2 Mansɛnu 17:28 - ALLALA KUMƐ

²⁸ Anu ya saraka-masɔlɛ minnu bira Samariya soe burɔ, anu nara wo mɔgɔ kelen na ka wo sigi Bɛtɛli soe burɔ. Wo tora mɔgɛnu nabilala Mari-bato-nya la.

2 Mansɛnu 17:28 ပူးပေါင်းရင်းမြစ်များ

2 Mansɛnu 17:27

Asiriya mansɛ wo ya a fɔ anu ye ko, “Kɛlɛ nara anuta saraka-masɔlɛ minnu na, wo ta wo kelen to Samariya alako wo ni to mɔgɛ wonu karanna anuta bɛsɛta tɔn-bira-nya la.”

2 Mansɛnu 17:29

Kɔnɔ hali wo, sundan wo minnu siginɛ Samariya nyamanɛ rɔ, wonu tora anuta bɛsɛnu nadanna anu nyɛrɛ ye. Isirɛla mɔgɛnu ya anuna bɛsɛnu sigi kan-tina-mayɛlɛnɛ minnu tɔ fɔlɔ nun, sundan wonu ya anuna bɛsɛnu sigi nyɔnu tɔ. Anu tora anuna bɛsɛnu sigila anu dan na iko anu duruta a mala nya min anu halala-soenu tɔ.

Aiseya 29:13

Mari ko mɔgɛ kɛnu bi a fɔla anu da rɔ ko ale Mari di anu ye kɔnɔ a wara-koe sa anu yisi-kunyɛ la. Anuna dina manɛ tɔn anubɛ namunya-gbansan le la. Wo le manɛ anu bolo kuntɔ-karan la.

Yona 1:9

Nɛbi Yona ko, “Hiburu le nde la. Mari Alla min bi san-kole rɔ pon, nde si wo le kelan madiya. Ale le ya dugu-kole anubɛ kɔgɔ-yi kɛ dan.”

Matiyu 15:14

Wo kana hɔn Farisi wonuna ko la! Fiyɔn le anu na, ado anu bi fiyɔn bole birala. Fiyɔn wa fiyɔn bolo bira, anu filɛ bɛɛ si bui denkɛ rɔ.”

Yɔni 4:22

Wole Samariya kɛnu, wo ye min batola, wo ma wo lɔn. Kɔnɔ male Yahudiyanu bi min batola, ma ya wo lɔn bawo kisi-koe bɔnɛ Yahudiyanu denu bolo.