2 Mansɛnu 17:35 - ALLALA KUMƐ

³⁵ Mari anubɛ Isirɛla mɔgɛnu sarata min ma nun, a ko, “Wo kana bɛsi-wo-bɛsi bato. Wo kana wo nyɛnkin anu kɔrɔ ka anu kɔ. Hali ka sarakɛnu bɔ wonu ye, wo kana a ma.

2 Mansɛnu 17:35 ပူးပေါင်းရင်းမြစ်များ

2 Mansɛnu 17:15

Mari ko anu ma sɔn ata sereyanu birala. Anubɛ anu benbanu sarata min na, anu ma sɔn wo birala. A ko a ya anu makawandi minnu ma, anu ma sɔn anu tole masɔla wonu na. Anu ya bɛsi-fufafuyinu kɔ ka anu nyɛrɛ ma mɔgɔ-fufafuyinu na. Mari ya a fɔ anu ye nun ko anu kana anu dan-masa-nyɔgɛnuna namunu bi kɔnɔ anu ya wonuna namunyɛnu bi.

Bɔ-Koe-Iyipiti 20:3

Woletɔ wo kana fen-gbɛrɛkɛ bato nde, Alla kɔma muk!

Yɛrɛmaya 10:5

Bɛsɛ wonu mani de dɔrɔn iko sogo-rakilan-fan. Anu ti kuma. Anu ti tagama, fɔ mɔgɛ wa wonu maduni. Wo kana kilan bɛsɛ wonu na. Anu ti mɔgɛ madumɛ, ado anu ti mɔgɛ madɛnbɛ.

Yɛrɛmaya 25:6

Nɛbi wonu ya a fɔ wo ye ko Alla ma minnu na, wo kana wonu kɔ. Anu bi a fɔla fanan tun ko wo kana Alla ladiminya wola bɛsi-kɔ-koe fɛ wo ya minnu nadan wo bole la. Ni wo ya Mari sako kɛ nun, a ti wo tɔrɔ nun.

Tɔn-Fɔɛ-Fila-Nyɔgɛ 5:2

Wo tumɛ ma ye Sinayi kɔnkɔ kɔrɔ, mata Mari Alla ya lanyiri kiri ma ye.

Tɔn-Fɔɛ-Fila-Nyɔgɛ 5:9

wo si wo nyɛnkin min kɔrɔ ka a bato. Ale le wota Mari Alla la min sa nyinina a senɛ ma. Ni Mari sɔgɔ labɔra bɛsi-kɔlɛ minnu na, a ko a si wonu tɔrɔya, hali anuna dannu anubɛ anu mamanɛnu ha ka ta a sigi anu tolo-birɛnu na anubɛ anu tolo-bira-sɔɛnu. A ko minnu si anu ban a la, a si wonu tɔrɔ.

Tɔn-Fɔɛ-Fila-Nyɔgɛ 6:14

Wo kana bɛsi-wo-bɛsi kɔ minnu bi wo sigi-nyɔgɛnu bolo wola foolɛ rɔ.

Yasowa 23:16

Ni wo ya bɛsɛnu kɔ, Marita diminya-wɛ si wo tɔrɔ, ado a si wo bɔ nyamani-hakikɛ kɛ rɔ.”

Yasowa 23:7

Wo kana bila mɔgɛ wonu fɛ minnu bi wola nyamanɛ rɔ. Wo kana anuna bɛsɛnu tɔgɛ rakele. Wo kana lanyiri kiri hali ka wo gboro anuna bɛsɛnu tɔ. Wo kana wo nyɛnkin bɛsɛ wonu kɔrɔ ka anu kɔ.

Kɛlɛ-Kurugbɛnu 6:10

Wo kɔma, a ya a fɔ wo ye ko wota Mari Alla le ale la. A ko wo kana kilan Amoranuna bɛsɛnu na wo siginɛ kan min kaka. Kɔnɔ Mari ko wo sa ata kumɛnu birala.”