2 Mansɛnu 17:20 - ALLALA KUMƐ

²⁰ Wo le ya a ma, Mari ya a ban Yakoba kegeyɛ bɛɛ la Isirɛla mɔgɛnu, kɔni. Tɔ-a-la, a ya a kan-kɔ sɔ anu na ka anu don anu yogenu bolo minnu bi anu bira boloko-yogomɛ-kɛla.

2 Mansɛnu 17:20 ပူးပေါင်းရင်းမြစ်များ

2 Mansɛnu 13:23

Kɔnɔ hinɛ anubɛ kinikinɛ ye Mari rɔ. A ma sɔn Isirɛla mɔgɛnu nato-koe ma. A ya anu dɛnbɛ bawo a ara sarama-kan kiri Iburayima anubɛ ala den Isiyaka anubɛ wola den Yakoba ye nun, ado ha kaka, a ma nyina ala mɔgɛnu ko.

2 Mansɛnu 13:3

Wo le ya a to, Mari fonde bɔra Isirɛla nyamanɛ kuma. Mari ya a ma, Siriya Mansa Hesiyɛli anubɛ ala den Bɛnhedadi mɛra Isirɛla mɔgɛnu kun na.

2 Mansɛnu 13:7

Siriya mansɛ ya Mansa Yɛhowahasila kɛlɛ-dannu nunku iko foni-fɔrɔn. Kɛlɛ-den fenfen ma to fɔ so-laburila mɔgɔ bi-loli, kirindi tan, anubɛ kɛlɛ-dan mɔgɔ waga tan. Wonu denu dɔrɔn tora.

2 Mansɛnu 15:29

Mansa Pekata wati kɔrɔ, Asiriya Mansa Pulu nara so-kun loli bi Isirɛla nyamanɛ rɔ. So-kun loli, wo le kɛnu na, Iyɔn wo, Ebɛli-Bɛti-Meyaka wo, Yanowa wo, Kɛdɛsi wo, anubɛ Hesɔ. A ya Isirɛla nyamani-kun sawa fanan bi, Kaliyadi wo, Kalili wo anubɛ Nafatali. A tara nyɔ-mɔgɛ bɛɛ la a warɛ Asiriya.

2 Mansɛnu 17:15

Mari ko anu ma sɔn ata sereyanu birala. Anubɛ anu benbanu sarata min na, anu ma sɔn wo birala. A ko a ya anu makawandi minnu ma, anu ma sɔn anu tole masɔla wonu na. Anu ya bɛsi-fufafuyinu kɔ ka anu nyɛrɛ ma mɔgɔ-fufafuyinu na. Mari ya a fɔ anu ye nun ko anu kana anu dan-masa-nyɔgɛnuna namunu bi kɔnɔ anu ya wonuna namunyɛnu bi.

2 Mansɛnu 17:18

Mari diminyara Isirɛla mɔgɛnu ma ha a ya anu gben ka a kan-kɔ sɔ anu na. Fɔ Yuda nyamanɛ dɔrɔn, wo le tora.

2 Mansɛnu 18:9

Mansa Hɛsakayala mansayɛ san nani nyɔgɛ ma Yuda nyamanɛ rɔ, Mansa Hoseyala mansayɛ fanan san wɔrɔnfila nyɔgɛ le wo la Isirɛla nyamanɛ rɔ. San wo le nyɛrɛ la, Asiriya Mansa Salamanisa nara bui Isirɛla nyamanɛ ma ka Samariya soe kurun.

2 Mansɛnu 21:14

Min bi tola anu niyi la, n si n yɛ firindi wonu ma ka anu kunyɛ don anu yogenu bolo. Anu yoge wonu si anu nɔ ka anu bolo-fan bɛɛ bi anu bolo.

2 Mansɛnu 23:27

Ka tenbi wo la, Mari ko, “N si Yuda kɛnu kasara iko n bara Isirɛla kɛnu kasara nya min. N bara Yerusalɛm soe min yabɔ nun, n si n yɛ firindi wo ma. N bara a fɔ batoli-kɛ-tinɛ min ma nun ko anu ni to n batola nyɔ, n bara n kan-kɔ sɔ nyɔ fanan na.”

2 Mansɛnu 24:3

Mari ya kɛ bɛɛ ma bawo Mansa Manasa ara ko-yogomɛ min kɛ. Wo le ya a to, Mari ya a yɛ firindi Yuda mɔgɛnu ma,

Yaburi 51:13

Woletɔ n si hakɛ-tiginu karan ita tɔnnu ma alako anu ni sɛgi i ma.

Yaburi 53:5

Kɔnɔ karagbɛlɛnu si yɛrɛyɛrɛn kumakɔɛ bolo, hali a ma anu kumakɔ-kunya bɔ bawo Alla si a diyana-mɔgɛnu yogenu tanyɛnsɛn. Alla ara a ban anu na min kɛ, Isirɛla mɔgɛnu si anu nɔ feu!

Yaburi 80:13

Kosenu bi a tɛntɛnna. Soge donu fanan bi anu dɔnna.

Aiseya 2:6

E, Alla, i wara i ban ila mɔgɛnu na, Yakoba kegeyɛnu, kɔni. Nyamanɛ kɛ lafanɛ nya-nyini-kɛlɛnu na ka bɔ tele-bɔɛ wara la anubɛ Filisiti nyamanɛ rɔ. Ila mɔgɛnu bi sibolo-gbɛrɛnuna namunyɛ bila.

Aiseya 45:25

Ale Mari ko a si Yakoba kebilɛ bɛɛsi kunyɛ bɔ gbaran rɔ, ado anu dama si tantolɛ di a ma.

Yɛrɛmaya 15:1

Wo kɔma, Mari ya a fɔ nde, Yɛrɛmaya ye ko hali Nɛbi Musa anubɛ Samuwɛli ya madiyali-kɛ wole, Yuda mɔgɛnu ye, a ko a ti kinikini wo ma. A ko wole ni wo masɛgi a la fasi! Wo ni wo mata pon!

Yɛrɛmaya 46:28

A ko wole, Yakoba kegeyɛnu, wo kana kilan. A ko a si na wo wara ka wo lakisi. A ya wo ranyɛnsɛn kan-tinɛ min bɛɛ rɔ, a ko a si sibole wo bɛɛ kasara kɔnɔ a ti wole lato. A ko hali wo, a ti wo tɔrɔbɛlɛ to kɔnɔ a ye tɔrɔya-bɛnmatɛ dila wo ma. Mari kan le kɛ la.

Yɛrɛmaya 52:3

Mari diminyara Yuda mɔgɛnu ma anubɛ Yerusalɛm so-burɔ-mɔgɛnu ma ha a ya a kolan firindi anu ma. Ale Yuda Mansa Sɛdɛkaya murutiyara Babilɔn Mansa Nɛbukanasa ma.

Yɛrɛmaya 6:30

A ko wole, ala mɔgɛnu si kele ko, “Wodi-gbɛ ani a boe.” Wo ara ma wodi-gbɛ-munke la bawo Mari ara a ban wo la.

Yɛrɛmaya 7:15

A ko a si wo gben a yakɔrɔ iko a ya wo na-kelen-nyɔgɛ Isirɛla mɔgɛnu gben nya min.

Hoseya 1:6

Koma anubɛ Nɛbi Hoseya ya dan fila nyɔgɛ min sɔrɔn, wo mara dunmusi la. Mari ya a fɔ Nɛbi Hoseya ye ko, “I ni a tɔgɔ sa ‘Hinabɛlɛ’ bawo n ti keninteyɛ yira Isirɛla mɔgɛnu na tun, kuma sa anu makoto-koe ma.

Hoseya 12:3

Wo benba Yakoba anubɛ a fɛrɛn-nyɔgɛ Isɔ ya kɛlɛ dabira anu na burɔ le fɔlɔn. Ale Yakoba koloyanɛ, a ya Alla ma a kɛlɛ-nyɔgɛ la

Yona 1:10

A ya a buri Mari kɔrɔ nya min, a ya wo rakaran anu ye. Kulun-tawɔli-kɛlɛnu kilanta, anu ko, “I wara ko-yogomɛ le ma kɛ la.”

Yona 1:3

Kɔnɔ hali wo, Yona ya Mari sɔsɔ. Mari ko a ni ta tele-bɔɛ kɔnɔ ale tara a ye tele-yigi. Yapa soe min bi kɔgɔ-yi kɔnkɔn-dɛ la, a tara a ye nyɔ. A ya kulun-belebele-wɛ do wulinɛ taran min bi tala Sipeni nyamanɛ rɔ. A ya kulun-sarɛ di ka ta. Ale miri le ko a si ke le a burila Mari kɔrɔ.

Matiyu 25:41

“Wo kɔma, minnu bi n maran rɔ, n si a fɔ wonu ye ko, ‘Wo ni wo bɔ n fɛ, wole min bi Allala dankɛ kɔrɔ! Wo ta habadan-tɛ rɔ min tabɛnnɛ Setanɛ anubɛ ata melikanu ye!

Tɔn-Fɔɛ-Fila-Nyɔgɛ 11:12

Wota Mari Alla nyɛrɛ le nyamanɛ wo fɛ-birala san mumɛ bɛɛ kɔrɔ.

Tɔn-Fɔɛ-Fila-Nyɔgɛ 32:20

A ko a ti wo dɛnbɛ hali! Wole tolo-gberenu anubɛ wole mɔgɔ-murutiyanɛnu, a ni a yen wo ye nala min mala wo kɔma gbɛ!

2 Tɛsalonaika 1:9

Anu si habadan-tɔrɔyɛ sɔrɔn. Anu ti gbɛrɛn Mari anubɛ ala gbiliya-makawanɛ ma.

Yasowa 23:13

wo ni la a la worɔ serr, ko wota Mari Alla ti mɔgɛ kɛnu gben wo yarɔ mumɛ! Wo si ma ko-yogomɛ la wo ye iko gbɛrɛ, ni wo ma, iko dugu-denkɛ. A si gbɛlɛya wo kuma iko anu tenbi wo gbesila bosɛ la. A si wo dumɛ iko wɔnɛ tenbi wo yɛ rɔ. Wo si to tɔrɔyɛ rɔ ka le, ha wo dama si ban wola nyamani-hakikɛ kɛ rɔ mata Mari Alla ya min di wo ma.

Kɛlɛ-Kurugbɛnu 18:30

Anu ya Maikala kɔlɔma-malɛsɛnɛ min bi a bolo, anu ya bɛsɛ wo sigi bɔn do la, anu si a kɔ kan min. Anu ya Musa mamanɛ Yonatan ma anuna saraka-masɔlɛ la, Kɛrisɔnla dan, kɔni. Wo kebilɛ tora mala saraka-masɔlɛ la Dan bɔnsɔn-mɔgɛnu ye ha kɛlɛ tara anu na.

Kɛlɛ-Kurugbɛnu 2:14

Woletɔ Mari fonde bɔra Isirɛla mɔgɛnu kan ma. Mari sɔnta ko kankannu ni bui anu ma. Anu yoge minnu bi anuna foolɛ rɔ, Mari sɔnta ko wonu ni Isirɛlanu nɔ. Wo le ya a ma, Isirɛla mɔgɛnu ma ke anu nyɛrɛma-kɛlɛ kɛla.

1 Samuwɛli 15:23

Ka murutiya Mari ma, wo yogo a yala iko suwagayɛ. Wasinteyɛ yogo a yala iko bɛsi-kɔ-koe. Bawo i wara i ban Marita kumɛ birala woletɔ ale fanan bara a ban ile fananta mansayɛ ma.”

1 Samuwɛli 15:26

Samuwɛli ya a fɔ ko, “N ti bila i fɛ nyɔ. Ile ara i ban Marita kumɛ birala. Ale fanan bara a ban ita mansayɛ ma Isirɛla mɔgɛnu kuma!”

1 Samuwɛli 16:1

Mari ya a fɔ Samuwɛli ye ko, “Ile yisi-tinyanɛ si to Sɔlila ko la ha tumɛ nyamintan? N bara n ban ala mansayɛ ma nun Isirɛla kun na. Dantɛgɛ-tuli do bi. I ni ta a la i bolo Bɛtalehɛm. I si kei do taran nyɔ min tɔgɛ Yɛsi. N bara ala dan do yabɔ ko a ni ma mansɛ la.”