2 Mansɛnu 17:21 - ALLALA KUMƐ

²¹ Fɔlɔ nun, nyamani kelen de Isirɛla nyamanɛ anubɛ Yuda nyamanɛ la. Mari ya Yuda nyamanɛ anubɛ Isirɛla nyamanɛ fara tumɛ min, Isirɛla mɔgɛnu ya Nebatila den Yɛrabowami ma anuna mansɛ la. Mansa Yɛrabowami wo ya a ma, Isirɛla mɔgɛnu ya anu bɔ Marita kilɛ fɛ. A ya a ma, Isirɛla mɔgɛnu donta ko-yogomɛ kɛnu tɔ.

2 Mansɛnu 17:21 ပူးပေါင်းရင်းမြစ်များ

Ko-Dabirɛnu 20:9

Mansɛ wo ya Iburayima kele ka a fɔ a ye ko, “Ile ara nfen ma ma la kɛ la? Nde ya nfen ko-yogoma ma ile la, i ye hakɛ kɛ sufa lanala ma kuma? I wara ko sigi n ma mɔgɔ ti min sigi mɔgɛ ma.”

1 Mansɛnu 11:11

Mari ya a fɔ a ye ko, “Bawo i ma nta kumɛnu to a gbɛ rɔ, ma sarata nna sereya minnu ma, i wara wonu tinya, fɔ n ba nyamanɛ kɛ bɔ i bolo ka a di ila wɔli-kɛlɛ do ma.

1 Mansɛnu 11:31

Ahaya ya a fɔ Yɛrabowami ye ko, “Ile ni a kundu tan bira bawo Isirɛlata Mari Alla ko a si Isirɛla nyamanɛ bi Mansa Silamɛni bolo. A ko a si bɔnsɔn tan don ile bolo.

1 Mansɛnu 13:34

Yɛrabowami ya hakɛ min kɛ kɛ la, wo le ya fɛɛ sa ala mansayɛ la. Mansayɛ bɔra a bolo. Mansayɛ ma sɛgi ala bɔn la tun.

1 Mansɛnu 14:16

Mari ko bawo Mansa Yɛrabowami ara mɔgɛnu bɔ ale wara la ka anu nadon hakɛ rɔ, a si a ban Isirɛla mɔgɛnu na.”

1 Mansɛnu 14:8

A ko ale le ya mansayɛ bɔ Mansa Dawuda mamanɛnu bolo ka a don ale bolo. Ta a fɔ a ye ko Mari ko ale telenni ma iko ala wɔli-kɛlɛ Mansa Dawuda telennɛ a ye nya min nun. A ko Mansa Dawuda ya a telen a ye. A ya ata kumɛ bira ka a sako kɛ.

2 Mansɛnu 17:22

Isirɛla mɔgɛ wonu fanan bilara Mansa Yɛrabowami fɛ hakɛ rɔ tolon!

2 Mansɛnu 3:3

Kɔnɔ hali wo, a ma ko-yogoma-kɔrɛ wonu boloka Nebatila den Mansa Yɛrabowami ya Isirɛla mɔgɛnu nadon minnu tɔ.

2 Ko-Kɔrɔta-Karan 11:11

A ya tarɛ wonu sɔ fanka rɔ ka kurugba kelen-kelen sigi soe wonu kun na. A dɔn-fan wo, a ɔlifi-tuli wo, a nɔnbɔ-gbɔ-yi wo, a ya wonu namara mɔgɛnu ye soe wonu tɔ.

2 Ko-Kɔrɔta-Karan 11:15

Ale Mansa Yɛrabowami ya ata saraka-masɔlɛnu yabɔ a nyɛrɛ ye alako wonu ni to sarakɛnu bɔla Alla-batobɛlɛnuna kɔ tinɛnu tɔ anubɛ nyinɛnu anubɛ bɛsɛnu ye, a ya minnu nadan tura-danla muninyɛ la.

Yaburi 25:11

E, Mari, n makoto n hakɛ-siyamɛ la iko i wara lanyiri kiri n ye nya min.

Bɔ-Koe-Iyipiti 32:21

Musa ya a fɔ Aruna ye ko, “Mɔgɛ kɛnu ya nfen ma i la ha i wara anu nadon hakɛ sufa kɛ rɔ?”

Aiseya 7:17

“Mari ko a si nyankankantan min nana ile mansɛ anubɛ ila mɔgɛnu kuma, wo da-rakolo, ado kebi Yuda nyamanɛ anubɛ Isirɛla nyamanɛ farata, wo nyɔgɔn tɔrɔyɛ ma na wɛ nyamanɛ kɛ kuma. Mari ko hali Asiriya mansɛ, a si wonubɛ ala kɛlɛ-dannu natugu wo ma.

Yɔni 19:11

Yisa ya a yabi ko, “Sɛnbɛ ye i bolo n kuma bawo Alla le ya wo di i ma. Woletɔ minnu ya n don i bolo, wonu hakɛ kolo itɛ ko.”

1 Samuwɛli 2:17

Ilayita den-keminɛ kɛnuta hakɛ wo ma di Mari ye mumɛ bawo anu bi Mari lafɛyala a kɔ tinɛ.

1 Samuwɛli 2:24

Nna dannu, Marila mɔgɛnu bi min fɔla n ye, ko-yogomɛ le wonu na. Wo ni wo sɔn-yogomɛ wonu boloka!