2 Mansɛnu 17:13 - ALLALA KUMƐ

¹³ Mari ya kilayɛnu anubɛ nɛbinu sɔ Isirɛla kɛnu anubɛ Yuda kɛnu makawandi tinɛ nun. A ya a fɔ anu ye nun ko, “Wo ni wo sɔn-yogomɛnu boloka ka nta kumɛnu bira. N bara nna tɔnnu di wo benbanu ma nun, ado nna nɛbinu bara wo bɛɛ fɔ wo ye nun.”

2 Mansɛnu 17:13 ပူးပေါင်းရင်းမြစ်များ

1 Mansɛnu 16:1

Mari ya a fɔ Hananila den Nɛbi Yehu ye ko, “I ni ta a fɔ Mansa Beyasa ye ko

1 Mansɛnu 16:7

Bawo Mansa Beyasa ara hakɛ kɛ Mari la, woletɔ Mari ya sarakanɛ kɛ don Nɛbi Yehu bolo. Nɛbi Yehu tara wo fɔ Mansa Beyasa ye. Mansa Beyasa ya ko-yogoma siyamɛ ma iko Mansa Yɛrabowami ya a ma nya min nun. Wo kɔma, a sɛgira Mansa Yɛrabowamila denbayɛ damasi fagala min kɛ, wo le ya a ma, Mari diminyara a ma.

2 Mansɛnu 17:23

Anu tora wo le la ha Mari ya a kan-kɔ sɔ anu na, ado a ara nɛbinu nata anu makawandi tinɛ nun. Wo le ya a ma, Asiriyanu nara anu bira ka ta anu na pon! Anu bi nyɔ ha bi.

2 Mansɛnu 18:6

A ya a latelen Mari ye. Hali tele-kelen-bɛrɛni, a ma Marita kumɛ bɔ a gbɛ rɔ. Mari ya tɔn minnu di Nɛbi Musa ma, a ya a ma a fɛrɛma wonu natɔnbagaya tinɛ.

2 Mansɛnu 21:10

Mari ya min fɔ nɛbinu ye, anu ya wo latenbi mɔgɛnu ma. Mari ko,

1 Ko-Kɔrɔta-Karan 29:29

Ka a bi Mansa Dawudala wulɛ ma ha ka a sigi ala ban la, koe min bɛɛsi mara a wara-koe rɔ, nɛbi mɔgɔ sawa, wo le ya wo sɛbɛ, Nɛbi Samuwɛli wo, Nɛbi Netan wo, anubɛ Nɛbi Kadi, kɔni.

Yobu 11:14

ni i ya i fara karagbɛlɛyɛ la, i ma sɔn ko-yogomɛ ni taran ila bɔn la,

Yobu 36:10

A si anu makawandi bɛrɛbɛrɛkɛ alako anu ni anu fara anuna karagbɛlɛyɛ la.

Yaburi 50:7

Alla ya a fɔ ala mɔgɛnu ye ko, “Wole nta mɔgɛnu, wo ni wo tole masɔ n na. Kumɛ ye n bolo wole Isirɛla mɔgɛnu kan ma. Alla le nde la, wota Alla, kɔni.

Yɛrɛmaya 11:7

A bɔɛ wo benbanu na Iyipiti, a ya anu makawandi ko anu ni a kan to a gbɛ rɔ. A ko a mɛra anu makawandi-siyaman kɛla ha bi!

Yɛrɛmaya 18:11

A ko n ni a fɔ wole, Yerusalɛm anubɛ Yuda nyamanita-mɔgɛ toe ye ko a ye kasarɛ rabɛn-tinɛ wo ye kaka. A ko wo ni wo fara wola karagbɛlɛya-koenu na wo ye min kun na kaka. Wo ni wola kɛ-nyanu yɛlɛma ka ko-latelennɛ kɛ.

Yɛrɛmaya 25:3

ka a bi Amɔnna den Yosayala mansayɛ Yuda nyamanɛ rɔ san tan-ni-sawɛ ma ka a sigi wati kɛ la, wo ara san mogan-ni-sawa bɔ. San-dande kɛ mumɛ bɛɛ kɔrɔ, Mari ya kumɛ min bɛɛ fɔ n ye, n ma n ban wo do-wo-do fɔla wo ye kɔnɔ wo ma wo tolo-wo-tolo masɔ.

Yɛrɛmaya 3:7

N ya a lɔn ko Isirɛla mɔgɛnu ba ban ko-yogomɛ kɛla, anu ni na to sɛgila n ma. Kɔnɔ hali wo, anu ma sɔn sɛgila n ma tun. Isirɛla ara ko-yogomɛ min ma, a na-kelen-nyɔgɔ-musi Yuda ya wo yen de!

Yɛrɛmaya 34:14

san-wɔrɔnfila wo san-wɔrɔnfila, Hiburu mɔgɛ min bara san wɔrɔ bɔ yɔɔnyɛ rɔ, anu ni wo boloka. Kɔnɔ a ko wo benbanu ma anu tole masɔ wo la.

Yɛrɛmaya 35:15

A ko a ara mɛ ala wɔli-kɛlɛnu sɔla wo wara ala nɛbinu, kɔni, alako wo ni wo fara karagbɛlɛyɛ la ka don ko-latelenni-kɛ rɔ. Anu ya wo lasɛgi bɛsi-kɔ-koe ma alako wo ni a laban nyamanɛ kɛ rɔ, a ya min di wobɛ wo benbanu ma, kɔni. Kɔnɔ a ko hali wo, wo ti wo tole masɔ a la ka a kan to a gbɛ rɔ.

Yɛrɛmaya 42:19

“Mari ara ban a latɛgɛla ko wole minnu bara to Yuda, wo kana ta Iyipiti. N bi tonyɛ fɔla wo ye,

Isikiyɛli 18:31

Anu bi karagbɛlɛyɛ min bɛɛ kun na, anu ni anu bole bɔ wo bɛɛ rɔ. Anu ni sɔndɔma-kurɛ anubɛ miriya-kurɛ lana anu burɔ. Nfenna saya-sɔgɛ ye Isirɛla mɔgɛnu na?

Isikiyɛli 3:19

Kɔnɔ ni i ya a makawandi, a ma a fara a sɔn-yogomɛ wo la, ni a fagara ala ko-yogomɛ wo kun na, n bolo sa i la wo rɔ.

Daniyɛli 9:10

E, mata Mari Alla, i ya ila nɛbinu nata ma ma alako ka tɔnnu di ma ma kɔnɔ hali wo, ma ma ma tole masɔ.

Hoseya 11:2

N bi wo kelela nya min, wo ye wo kan-kɔ sɔla n na wo nya na le. Wole nta mɔgɛnu ya sarakɛnu bɔ wola bɛsi Beyali ye ka isɛnti mintan wola bɛsɛ doi wonu ye.

Hoseya 12:10

“N kumara nɛbinu ye nun ka ko-rayirɛ kɛ anu ye. N ya wole nta mɔgɛnu makawandili-kumɛnu don nɛbinu kara tɔ.

Hoseya 12:11

Hali wo, wo ye bɛsɛnu kɔla Kaliyadi nyamanɛ rɔ. Min bɛɛ ye wo kun na, n si wo bɛɛ faga tɛrr! Wo ye turɛnu mala sarakɛnu na wola bɛsɛnu ye Kiligali soe burɔ kɔnɔ wola saraka-mintan-tinɛ wonu si ma kuru-ladɛnnɛnu na gbɛkole ma tala.”

Hoseya 14:1

Wole Isirɛla mɔgɛnu, wo ni wo sɛgi wota Mari Alla ma bawo wo hakɛ ara wo tonko-tankan ka wo labui.

Hoseya 4:15

“Hali wole, Isirɛla mɔgɛnu ma telen n ye kɔnɔ Yuda mɔgɛnu kana anuta kɛ-nyanu bi. Wo kana batoli-kɛ Kiligali soe anubɛ Bɛti-Efɛn soe burɔ. Wo kana lanyiri kiri nyɔ nde, Mari-nimɛ tɔgɛ rɔ.

Kɛwɔlɛnu 20:21

A Yahudiya wo, a sibolo-gbɛrɛ wo, n ya a fɔ anu filɛ bɛɛ ye ko anu ni anu kan-kɔ sɔ anu hakɛ la ka anu yɛ lamunun Alla la ka dɛnkɛninya Mari Yisa ma.

Tɔn-Fɔɛ-Fila-Nyɔgɛ 31:21

Wo le si a ma, n si gbalo-koe lana anu kuma. Hali wo, anu si to bɛti kɛ bɔla. Wo si ma sereyɛ la anu kan ma. Hali kaka, yanni anu ni ta lanyiri-nyamanɛ rɔ, n ya a lɔn min bi anu kɔntɔ.”

Tɔn-Fɔɛ-Fila-Nyɔgɛ 4:26

“San-kole anubɛ dugu-kole si ma n sereyɛ la bi. Ni wo ma nna kumɛ bira, wo wa Yorodan bɛ tɛgɛ tumɛ min ka ta lanyiri-nyamanɛ wo rɔ, wo ti mɛ nyamanɛ wo rɔ! Wo si tunu yen!

Tɔn-Fɔɛ-Fila-Nyɔgɛ 8:19

“Wo kana wota Mari Alla boloka ka wo madu bɛsɛnu kɔrɔ. N bi wo makawandila bi bɛrɛkɛ, ni wo ya wo ma, wo si kasara, yɔ! Sika mumɛ sa wo rɔ!

Yasowa 23:16

Ni wo ya bɛsɛnu kɔ, Marita diminya-wɛ si wo tɔrɔ, ado a si wo bɔ nyamani-hakikɛ kɛ rɔ.”

2 Pita 3:9

Mari kun kimayani ma ata lanyiri-lakanbaliya-koe rɔ iko doinu bi anu mirila nya min. Kɔnɔ a munyunɛ wolela ko la bawo a ma di a ye, mɔgɔ-wo-mɔgɔ ni halaki kɔnɔ a ye a fɛ, mɔgɛ bɛɛ ni yɛlɛma ka bɔ anu hakɛ rɔ.

Kɛlɛ-Kurugbɛnu 6:10

Wo kɔma, a ya a fɔ wo ye ko wota Mari Alla le ale la. A ko wo kana kilan Amoranuna bɛsɛnu na wo siginɛ kan min kaka. Kɔnɔ Mari ko wo sa ata kumɛnu birala.”

Kɛlɛ-Kurugbɛnu 6:8

Isirɛla mɔgɛnuta Mari Alla ya nɛbi do lana anu ma. A ya a fɔ ko, “Mari ko ale le ya wole labɔ yɔɔnyɛ rɔ Iyipiti ka wo lana yan.

1 Samuwɛli 9:9

Sɔli ya a fɔ a ye ko, “Tonyɛ le wo la. Ma ta.” Anu tara soe burɔ, nɛbi wo ye kan min. Anu bi so-kɔnkɛ yɛlɛla tumɛ min, anu bɛnta sunkurunnɛ donu na minnu bi tala yi-bi-tinɛ. Anu ya sunkurunnɛ wonu manyinika ko, “Ko-rayennɛ wo ye soe burɔ, wa?” (Wo wati rɔ, anu si nɛbinu kele ko, “Ko-rayennɛ.” Ni Alla-manyinika-sɔgɛ ye mɔgɛ do la, a si a fɔ ko, “Ma ni ta ko-rayennɛ wara.”)