2 Mansɛnu 17:31 - ALLALA KUMƐ

³¹ Ifa kɛnu ya anuna bɛsɛnu nadan minnu tɔgɛ le Nibahasi anubɛ Tarataki. Sifafeyim kɛnu ya anuna bɛsɛnu nadan minnu tɔgɛ le Adamɛlɛki anubɛ Anamɛlɛki. Wonu kɛnɛna anuna dannu mintanna bɛsɛ kɛnu ye.

2 Mansɛnu 17:31 ပူးပေါင်းရင်းမြစ်များ

2 Mansɛnu 17:17

Anu bi anuna dannu mintanna Alla-batobɛlɛnuna bɛsi-kɔ-tinɛnu tɔ. Anu bi yi-kɔrɔ-fɛlan anubɛ bolo-tafɛlan kɛla. Koe min bɛɛsi yogo ale yala, anu ya anu nyɛrɛ don wonu tɔ. Wo le ya a ma, Mari fonde bɔra anu kuma.

2 Mansɛnu 17:24

So loli kɛnu, Babilɔn, Kuti, Ifa, Hamati, anubɛ Sifafeyim, Asiriya mansɛ ya ala nyamanita-mɔgɛ donu bi nyɔnu tɔ. A tara wonu to Samariya soenu tɔ Isirɛla nyamanɛ rɔ ka anu sɔ Isirɛla mɔgɛnu gbɛ rɔ. Asiriya mɔgɛ kɛnu ya Isirɛla so-kunbɛnu bi ka wonu ma anu halalɛ la.

2 Mansɛnu 19:37

Lunyɛ do, Mansa Sɛnakaribu ye ala bɛsi Nisirɔki kɔ tinɛ tumɛ min, ala den fila Adamɛlɛki anubɛ Sarisa tara anu fa wo faga nyɔ. Wonu ya anu buri tala Ararati nyamanɛ rɔ. Ala dan do min tɔgɛ Isahadɔn, wo sigira a gbɛ rɔ.

Ɛsira 4:9

“Minnu bi kɛdi kɛ sɛbɛla, wo le nde, Rihum wo, nna kɛdi-sɛbɛla Simisayi wo, ma makawandilɛnu wo, kiti-tɛgɛlɛnu wo, anubɛ a mɔgɔ-ba-toe minnu siginɛ Samariya soe kɛ burɔ. Mɔgɔ-ba donu kofura ma ma ka bɔ nyamani-gbɛrɛkɛnu tɔ Yufereti bɛ tele-yigi wara la. Fɔlɔ nun, ma dama siginɛ Ɛreki anubɛ Babilɔn anubɛ Susa soenu tɔ nun Ilam nyamanɛ rɔ anubɛ nyamani-gbɛrɛkɛnu tɔ. Mansa-makawanɛ Asibanipuli ya ma labɔ mala soenu tɔ ka ma sigi Samariya soe kɛ burɔ anubɛ nyamani-gbɛrɛkɛnu tɔ Yufereti bɛ tele-yigi wara la.

Yɛrɛmaya 2:28

A ko wole Isirɛla mɔgɛnu, wo ya bɛsɛ minnu nadan wo nyɛrɛ ye, wonu bi mintɔ gbɛ? Nba, ni wola bɛsɛnu si nanparan nɔ, wonu ni na wo kunyɛ bɔ a rɔ. Soe min nyɔgɔn ye Yuda nyamanɛ rɔ, wo le nyɔgɔn bɛsɛ ye a rɔ.

Saraka-Masɔlɛnuta Tɔnnu 18:21

“Wole Isirɛla mɔgɛnu kana sɔn, mɔgɛ ni ala dan ma sarakɛ la Molɛki bɛsɛ ye. Ni min ya wo ma, wo ara mata Mari Alla tɔgɔ tinya.

Tɔn-Fɔɛ-Fila-Nyɔgɛ 12:28

N bara tɔn kɛ minnu fɔ wo ye kɛ la, wonu biranɛ ni to wo bolo tuma-wo-tuma. Ni wo ya wo ma, koe bɛɛ si ta a kilɛ fɛ wobɛ wo mamanɛnu ye bawo wo ye ko-telennɛ ladanna. Mari si sewa wo la worɔ.

Tɔn-Fɔɛ-Fila-Nyɔgɛ 12:31

Wo kana wota Mari Alla bato iko anu denu bi anuna bɛsɛnu kɔla nya min bawo anu bi layarabi-koe ladanna min ma di Mari ye. Hali anuna dannu kɛndɛ, anu bi anu mala sarakɛ la ka anu mintan gburr!