2 Mansɛnu 18:25 - ALLALA KUMƐ

²⁵ A fɔra le ko male nara kan tinɛ kɛ kasara tinɛ ma nyɛrɛ ma le ni Mari ma male lana? Mari nyɛrɛ le ya a fɔ ma ye ko ma ni na wola nyamanɛ kɛ kasara pɔ!”

2 Mansɛnu 18:25 ပူးပေါင်းရင်းမြစ်များ

1 Mansɛnu 13:18

Nɛbi-kɛmɔgɛ wo ya a fɔ a ye ko, “Nɛbi le nde fanan na iko ile. Marita melika ya kɛ le fɔ n ye ko fɔ n ni na i bi kilɛ la. Ma ni ta fen-dɔn-kɛ ma nyɔgɔn fɛ ka ma min.” Kɔnɔ Nɛbi-kɛmɔgɛ wo ya foninyɛ le fɔ wo la.

2 Mansɛnu 18:24

Hali kɛlɛ-den-kunyɛ min dɔgɔ ma rɔ, wo ti bɔ wo yakɔrɔ. Wole lanɛ a la ko Iyipiti kɛnu si soeenu anubɛ kirindinu nana wo dɛnbɛn tinɛ kɛlɛ rɔ, wa?

2 Mansɛnu 18:26

Wo kɔma, Ilayakim anubɛ Sɛbana anubɛ Yowa ya a fɔ Asiriya mansɛla kandɛ wo ye ko, “I yandi, kuma ma ye Aramaki kan rɔ. Ma si wo ragbɛ le. I kana kuma ma ye mata Hiburu-kan rɔ alako mɔgɛ minnu bi tarɛ kuma san ma, wonu kana na ma kan ragbɛ.”

2 Mansɛnu 19:6

ale fanan ya a sara Mansa Hɛsakaya wara. A ko, “Ni Asiriyanu bi a fɔla ko Mari ti ke a kisila, hali kumɛ wo ma a rakilan.

2 Mansɛnu 24:3

Mari ya kɛ bɛɛ ma bawo Mansa Manasa ara ko-yogomɛ min kɛ. Wo le ya a to, Mari ya a yɛ firindi Yuda mɔgɛnu ma,

2 Ko-Kɔrɔta-Karan 35:21

Ale Mansa Niko ya kilayɛnu nata Mansa Yosaya ma. A ko, “N bi tala kɛlɛ min kɛ tinɛ kɛ la, ile Yuda mansɛta sa wo rɔ. N ma na ile kɛlɛ tina. N nara n yogenu denu kɛlɛ tinɛ. Alla ko n ni ta tiriya! Alla ye n fɛ. Hali i ma n matanbani. Ni wo ma, ale si i halaki.”

Emɔsi 3:6

Kɛlɛ-buri si fɛ soe burɔ, a ni to, mɔgɔ ma kilan? Soe do si halaki a nyɛrɛ ma, ni Mari ma sɔn min ma?