2 Mansɛnu 18:3 - ALLALA KUMƐ

³ Mansa Hɛsakaya ya koe min bɛɛsi ma ala mansayɛ kɔrɔ, wonu ya Mari hɛnɛ iko a benba Mansa Dawuda wara-koe ya Mari hɛnɛ nya min.

2 Mansɛnu 18:3 ပူးပေါင်းရင်းမြစ်များ

1 Mansɛnu 11:38

A ko ni ile ya ata kumɛnu bira a kilɛ fɛ ka ala sereyanu mabalan, a ko a si to i fɛ burubukai! I wara-koe ni diya Mari ye alako a ye min fɔla i ye, i ye wo mala iko Mansa Dawuda ye a mala nya min nun. A ko a si i ma Isirɛla mɔgɛnuna mansɛ la. A ko a ara ban a latɛgɛla ko a si ila mansaya-bɔn sɔ iko a ya a ma Mansa Dawuda ye nya min.

1 Mansɛnu 11:4

San-siyaman tenbinɛ, musi wonu ya Mansa Silamɛni yisi tintan anuna bɛsɛnu bara la. A ma a telen ata Mari Alla ye iko a fa Mansa Dawuda duruta a mala nya min nun.

1 Mansɛnu 15:11

Mansa Esa ya Mari sako kɛ iko a benba Mansa Dawuda ya a ma nya min.

1 Mansɛnu 15:5

Mari ya kɛ ma le bawo Mansa Dawuda taranta a sako kɛla nun fɔ Yuraya Hɛti kɛ wara-koe dɔrɔn.

1 Mansɛnu 3:14

Ni i tagama-nya telenta n yala ka nta tɔnnu bira iko i fa Dawuda tagamanta nya min, n si siyi-yan di i ma.”

2 Mansɛnu 12:3

Kɔnɔ hali wo, anu ma anuna bɛsi-kɔ-tinɛnu tinya. Mɔgɛnu tora sarakɛ bɔla bɛsɛ wonu ye ka isɛnti mintan kan-tina-mayɛlɛnɛ wonu tɔ.

2 Mansɛnu 14:3

Ale Mansa Hamasa wara-koe ya Mari hɛnɛ kɔnɔ aletɛ ma ke a benba Mansa Dawudatɛ rɔ. A ya a ma iko a fa Yohasi ya a ma nya min.

2 Mansɛnu 20:3

“E, Mari, i miri n ma. N ya ko-latelennɛ kɛ ka ita kumɛnu to anu gbɛ rɔ. N ya n taya ka i sako bɛɛ kɛ.” Ala matarali-kɛ wo ya a laban diyi kɛ ma a bolo.

2 Mansɛnu 22:2

Yosaya ya a benba Mansa Dawuda sɔn-nyimɛ bi. A ya Allata tɔn bɛɛ bira, ado a ya min bɛɛ ma, wo ya Mari hɛnɛ.

2 Ko-Kɔrɔta-Karan 29:2

Mansa Hɛsakaya ya koe min bɛɛsi ma ala mansayɛ kɔrɔ, wonu ya Mari hɛnɛ iko a benba Mansa Dawuda wara-koe ya Mari hɛnɛ nya min.

Yobu 33:27

A si sɔ nyama tɛma, a ni a fɔ ko, “N bara hakɛ kɛ.” A ni a fɔ ko, “N ma ko-nyima ma kɔnɔ Alla ara n nakanan.

Yaburi 119:128

Ita sereya bɛɛ biranɛ n bolo. Ko-korɔn bɛɛ gbo n ye.

Bɔ-Koe-Iyipiti 15:26

Mari ko, “Wo ni wo tole masɔ n kuman-kan la a kin na! Koe minnu telennɛ nde, Mari Alla yala, wo ni wonu ma ka nta tɔn bɛɛ bira. Ni wo ya wo ma, n ya kirayɛ minnu sigi Iyipiti kɛnu ma nun, n ti wo fenfen sigi wole ma bawo nde, Mari le wo rakɛndɛyalɛ la.”

Aiseya 38:3

“E, Mari, i miri n ma. N ya ko-telennɛ kɛ ka ita kumɛnu to anu gbɛ rɔ. N ya n taya ka i sako bɛɛ kɛ.” Ala madiyali-kɛ wo ya a laban di-kɛ ma a bolo.

Romu 7:12

Tɔn-kitabu nyɛrɛ sɛnima, a telenta, a kin.

Ɛfɛsa 6:1

Wole dannu, wo ni wo sɔrɔnnɛnuna kumɛ bira bawo Marita mɔgɛ le wonu na, ado wo le telenta.

Tɔn-Fɔɛ-Fila-Nyɔgɛ 10:12

Musa ya a fɔ tun ko, “Wo Mari ye nyinina min ma wo bolo, wole Isirɛla mɔgɛnu, wo ni wo tole masɔ wo la. Wo ni Alla bato ka ata kumɛnu bira ka a ma iko a ya a fɔ wo ye nya min. Wo ni a keni ka ata wɔlɛ kɛ wo yisi bɛɛ la,

Tɔn-Fɔɛ-Fila-Nyɔgɛ 6:18

Mari ya min bɛɛsi fɔ wo ye, ni wo ya ko-nyimɛ anubɛ ko-latelennɛ wonu kɛ, wo wara-koe si ta yarɔ. Wo si ke le worɔ ka wo yogenu gben ka lanyiri-nyamani-hakikɛ wo bi anu bolo iko Mari ya a fɔ wo ye nya min.