2 Mansɛnu 18:5 - ALLALA KUMƐ

⁵ Mansɛ lara Isirɛlata Mari Alla la. Mansa-gbɛrɛ fenfen sa nyɔ Yuda nyamanɛ rɔ min si ke Mansa Hɛsakaya kɛ rɔ Alla wara-koe rɔ.

2 Mansɛnu 18:5 ပူးပေါင်းရင်းမြစ်များ

2 Mansɛnu 18:19

Asiriyanuna mɔgɔ-ba kelen ya a fɔ mɔgɔ sawɛ wonu ye ko, “Mala nyamani-tigi le ya ma sɔ Mansa Hɛsakaya wara ko ma ni na a manyinika ko nfen ya a to, tamayi sa a rɔ.

2 Mansɛnu 19:10

Min sanɛ kɛdi wo rɔ, a ko, “Ile lanɛ ita Alla min na, wo ara a fɔ i ye ko i ti sa nde, Sɛnakaribu bolo tɔ. Kɔnɔ i kana sɔn, a ni i mayuwaya.

2 Mansɛnu 23:25

Ale Mansa Yosaya kɛ, a nyɔgɔn ma taran nun fɔlɔ, ado a nyɔgɔn don ma na taran min ya Mari sako kɛ a sɔndɔmɛ anubɛ a yisi bɛɛ la iko ale. A ya Nɛbi Musata tɔn bɛɛ bira.

2 Ko-Kɔrɔta-Karan 14:11

Mansa Esa ya ata Mari Alla matara, a ko, “Ka kɛlɛ-den-siyamɛnu dɛnbɛ wo, ka kɛlɛ-den-dandenu dɛnbɛ wo, wo damasi kelen ile yala. Woletɔ, mata Mari Alla, i yandi, ma dɛnbɛ. Ma ye ma yigi sala ile rɔ. Ma ara na kɛlɛ-den-siyamɛ kɛnu kɛlɛ tinɛ ile tɔgɔ rɔ. Mari, mata Alla le ile la. Mɔgɔ-wo-mɔgɔ ti ke ile nɔla.”

2 Ko-Kɔrɔta-Karan 20:20

Wo banda kɛ subaga, mɔgɛ bɛɛ ya a lawuli ka ta wula-da-rakolɔn wo ma min bi Tekoya soe wara la. Yanni anu ni wuli, Mansa Yɛhosafati ya a fɔ anu ye ko, “Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo bɛɛsi ni lanayɛ sa wota Mari Alla rɔ. Wo wa ke, wo ni wo sɔ gben! Wo ni la Marita kumɛ la ala nɛbinu ya min fɔ wo ye. Wo si a ma, wo ni nɔlɛ sɔrɔn anu kuma.”

2 Ko-Kɔrɔta-Karan 20:35

Wati tenbinɛ, Yuda Mansa Yɛhosafati anubɛ Isirɛla Mansa Ehasaya ya ko-rabɛn-kɛ, ado Mansa Ehasaya wo ya karagbɛlɛya-ko-siyaman nadan.

Yobu 13:15

Hali ni Alla ya n faga, a bɔrɔ sa n ye tun. N si to nta kumɛ sala a kɔrɔ.

Yaburi 13:5

N bara n dun ila keninteya-dannatɛgɛbɛlɛ la. Ni i ya n nakanan, wo si diya n ye kosɛbɛ!

Yaburi 84:12

E, Mari Sɛnbɛ-Bɛɛ-Tigi, minnu lanɛ i la, wonu sewani de!

Aiseya 36:7

Tumado wo ye a fɔla le ma ye ko wo ye lala le wota Mari Alla la? Mansa Hɛsakaya ya kan-tina-mayɛlɛnɛ minnu tinya wonu na, ale Mari bato tinɛ le ma wonu na, wa? Wo kɔma, a ma a fɔ wole Yuda kɛnu ye ko wonu ni to sarakɛnu bɔla saraka-mintan-tina kelan wo rɔ Yerusalɛm, wa?

Aiseya 38:3

“E, Mari, i miri n ma. N ya ko-telennɛ kɛ ka ita kumɛnu to anu gbɛ rɔ. N ya n taya ka i sako bɛɛ kɛ.” Ala madiyali-kɛ wo ya a laban di-kɛ ma a bolo.

Matiyu 27:43

A lara Allatala la. A ko Allala dan le ale la. Nba, ma ni a mafɛlɛn, ni a sɔgɛ ye Alla la ka a lakisi!”

Ɛfɛsa 1:12

Nba, male Isirɛla mɔgɛ minnu fɔlɔn ya Kirasiti ma ma yigi la, male fɔlɔn ni Alla tanto wona ata gbiliyɛla ko la!