ko-Kɔrɔta-Karan 32:30

Ale Mansa Hɛsakaya ya Kiyɔn tenke gberen ka kilɛ di yi wo ma ha a tugura Yerusalɛm so-tarɛ burɔ. Mansɛ ya a bole bila fen min bɛɛ rɔ, wo sabatira.

Yaburi 1:3

Mɔgɔ-sufa wo mani de iko kɔlɔma-kuri min kinɛ yi da la. A si gbɔ a tumɛ rɔ. A yanba-kunyɛ fanan ti gbala mumɛ! Mɔgɛ wo wa a bole don fenfen tɔ, wo ti sɛgi kɔma.

Yaburi 46:11

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 60:12

Ni ile Alla ye ma fɛ, fɔ ma wa nɔ-ko sɔrɔn. Ma si ma yogenu nɔ le worɔ feu!

Aiseya 33:6

A si a ma, Yerusalɛm ni sigi yiri! A si wole, ala mɔgɛnu kumafunfan. A si hɛnkili anubɛ ko-kɔrɔ-lɔn di wo ma. Min di wo ye wo dama ko, wo le Allata gbiliyɛ la.

Aiseya 36:5

Wole ya a lɔn ko wola mansɛla kuma-teleka-telekɛ si sɛnbɛ sɔrɔn ka tenbi kɛlɛ-dannu anubɛ anuna halliyɛ la? Wole lanɛ a la ko yon sɔnɛ wo fɛ murutiyɛ kɛ rɔ.

Matiyu 1:23

“Sunkurun-nasɔlɔnɛ si buyi bi ka den-kei sɔrɔn. Anu si a tɔgɛ rakele ko Imanuwɛli.” Tɔgɛ wo kɔrɛ le ko, “Alla ye ma fɛ.”

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Romu 8:31

Ma si nfen fɔ kɛ bɛɛla ko la? Ni Alla ye ma fɛ, yon si ma kɛlɛ?

Kɛlɛ-Kurugbɛnu 1:19

Mari ya sɛnbɛ di Yuda bɔnsɔn ma. Anu ya kɔnkɔ-nyamanɛ damasi bi anu yogenu bolo kɔnɔ mɔgɛ minnu siginɛ lɛɛ rɔ, anu ma ke wonu gbenna bawo nɛgɛ-kirindinu bi wonu bolo.

1 Samuwɛli 18:14

A ya kɛlɛ min bɛɛsi kɛ, a ya nɔ-ko sɔrɔn bawo Mari ye a fɛ.

1 Samuwɛli 18:5

Mansa Sɔli ya Dawuda sɔ ko-wo-ko la, a si wo ma a kilɛ fɛ. Woletɔ Mansa Sɔli ya kun-tigiyɛ di a ma kɛlɛ-dannu tɛma. Ala kun-tigiya-sɔrɔn wo diyara Mansa Sɔlila kɛlɛ-dannubɛ ala mɔgɔ-banu ye.