2 Mansɛnu 17:23 - ALLALA KUMƐ

²³ Anu tora wo le la ha Mari ya a kan-kɔ sɔ anu na, ado a ara nɛbinu nata anu makawandi tinɛ nun. Wo le ya a ma, Asiriyanu nara anu bira ka ta anu na pon! Anu bi nyɔ ha bi.

2 Mansɛnu 17:23 ပူးပေါင်းရင်းမြစ်များ

1 Mansɛnu 13:2

Allata mɔgɛ wo kumara saraka-mintan-tinɛ ma iko Mari ya a fɔ a ye nya min. A ya a fɔ saraka-mintan-tinɛ wo ma ko, “E, saraka-mintan-tinɛ, Mari ara kɛ le fɔ ila ko rɔ, a ko, dan do si na sɔrɔn Dawuda bɔnsɔn rɔ. Anu si wo kele ko Yosaya. Saraka-masɔlɛ minnu bi sarakɛ mintanna ile saraka-mintan-tinɛ kɛ kuma, Mari ko dan wo le ye saraka-masɔlɛ wonu fagala ka anu kolenu mintan ile kuma.”

1 Mansɛnu 14:16

Mari ko bawo Mansa Yɛrabowami ara mɔgɛnu bɔ ale wara la ka anu nadon hakɛ rɔ, a si a ban Isirɛla mɔgɛnu na.”

1 Mansɛnu 9:7

n si Isirɛla mɔgɛnu gben ka anu bɔ nyamanɛ kɛ rɔ n ya min di anu ma. N bara Bato-Bɔn min ma ntɛ la kɛ la, n si n ban wo la fanan. Mɔgɔ yigi ti taran Isirɛla mɔgɛnu na worɔ tun!

2 Mansɛnu 13:23

Kɔnɔ hinɛ anubɛ kinikinɛ ye Mari rɔ. A ma sɔn Isirɛla mɔgɛnu nato-koe ma. A ya anu dɛnbɛ bawo a ara sarama-kan kiri Iburayima anubɛ ala den Isiyaka anubɛ wola den Yakoba ye nun, ado ha kaka, a ma nyina ala mɔgɛnu ko.

2 Mansɛnu 17:13

Mari ya kilayɛnu anubɛ nɛbinu sɔ Isirɛla kɛnu anubɛ Yuda kɛnu makawandi tinɛ nun. A ya a fɔ anu ye nun ko, “Wo ni wo sɔn-yogomɛnu boloka ka nta kumɛnu bira. N bara nna tɔnnu di wo benbanu ma nun, ado nna nɛbinu bara wo bɛɛ fɔ wo ye nun.”

2 Mansɛnu 17:18

Mari diminyara Isirɛla mɔgɛnu ma ha a ya anu gben ka a kan-kɔ sɔ anu na. Fɔ Yuda nyamanɛ dɔrɔn, wo le tora.

2 Mansɛnu 17:20

Wo le ya a ma, Mari ya a ban Yakoba kegeyɛ bɛɛ la Isirɛla mɔgɛnu, kɔni. Tɔ-a-la, a ya a kan-kɔ sɔ anu na ka anu don anu yogenu bolo minnu bi anu bira boloko-yogomɛ-kɛla.

2 Mansɛnu 17:22

Isirɛla mɔgɛ wonu fanan bilara Mansa Yɛrabowami fɛ hakɛ rɔ tolon!

2 Mansɛnu 17:6

Kɔnɔ Hoseyala mansayɛ san kɔnɔntɔ nyɔgɛ ma, Asiriya mansɛ wo ya Isirɛla mɔgɛnu nɔ ka ta anu na birɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

2 Mansɛnu 21:14

Min bi tola anu niyi la, n si n yɛ firindi wonu ma ka anu kunyɛ don anu yogenu bolo. Anu yoge wonu si anu nɔ ka anu bolo-fan bɛɛ bi anu bolo.

2 Mansɛnu 23:27

Ka tenbi wo la, Mari ko, “N si Yuda kɛnu kasara iko n bara Isirɛla kɛnu kasara nya min. N bara Yerusalɛm soe min yabɔ nun, n si n yɛ firindi wo ma. N bara a fɔ batoli-kɛ-tinɛ min ma nun ko anu ni to n batola nyɔ, n bara n kan-kɔ sɔ nyɔ fanan na.”

2 Mansɛnu 24:3

Mari ya kɛ bɛɛ ma bawo Mansa Manasa ara ko-yogomɛ min kɛ. Wo le ya a to, Mari ya a yɛ firindi Yuda mɔgɛnu ma,

2 Mansɛnu 25:21

Anu ke anu na Ribila soe burɔ Hamati nyamanɛ rɔ, Babilɔn mansɛ ya Yerusalɛm kɛ wonu gbesi ka anu faga. Kɛlɛ tara Yuda mɔgɛnu na ka le.

2 Mansɛnu 3:3

Kɔnɔ hali wo, a ma ko-yogoma-kɔrɛ wonu boloka Nebatila den Mansa Yɛrabowami ya Isirɛla mɔgɛnu nadon minnu tɔ.

Nihɛmaya 9:32

“E, mata Alla, i makawara. I makilannɛ ita sɛnbɛ la. Sarama-kan min kirinɛ ma tɛma, ile ara itɛ latɔnbagaya. Kebi Asiriya mansɛnu ya ma tɔrɛ min dabira, ha bi, ma ye tɔrɔya kelen wo le kun na. Mala mansa wo, mala kun-tigi wo, mala saraka-masɔla wo, mala nɛbi wo, ma benbanu wo, anubɛ mala mɔgɛ toenu wo, ma dama ye tɔrɔyɛ wo rɔ. I yandi, i miri mala tɔrɔyɛ yirika ma.

Yaburi 51:13

Woletɔ n si hakɛ-tiginu karan ita tɔnnu ma alako anu ni sɛgi i ma.

Aiseya 7:8

A ko min ya a to a ya kɛ fɔ, Siriyanu ta ma gbɛlɛ ka ke anuna so-karantan Damasika kɛnu tɔ. Damasika kɛnu fanan ta ma gbɛlɛ ka ke anuna Mansa Risen tɔ, ado yanni san bi-wɔrɔ ani san loli (65) gbɛ, a ko Isirɛla mɔgɛnu ta ara ban nyɛnsɛnna. Mɔgɛ ti anu lɔn fenfen na wo rɔ tun.

Yɛrɛmaya 52:3

Mari diminyara Yuda mɔgɛnu ma anubɛ Yerusalɛm so-burɔ-mɔgɛnu ma ha a ya a kolan firindi anu ma. Ale Yuda Mansa Sɛdɛkaya murutiyara Babilɔn Mansa Nɛbukanasa ma.

Yɛrɛmaya 7:15

A ko a si wo gben a yakɔrɔ iko a ya wo na-kelen-nyɔgɛ Isirɛla mɔgɛnu gben nya min.

Hoseya 12:3

Wo benba Yakoba anubɛ a fɛrɛn-nyɔgɛ Isɔ ya kɛlɛ dabira anu na burɔ le fɔlɔn. Ale Yakoba koloyanɛ, a ya Alla ma a kɛlɛ-nyɔgɛ la

Emɔsi 5:27

a si wo don yɔɔnyɛ rɔ wo yogenu bolo Damasika soe kɔma. Mari Sɛnbɛ-Bɛɛ-Tigi kuman-kan le kɛ la.”

Maika 1:5

“Min bi a tola, kɛ dama ye nala mala bawo Isirɛla mɔgɛnu anubɛ Yuda mɔgɛnu bara hakɛ kɛ. Nfen sufa hakɛ le wonu na? Bawo anu bara bɛsi-kɔ-koe anubɛ karagbɛlɛyɛ dan-natenbi, hali anuna mansa-soenu tɔ, Yerusalɛm anubɛ Samariya.

Maika 1:6

Maika ya Mari kuman-kan latenbi mɔgɛnu ma ko a si Samariya soe ma tonbon-kole la. Nyɔ si ma fen-ki-tinɛnu na. Mari ko a si bon-kerinɛ wonu mirannu nakɛ a rɔ fole la, fɔ bon-gbɛnu, wonu denu bi tola.

Maika 2:5

Maika ya a fɔ ko, “Woletɔ Marita mɔgɛnu ba sɛgi anuta nyamanɛ rɔ tumɛ min, wole kensunte-kɔrɛnu bɔnsɔnnu ti fenfen sɔrɔn wola nyamanɛ rɔ tun.

Tɔn-Fɔɛ-Fila-Nyɔgɛ 32:20

A ko a ti wo dɛnbɛ hali! Wole tolo-gberenu anubɛ wole mɔgɔ-murutiyanɛnu, a ni a yen wo ye nala min mala wo kɔma gbɛ!

Yasowa 23:13

wo ni la a la worɔ serr, ko wota Mari Alla ti mɔgɛ kɛnu gben wo yarɔ mumɛ! Wo si ma ko-yogomɛ la wo ye iko gbɛrɛ, ni wo ma, iko dugu-denkɛ. A si gbɛlɛya wo kuma iko anu tenbi wo gbesila bosɛ la. A si wo dumɛ iko wɔnɛ tenbi wo yɛ rɔ. Wo si to tɔrɔyɛ rɔ ka le, ha wo dama si ban wola nyamani-hakikɛ kɛ rɔ mata Mari Alla ya min di wo ma.

Kɛlɛ-Kurugbɛnu 18:30

Anu ya Maikala kɔlɔma-malɛsɛnɛ min bi a bolo, anu ya bɛsɛ wo sigi bɔn do la, anu si a kɔ kan min. Anu ya Musa mamanɛ Yonatan ma anuna saraka-masɔlɛ la, Kɛrisɔnla dan, kɔni. Wo kebilɛ tora mala saraka-masɔlɛ la Dan bɔnsɔn-mɔgɛnu ye ha kɛlɛ tara anu na.