2 Mansɛnu 18:32 - ALLALA KUMƐ

³² ha a ni wo bi yan ka ta wo la ata nyamanɛ rɔ min bi iko wotɛ kɛ. Wo ye tala ata nyamanɛ min tɔ wo la, wo si nɔnbɔ-gbɔ-yi sɔrɔn nyɔ, wo si nyɔɛ sɔrɔn nyɔ ka wo ma biredi la. Wo si liyi anubɛ ɔlifi-gbɔɛnu sɔrɔn nyɔ fanan. Ni wo ya mata mansɛ kɛta kumɛ to a gbɛ rɔ, wo ti faga. A ko wo kana a ma, wola mansɛ kɛ ni wo mayuwaya ka wo miri ko Mari si wo kisi le iko wola mansɛ ya a fɔ nya min.

2 Mansɛnu 18:32 ပူးပေါင်းရင်းမြစ်များ

Ko-Dabirɛnu 49:11

Mansɛ wo ti kilan ala sofɛlɛ kirila nɔnbɔ-kurinu tɛma nɔnbɔ-gbɔɛnu siya kan min! A si ala kurɛnu ku nɔnbɔ-gbɔ-yi wo la siyayɛ bolo.

2 Mansɛnu 17:23

Anu tora wo le la ha Mari ya a kan-kɔ sɔ anu na, ado a ara nɛbinu nata anu makawandi tinɛ nun. Wo le ya a ma, Asiriyanu nara anu bira ka ta anu na pon! Anu bi nyɔ ha bi.

2 Mansɛnu 17:6

Kɔnɔ Hoseyala mansayɛ san kɔnɔntɔ nyɔgɛ ma, Asiriya mansɛ wo ya Isirɛla mɔgɛnu nɔ ka ta anu na birɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

2 Mansɛnu 18:11

Wo kɔma, Asiriya mansɛ wo tara Isirɛla mɔgɛnu na birɛ rɔ a warɛ nyamanɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

2 Mansɛnu 19:10

Min sanɛ kɛdi wo rɔ, a ko, “Ile lanɛ ita Alla min na, wo ara a fɔ i ye ko i ti sa nde, Sɛnakaribu bolo tɔ. Kɔnɔ i kana sɔn, a ni i mayuwaya.

2 Mansɛnu 25:11

Boloma-wɔli-kɛlɛ minnu tora soe burɔ wo, minnu ya anu buri ka ta kofu Babilɔn kɛnu ma wo, Yuda nyamanita-mɔgɛ toenu wo, kɛlɛ-den-kunyɛ wo tara wonu na Babilɔn nyamanɛ rɔ.

Yaburi 3:3

Kɔnɔ Mari, ile le si n matanka gbalo ma, ado ile le ye a mala fanan, n ni nɔ-ko sɔrɔn ha n kun na ni yiri.

Yaburi 42:4

N ba n miri ko-tenbinɛnu ma, n yisi si tinya. Fɔlɔ nun, mabɛ mɔgɔ-siyaman bi tala Alla Bato-Bɔn la. Ma tenbi tala, n sɔnɛ anu yarɔ. Anu sewanɛ, anu si a lawɔyɔ sewa-bɛti bɔ tinɛ.

Bɔ-Koe-Iyipiti 3:8

N bara na anu kunyɛ bɔ tinɛ yɔɔnyɛ rɔ ka anu bɔ Iyipiti kɛnu bolo. N si ta anu na Kenan nyamani-hakikɛ rɔ, Kenannu anubɛ Hɛtinu anubɛ Amoranu anubɛ Pɛrasanu anubɛ Hefanu anubɛ Yebusinu siginɛ kan min. Nyamani-diyamɛ le Kenan nyamanɛ wo la.

Aiseya 36:17

ha a ni wo bi yan ka ta wo la ata nyamanɛ rɔ min bi iko wotɛ kɛ. Wo ye tala ata nyamanɛ mintɔ wo la, wo si nɔnbɔ-gbɔ-yi sɔrɔn nyɔ, wo si fui-fan sɔrɔn nyɔ ka a ma biredi la.

Yilan-Yilan Koe 14:8

Ni Mari nyagalenta ma la, a si ta ma la nyamani-hakikɛ wo rɔ ka nyɔ di ma ma.

Tɔn-Fɔɛ-Fila-Nyɔgɛ 11:12

Wota Mari Alla nyɛrɛ le nyamanɛ wo fɛ-birala san mumɛ bɛɛ kɔrɔ.