2 Mansɛnu 17:17 - ALLALA KUMƐ

¹⁷ Anu bi anuna dannu mintanna Alla-batobɛlɛnuna bɛsi-kɔ-tinɛnu tɔ. Anu bi yi-kɔrɔ-fɛlan anubɛ bolo-tafɛlan kɛla. Koe min bɛɛsi yogo ale yala, anu ya anu nyɛrɛ don wonu tɔ. Wo le ya a ma, Mari fonde bɔra anu kuma.

2 Mansɛnu 17:17 ပူးပေါင်းရင်းမြစ်များ

1 Mansɛnu 14:15

Mari ko a si Isirɛla mɔgɛnu tɔrɔ. Anu ni to magala tɔrɔyɛ bolo iko binyɛ min bi yi rɔ. Mari ko bawo anu bara Asura bɛsɛ ladan musila muninyɛ la, wo ara a ladiminya. Wo le ye a mala, a ya ata dugu-hakikɛ min di anu benbanu ma, a si anu gben nyɔ rɔ. A si anu gben ka anu fui Yufereti bɛ-kɔgɔmɛ rɔ.

1 Mansɛnu 21:20

Mansa Ehabu ya Nɛbi Ilaya yen tumɛ min, a ya a fɔ a ye ko, “N yoge, i wara n gba bɔ?” Nɛbi Ilaya ko, “Ɔn! Koe minnu ma di Mari ye, i wara i nyɛrɛ ma wonu malɛ la.

1 Mansɛnu 21:25

(Mɔgɔ-wo-mɔgɔ sa nyɔ min bara bila Mari la ka ala ko-yogomɛ sa gbɛ rɔ iko Mansa Ehabu kɛ, ado ala musi Yɛsɛbɛli le ya a latuntun ko-yogomɛ kɛnu ma-tinɛ.

2 Mansɛnu 16:3

A ya Isirɛla mansɛnu sɔn bi hali ka a halala-den-kei ma saraka-mintantɛ la bɛsɛnu ye. Min kolo wo ko, Mari ya mɔgɛ minnu gben nyamanɛ wo rɔ nyɔ nun, wonu taranta kisimiriya-koe kɛ le sufa mala nun.

2 Mansɛnu 17:11

Anu tora isɛnti mintanna Alla-batobɛlɛnuna kan-tina-mayɛlɛnɛnu tɔ iko Mari ya mɔgɛ minnu gben anu yarɔ, wonu ya a ma nya min. Anu ya a ma, Mari fonde bɔra anu kuma anuna ko-yogomɛ wonuna ko la.

2 Mansɛnu 17:31

Ifa kɛnu ya anuna bɛsɛnu nadan minnu tɔgɛ le Nibahasi anubɛ Tarataki. Sifafeyim kɛnu ya anuna bɛsɛnu nadan minnu tɔgɛ le Adamɛlɛki anubɛ Anamɛlɛki. Wonu kɛnɛna anuna dannu mintanna bɛsɛ kɛnu ye.

2 Mansɛnu 21:6

A ya ala den-kei ma saraka-mintantɛ la, ado a bolo-tafɛlɛn wo, a duruya wo, a yi-kɔrɔ-fɛlɛn wo, a ya wo dama ma. Hali nyina-kɔlɛnu, a tara ke wonu fanan ma. A ya hakɛ min kɛ Mari la, wo da rakoloyara. Wo le ya a ma, Mari fonde bɔra a kuma.

2 Ko-Kɔrɔta-Karan 28:3

A ya sarakɛnu bɔ Hinom lɛɛ rɔ. A ya a halala-den-keinu mintan sarakayɛ la bɛsɛnu ye. Wo le ya a ma, Mari ya mɔgɛ minnu gben nyamanɛ wo rɔ nyɔ nun, wonu taranta milibɛlitaya-koe kɛ sufa mala nun.

2 Ko-Kɔrɔta-Karan 33:6

A ya ala den-keinu ma saraka-mintantɛnu na bɛsɛnu ye Hinom lɛɛ rɔ. Bolo-tafɛlɛn-koe wo, duruya-koe wo, a yi-kɔrɔ-fɛlɛn-koe wo, a ya wo dama ma. Hali nyina-kɔlɛnu, a tara ke wonu fanan ma. A ya hakɛ min kɛ Mari la, wo da-rakoloyara. Wo le ya a ma, Mari fonde bɔra a kuma.

Aiseya 47:9

Ko fila si sigi i ma anu nyɔgɔn fɛ nya-kun-kelen, i si foo ila dannubɛ ila kei la filili! Ado nfan, ila duruyɛ anubɛ ila kofo-denyɛ ti ke i lakisila muk!

Aiseya 50:1

Mari ko i miri ko a ara a ban wole, ata mɔgɛnu na iko mɔgɛ si a ban ala musi la nya min? Ni tonyɛ le wo la, boloka-kɛdi wo ye mintɔ? A ko i miri ko a ara anu mayira iko yɔɔn ka anu ma yili-sarɛ la? Ade, anu hakɛ le ya a ma, Mari ya a ban anu na iko mɔgɛ wa a ban ala musi la. Ni i ya a yen wo mara bawo ile fɔlɔn bara to i kan-kɔ sɔla a la.

Aiseya 8:19

Mɔgɛnu bi a fɔla wo ye ko wo ni yi-kɔrɔ-fɛlɛnnɛnu manyinika alako wo ni hɛnkili sɔrɔn anu bolo, ado anu bi huma-humana dɔrɔn. Mɔgɛnu bi a fɔla ko, “A kin mɔgɛnu ni furi manyinika kɛndɛwagɛnuna ko la.”

Yɛrɛmaya 19:5

Wo ya bɛsi Beyali kɔ-tinɛ ladan nyɔ ka wola dannu ma saraka-mintantɛnu na a ye. Mari ko a ma wo fɔ wo ye, ado a miriya ma ke wo ma.

Yɛrɛmaya 25:7

Kɔnɔ Mari nyɛrɛ ko wo ma wo tole masɔ a kin na! A ko wo ara a fonde magboya wola bɛsɛnu na, ado a ko wole le ya tɔrɔyɛ wo sanba wo nyɛrɛ ma.

Yɛrɛmaya 27:9

N ya a fɔ kilayɛ wonu ye ko anu ni n kan natenbi ko anuna mansɛnu kana anu tole sigi foninya-nɛbinu anubɛ bolo-tafɛlɛnnɛnu kan kɔrɔ minnu bi a fɔla ko anu ni anu ban Babilɔn mansɛ la. Ni kiyo-rakarannɛnu kumara anu ye yarɔ-koenu fɔ-tinɛ, ni wo ma, ka yarɔ-koenu fɔ iko furinu denu ya a fɔ anu ye, ni wo ma, ka yarɔ-kumɛnu fɔ kofo-denyɛ rɔ, anu kana anu tole masɔ wo do-wo-do la.

Yɛrɛmaya 7:31

Wole Yuda kɛnu bara bɛsi-kɔ-tinɛ min tɔgɛ Tofɛti sɔ Bɛn-Hinɔm lɛɛ rɔ. Wo ye wola den-keinu anubɛ wola dunmusinu mintanna bɛsɛnu ye nyɔ rɔ, ado Mari ko ale ma tɔn wo di wo ma. Ado nfan, a miriya ma tugu wo la lefan!

Isikiyɛli 16:21

I ya dan wonu faga ka anu ma sarakɛ la ila bɛsɛ wonu ye.

Isikiyɛli 20:26

N sɔnta anu ni anuna den-keinu ma saraka-mintantɛ la alako n si anu tɔrɔ nya min, ado wo wa ma, wo si a yira anu na nun ko Mari le nde la.

Isikiyɛli 20:31

Ha bi, anu bi kɔ-fen kelan kɛ dila anuna bɛsɛnu ma, ado anu bara anuna dannu ma saraka-mintantɛnu na ale bɛsɛ kelan wo ye min kɛ, woletɔ anu bara anu nyɛrɛ latinya. Wo kɔma, anu bi anu tuila ka na n sako-lɔn-tinɛ tun. Nde, anu Tigi Mari ara n keli ko n ti sɔn, anu ni n manyinika ko-wo-ko la.

Isikiyɛli 23:37

Anu bara yɛlɛnyɛ kɛ ka mɔgɛnu faga. Anu ya yɛlɛnyɛ kɛ ka a tɛgɛ bɛsɛnu kɔ-koe ma. Anu ya anuna dannu faga ka anu ma bɛsɛ wonu beli-fan la, nta dannu, kɔni.

Isikiyɛli 23:39

Anu ya nna dannu faga ka anu bɔ sarakayɛ la tele min nyɛrɛ ma, anu nara ka nna Bato-Bɔn fanan natinya tele wo le ma.

Saraka-Masɔlɛnuta Tɔnnu 18:21

“Wole Isirɛla mɔgɛnu kana sɔn, mɔgɛ ni ala dan ma sarakɛ la Molɛki bɛsɛ ye. Ni min ya wo ma, wo ara mata Mari Alla tɔgɔ tinya.

Saraka-Masɔlɛnuta Tɔnnu 19:26

“Wo kana sogo-suyi anubɛ a yele dɔn. “Wo kana wo nyɛrɛ don duruya-koenu tɔ.

Saraka-Masɔlɛnuta Tɔnnu 19:31

“Ni a sɔgɛ ye mɔgɛ do la ka a nyɛrɛ fɛ-koe lɔn, a kana ta ke yi-kɔrɔ-fɛlɛnnɛnu ma wa bolo-tafɛlɛnnɛnu. Ni min ya wo ma, wo tigi-sɛninyabɛlɛ si to. Nde, wota Mari Alla ya kɛ le fɔ wo ye.

Maika 5:12

Wo lanɛ wola duruyɛ anubɛ wola suwagayɛ minnu na, a si wonu fanan tinya.

Kɛwɔlɛnu 16:16

Lunyɛ do, ma ye tala Alla matara tinɛ tumɛ min, mabɛ yɔɔn-sunkurɔn do bɛnta nyina-yoge ye min fɛ. Wo ara ma nya-nyini-kɛlɛ la mɔgɛ do bolo. A ya wodi siyaman sɔrɔnna a tiginu ye nya-nyini-kɛ wo fɛ.

Romu 7:14

Ma ya a lɔn ko Alla le ya tɔn-kitabu di n ma kɔnɔ mɔgɔni-gbuyi le nde la. A manɛ iko n bi yɔɔnyɛ la hakɛ bolo.

Kalesiya 5:26

Ma kana wasi. Ma kana ma nyɔgɔn nadiminya. Ma kana ma nyɔgɔn makeliya.

Tɔn-Fɔɛ-Fila-Nyɔgɛ 32:16

Wola bɛsi-kɔ-koenu bi a mala, Mari ye wo makeliyala. Wo ye Mari gboyana-koenu nadanna woletɔ a ara kɔrɔtɔ wo ma.

Tɔn-Fɔɛ-Fila-Nyɔgɛ 4:25

“Wo mɛra nyɔ nya-wo-nya, wo ni dannu sɔrɔn anubɛ wo mamanɛnu, wo kana bɛsi-wo-bɛsi ladan. Bɛsi-yogomɛ-ladan-koe kana wo don hakɛ rɔ. Ko-yogomɛ le wo la Mari yala. Wo si a ma, a fonde ni bɔ wo kuma.