2 Mansɛnu 17:33 - ALLALA KUMƐ

³³ Anu tora Mari batola kɔnɔ hali wo, anu tora anuna bɛsɛnu fanan kɔla iko anu barɛ namu ye nya min.

2 Mansɛnu 17:33 ပူးပေါင်းရင်းမြစ်များ

1 Mansɛnu 18:21

Isirɛla mɔgɛnu kenɛ nyɔ, Nɛbi Ilaya sɔra mɔgɛnu yakɔrɔ ka a fɔ anu ye ko, “Wo si to tagamana Marita kilɛ anubɛ Beyalita kilɛ fɛ ha muntuma? Ni Mari le Alla la, wo ni ale bato. Kɔnɔ ni wota alla le Beyali kɛ la, wo ni to wo kɔla.” Kɔnɔ hali dafa, Isirɛla mɔgɛnu ma a tɛgɛ.

2 Mansɛnu 17:32

Hali anu bi Mari fanan batola, anu ya mɔgɛnu yabɔ anu nyɔgɔn tɛma ka wonu ma anuna bɛsi-kɔlɛnu na. Bɛsi-kɔlɛ kɛnu kɛnɛna anuna sarakɛnu bɔla Alla-batobɛlɛnuna kan-tina-mayɛlɛnɛnu tɔ.

2 Mansɛnu 17:34

Anu bi anuna namu-kɔrɛ wo kun na ha bi. Anu sa Mari batola anu yisi bɛɛ la, ado Mari ya tɔn minnu di Yakoba kegeyɛnu ma, Isirɛla mɔgɛnu, kɔni, anu sa sɔnna wonu birala.

2 Mansɛnu 17:41

Woletɔ mɔgɛ kɛnu bi Mari batola kɔnɔ hali wo, anu bi anuna bɛsɛnu kɔla fanan. Ha bi, anu kegeyɛnu bi wonu kun na.

Hoseya 10:2

Yanfante-kɔrɛnu de wole la. Fɔ wo wa tɔrɔ wo hakɛla ko la. Mari si wola saraka-mintan-tinɛnu anubɛ kuru-malɛsɛnɛnu tinya feufeu!

Sɛfanaya 1:5

Mɔgɔ-wo-mɔgɔ yɛlɛta kan-tina-layan-bɛ kuma alako a ni tele anubɛ karɛ anubɛ lole bato nyɔ, Mari ko a si wo tigi kasara pɔ! Minnu bi Mari batola ka telenbagaya-lanyiri kiri a ye, wo kɔma, a ni ta a gboro bɛsɛ wo rɔ min tɔgɛ Molɛki, Mari ko a si wonu fanan kasara.

Matiyu 6:24

“Mɔgɔ ti ke wɔli-kɛla tigi fila ye wati kelan rɔ. Ni a ya wo ma, kelen si diya a ye, kelen si gboya a ye. A si kelan gbiliya ka kelan lafɛya. Wole fanan bi wo nya le. Wo ti Alla anubɛ nɔnfuli nyini nya-kun-kelen.

Luka 16:13

“Wɔli-kɛlɛ ti ke wɔlila tigi fila ye wati kelan rɔ. Ni a ya wo ma, kelen si diya a ye, kelen si gboya a ye. A si kelan gbiliya ka kelan lafɛya. Wole fanan bi wo nya na le. Wo ti Alla anubɛ nɔnfuli nyini nya-kun-kelen.”