2 Mansɛnu 17:6 - ALLALA KUMƐ

⁶ Kɔnɔ Hoseyala mansayɛ san kɔnɔntɔ nyɔgɛ ma, Asiriya mansɛ wo ya Isirɛla mɔgɛnu nɔ ka ta anu na birɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

2 Mansɛnu 17:6 ပူးပေါင်းရင်းမြစ်များ

Ko-Dabirɛnu 10:2

Yefɛti ya den-kei mɔgɔ wɔrɔnfila sɔrɔn, Kɔmari wo, Megogi wo, Madayi wo, Yefan wo, Tubali wo, Misɛki wo, anubɛ Tarasi.

1 Mansɛnu 8:46

“Mari, ni ila mɔgɛnu ya hakɛ kɛ i la tumɛ min, ado mɔgɔ-wo-mɔgɔ sa nyɔ min ti hakɛ kɛ, tumado i si diminya anu ma ha i ni anu don anu yogenu bolo. Wonu ni anu bira ka ta anu na anu barɛnu tɔ hali anu taranta wula-yan la.

2 Mansɛnu 15:29

Mansa Pekata wati kɔrɔ, Asiriya Mansa Pulu nara so-kun loli bi Isirɛla nyamanɛ rɔ. So-kun loli, wo le kɛnu na, Iyɔn wo, Ebɛli-Bɛti-Meyaka wo, Yanowa wo, Kɛdɛsi wo, anubɛ Hesɔ. A ya Isirɛla nyamani-kun sawa fanan bi, Kaliyadi wo, Kalili wo anubɛ Nafatali. A tara nyɔ-mɔgɛ bɛɛ la a warɛ Asiriya.

2 Mansɛnu 17:23

Anu tora wo le la ha Mari ya a kan-kɔ sɔ anu na, ado a ara nɛbinu nata anu makawandi tinɛ nun. Wo le ya a ma, Asiriyanu nara anu bira ka ta anu na pon! Anu bi nyɔ ha bi.

2 Mansɛnu 18:34

Mala mansɛ ko Hamati kɛnu anubɛ Arapadi kɛnuna bɛsɛnu bi mintɔ gbɛ? Sifafeyim kɛnu wo, Hena kɛnu wo, Ifa kɛnu wo, wonuna bɛsɛnu bi mintɔ? A ko bɛsɛ kɛ do kera Samariya soe kunkala, wa?

2 Mansɛnu 19:12

N benbanu ya Koson kɛnu nɔ anubɛ Hɛran kɛnu anubɛ Resɛfu kɛnu anubɛ Idɛn kɛnu minnu bi Tɛlasa nyamanɛ rɔ, ado wonuna bɛsɛnu ma ke anu kunkala anu benba wonu bolo.

2 Mansɛnu 21:13

N si Yerusalɛm kɛnu tɔrɔ iko n ya Samariya kɛnu anubɛ Ehabu kegeyɛ tɔrɔ nya min nun. N si mɔgɛnu kian firan Yerusalɛm soe burɔ iko mɔgɛ ye fi rafiranna nya min ka a laburun.

1 Ko-Kɔrɔta-Karan 5:22

Anu ya anu yogo-siyaman faga bawo Alla nyɛrɛta kɛlɛ le. Anu tora sigini nyamanɛ wo rɔ furr, fɔɔ Asiriya kɛlɛ tanɛ anu na.

1 Ko-Kɔrɔta-Karan 5:26

Woletɔ Alla ya a ma, Asiriya Mansa Pulu tara bui anuna nyamanɛ wo ma. (Ale mansɛ tɔgɛ do le fanan Tigilati-Pilesa.) Rubɛn bɔnsɔn wo, Kadi bɔnsɔn wo, Manasa bɔnsɔn-talɛ wo, ale Mansa Pulu ya wonu bira ka ta anu na pon! A ya donu sigi Hela sigisɔn rɔ. Wo kɔma, a tara donu to Hara sigisɔn rɔ. A tara donu fanan to Koson sigisɔn rɔ min bi Hebɔ bɛ dafɛ. Anu bi nyɔ wara la ha bi.

Ɛsira 6:2

Tɔ-a-la, anu ya mansɛ wo kan sɛbɛnɛ taran Akimita soe burɔ Midiya nyamanɛ rɔ. Min sɛbɛnɛ a rɔ, a ko,

Nihɛmaya 9:32

“E, mata Alla, i makawara. I makilannɛ ita sɛnbɛ la. Sarama-kan min kirinɛ ma tɛma, ile ara itɛ latɔnbagaya. Kebi Asiriya mansɛnu ya ma tɔrɛ min dabira, ha bi, ma ye tɔrɔya kelen wo le kun na. Mala mansa wo, mala kun-tigi wo, mala saraka-masɔla wo, mala nɛbi wo, ma benbanu wo, anubɛ mala mɔgɛ toenu wo, ma dama ye tɔrɔyɛ wo rɔ. I yandi, i miri mala tɔrɔyɛ yirika ma.

Aiseya 10:9

Kalano soe wo, Kakemisi soe wo, Hamati soe wo, Arapadi soe wo, Samariya soe wonubɛ Damasika soe, n bara soe kɛ bɛɛ bira-a-la.

Aiseya 13:17

Mari ko a ye Midi kɛnu nakɛla Babilɔn kɛnu ma. Anuna sɛnɛ anubɛ anuna wodi-gbɛ miriya fenfen sa anu yoge wonu na

Aiseya 17:4

Mari ko wati ye nala, tɔn si sigi Isirɛla nyamanɛla makawɛ la. Anuna fen-tigiyɛ si a laban anu bolo bolo-kolonyɛ ma.

Aiseya 21:2

N ya min yen ko-rayirɛ wo rɔ, yanfɛ anubɛ kasarɛ. Ilam kɛlɛ-dannu, wo ni wo sɛbɛ don! Midiya kɛlɛ-dannu, wo ni wo bui soenu ma! Babilɔn kɛnu bara tɔrɔyɛ min nana, Alla si yili kiri wo dan la.

Aiseya 36:17

ha a ni wo bi yan ka ta wo la ata nyamanɛ rɔ min bi iko wotɛ kɛ. Wo ye tala ata nyamanɛ mintɔ wo la, wo si nɔnbɔ-gbɔ-yi sɔrɔn nyɔ, wo si fui-fan sɔrɔn nyɔ ka a ma biredi la.

Aiseya 36:19

Mala mansɛ ko Hamati kɛnu anubɛ Arapadi kɛnuna bɛsɛnu bi mintɔ gbɛ? Sifafeyim kɛnuna bɛsɛnu bi mintɔ? A ko bɛsɛ kɛ do kera Samariya soe kunkala, wa?

Aiseya 37:18

Mari, bɛɛ ya a lɔn ko Asiriya mansɛnu bara nyamani-siyaman kasara

Aiseya 8:4

A ko yanni dan wo ni kusanya a fa anubɛ a na rakelela, a ko wo si a taran, Asiriya mansɛ ara ban Damasika fen-kolomɛnu kankanna anubɛ Samariya fen-kolomɛnu ka ta anu na a warɛ.

Yɛrɛmaya 50:17

Mari ko Isirɛla mɔgɛnu mani de iko yarɛ wa sagɛnu tanyɛnsɛn. Asiriya mansɛ fɔlɔn ya anu dɔn dabira. Wo kɔma, Babilɔn Mansa Nɛbukanasa tora anu kolenu masusunna.

Daniyɛli 5:28

Ka a fɔ, ‘A TALA,’ wo kɔrɛ le, Alla ara ila nyamanɛ bi i bolo ka a ratala Midiya kɛnu anubɛ Pasiya kɛnu na.”

Hoseya 1:4

Mari ya a fɔ Nɛbi Hoseya ye ko, “I ni a tɔgɔ sa ko, ‘Alla ya fuilɛ kɛ’ bawo a ti mɛ tun, n si na Mansa Yehu kebilɛ tɔrɔ ka a tɛgɛ anu benba wola mɔgɔ-fagɛ ma Yɛsɛreli soe burɔ. N bi nala Mansa Yehula mansaya-bɔn latogonna.

Hoseya 1:6

Koma anubɛ Nɛbi Hoseya ya dan fila nyɔgɛ min sɔrɔn, wo mara dunmusi la. Mari ya a fɔ Nɛbi Hoseya ye ko, “I ni a tɔgɔ sa ‘Hinabɛlɛ’ bawo n ti keninteyɛ yira Isirɛla mɔgɛnu na tun, kuma sa anu makoto-koe ma.

Hoseya 1:9

Mari ya a fɔ Nɛbi Hoseya ye ko, “I ni a tɔgɔ sa ko, ‘Nta-ma’ bawo nta ma Isirɛla mɔgɛnu na, ado anuta Alla ma nde la.”

Hoseya 13:16

Wola Samariya so-karantan si tɔrɔ ka a tɛgɛ ala murutiyɛ ma nde, Alla ma. Wole Samariya kɛnu kunyɛ si to kɛlɛ rɔ ka wola dannu gbesi dugi la ka wola musu-kolomɛnu buyi laka faan la.”

Hoseya 8:8

Wole Isirɛla mɔgɛnu bara ma iko sibolo-gbɛrɛnu. Wo ara ma iko bɔnku-daga-gbɛnkian mɔgɛ mako sa min na.

Hoseya 9:3

Wole Isirɛla mɔgɛnu ti to sigini Marita dugi kɛ rɔ tun fɔ anu ni ta wo la yɔɔnyɛ rɔ iko wo taranta Iyipiti rɔ nya min nun. Anu si ta wo la Asiriya nyamanɛ rɔ. Wo si to fan dɔnna nyɔ minnu ma sɛninya iko tɔn ya a fɔ nya min.

Saraka-Masɔlɛnuta Tɔnnu 26:38

Wo si to fagala nyamani-gbɛrɛkɛnu tɔ wo yogenu bolo. Wonu si wo ki iko bɛniki-kalɛnu.

Emɔsi 5:27

a si wo don yɔɔnyɛ rɔ wo yogenu bolo Damasika soe kɔma. Mari Sɛnbɛ-Bɛɛ-Tigi kuman-kan le kɛ la.”

Emɔsi 7:17

Nba, ile Saraka-Masɔla-Kun-Tigi-Wɛ Hamasa, i ni i tole masɔ Mari ye nala min fɔla i wara-koe rɔ. Mari ko ila musi si ma yɛlan la ka to yilan-yilanna keinu kuma. Ila dannu si to kɛlɛ rɔ. Wo yogenu si na wola nyamanɛ kɛ bi wo bolo ka a tala anu nyɔgɔn na. Anu si ta Isirɛla mɔgɛnu na ka anu ma yɔɔnnu na nyamani-gbɛrɛ rɔ. Ile Hamasa nyɛrɛ-nyɛrɛ si faga nyamani-gbɛrɛ rɔ.”

Tɔn-Fɔɛ-Fila-Nyɔgɛ 28:36

“Mari si wole anubɛ wola mansɛ lagbengben ka wo labɔ wola nyamanɛ rɔ ka ta wo don wo yogenu bolo anuna nyamanɛ rɔ. Wo yogenu si to wo gbenna ka ta wo la nyamanɛ do rɔ, wo ma wo kian sɔ wɛ kan min nun, hali wo benbanu. Wo wa ke wonu bole tɔ tumɛ min, wo si anuna bɛsɛnu kɔ. Kɔlɔma anubɛ kuru-malɛsɛnɛ le wonu na.

Tɔn-Fɔɛ-Fila-Nyɔgɛ 28:64

“Ka a fɔlɔ duninya-tonko kelan ma ha ka a sigi a tonko-doi la, Mari si wo ranyɛnsɛn sibolo-gbɛrɛkɛ-mɔgɛnu tɛma. Wo tenbi anu tɛma, hali wo benbanu ma bɛsɛ minnu kɔ, wole si wonu kɔ. Kɔlɔma-malɛsɛnɛ anubɛ kuru-malɛsɛnɛ le wonu na.

Tɔn-Fɔɛ-Fila-Nyɔgɛ 30:18

Mari si wole fanan halaki worɔ. N bi wo makawandila ka a gbɛlɛya gben, wo ti mɛ sigini lanyiri-nyamanɛ wo rɔ mumɛ, wo ye tala sigila kan min wo wa Yorodan bɛ tɛgɛ, kɔni.