2 Mansɛnu 18:14 - ALLALA KUMƐ

¹⁴ Mansa Hɛsakaya ya kilayɛnu nata Mansa Sɛnakaribu ma Lesi soe burɔ. A ko, “N bara ko-yogomɛ le ma. I yandi, ma to nyɔ rɔ. I ya fenfenna ko fɔ, n si wo di i ma.” Asiriya mansɛ wo ya a fɔ a ye ko a ni wodi-gbɛ lata a ma minna gbiliyɛ anubɛ fui-fan bɔrɔ kɛmɛ ani bɔrɔ bi-loli rakɛn anubɛ sɛnɛ fanan minna gbiliyɛ anubɛ fui-fan bɔrɔ tan-ni-loli rakɛn.

2 Mansɛnu 18:14 ပူးပေါင်းရင်းမြစ်များ

1 Mansɛnu 20:4

Mansɛ fanan ya a fɔ kilayɛ wonu ye ko, “Wo ta a fɔ n tigi Mansa Bɛnhedadi ye ko n bara sɔn. Atɛ le mabɛ n halala-fannu na.” Kilayɛ wonu tara wo fɔ mansɛ ye.

2 Mansɛnu 10:5

Mansɛla mɔgɔ-banu wo, nyɔ-so-tigi wo, mɔgɔ-ba-sɛbɛnɛnu wo, anubɛ mansa-makandannɛnu wo, wonu ya anu kundɛn ka kilayɛ lata Yehu ma ko, “Ita wɔli-kɛlɛ le male la. I wa fenfen fɔ, male si wo ma kɔnɔ male ti mɔgɛ yabɔ yan ka wo ma mansɛ la. Ni koe min telennɛ ile yala, ile si wo ma.”

2 Mansɛnu 18:7

Mari tora a fɛ. Mansa Hɛsakaya ya koe min bɛɛsi ma, wonu ya a munanfaga. Ale ma sɔn donna Asiriya mansɛta tɔnnu kɔrɔ fɔ a murutiyɛ min kɛra a ma. A sɔra a ye iko tele.

2 Mansɛnu 19:8

Asiriya mansɛla kandɛ sɛgira ala mansɛ ma tumɛ min, wo ya a lamɔɛn ko anuna mansɛ ara bɔ Lesi soe burɔ ka ta Libina kɛnu kɛlɛ tinɛ. Kandɛ wo tara a manyinika tinɛ.

Hɛnkilimaya-Kumɛnu 29:25

Mɔgɛ min bi kilanna mɔgɛ dɔrɔn na, wo si ma gbɛrɛ la a ye kɔnɔ ni a lara Mari la, wo si a latanka.

Luka 14:32

Ni sɛnbɛ sa a bolo, yanni a ni gbɛrɛn a ma, a si kilayɛnu sɔ mansɛ doi labɛn tinɛ ka a madiya ko a ni a fɔ a ye min sɔgɛ ye a la alako anu kana kɛlɛ.”