2 Mansɛnu 17:10 - ALLALA KUMƐ

¹⁰ Anu ya kuri anubɛ kɔlɔmanu lɛsɛ ka wonu sigi kɔnkɔ-kolo-wɛnu kuma anubɛ kɔlɔma-kuru-wɛnu kɔrɔ. Anu ya kɔlɔma wo lɛsɛ musila muninyɛ la ka wo kele ko Asura.

2 Mansɛnu 17:10 ပူးပေါင်းရင်းမြစ်များ

1 Mansɛnu 14:23

Anu ya kan tinɛnu nadan anuna Asura bɛsɛ ye min nadannɛ musila muninyɛ la ka kurinu lɛsɛ ka ta wonu sɔ kɔnkɛnu kun tɛma anubɛ kɔlɔma-kuru-wɛ donu kɔrɔ.

2 Mansɛnu 16:4

Ale Mansa Ehasi kɛnɛna sarakɛnu bɔla ka isɛntinu mintan Alla-batobɛlɛnuna kɔ tinɛnu tɔ kɔnkɛnu anubɛ kɔlɔma-kuru-wɛnu kɔrɔ.

2 Mansɛnu 17:11

Anu tora isɛnti mintanna Alla-batobɛlɛnuna kan-tina-mayɛlɛnɛnu tɔ iko Mari ya mɔgɛ minnu gben anu yarɔ, wonu ya a ma nya min. Anu ya a ma, Mari fonde bɔra anu kuma anuna ko-yogomɛ wonuna ko la.

Bɔ-Koe-Iyipiti 34:12

Wo ni a ma wo fɛrɛma wo nyɛrɛla ko la. Wo ye tala kan tinɛ min, wo kana lanyiri kiri nyamanita-mɔgɛ wonu ye alako anu kana ma gbɛrɛ la wo ye.

Bɔ-Koe-Iyipiti 34:13

Yanni wo ni wo ma, wo ni anuna saraka-mintan-tinɛnu tinya. Anu bi kuri minnu kɔla, wo ni wonu takerikeri. Anu bi anuna bɛsɛ min kelela Asura, wo ni wo tinya.

Aiseya 2:8

Anuna nyamanɛ lafanɛ bɛsɛnu na, anu ya min nadan anu bole la, kɔni. Anu bi wonu kɔla.

Aiseya 57:5

Wo si wola bɛsɛnu hɛnɛ sɔn-yogoyɛ le la kɔlɔma-kuru-wɛnu kɔrɔ. Wo ye wola dannu fagala ka anu ma sarakɛnu na fara-gbaran anubɛ farannu na.

Yɛrɛmaya 3:6

Mansa Yosaya ye Yuda nyamanɛ kun na wati min, Mari kumara nde, Yɛrɛmaya ye. A ko, “Yɛrɛmaya, Isirɛla mɔgɛnu bara min ma nun, i wara wo ragbɛ i nyɛrɛ yɛ la, wa? Anu bara ta bɛsi-kɔ-tinɛ kɔnkɛ bɛɛ kuma anubɛ kɔlɔma-kuru-wɛnu kɔrɔ. Wo mara yɛlɛnyɛ la nde, Mari yala.

Isikiyɛli 20:28

N ya anu yili-madiya nyamanɛ minna ko la, n tara anu na nyɔ rɔ. Anu ya kɔnkɔ-layan-bɛnu anubɛ kɔlɔma-kuru-wɛnu yen nyɔ min kɛ, anu ya sarakɛnu bɔ wonu ye. Anu ya sarakɛ minnu mintan, anu ya baan minnu ma kɔ-fan la nyɔnu tɔ, wonu ya a ma, n diminyara kosɛbɛ!

Saraka-Masɔlɛnuta Tɔnnu 26:1

Mari ya a fɔ Musa ye ko, “Wo kana kuri malɛsɛ ka a kɔ bawo nde nyɛrɛ-nyɛrɛ le wota Mari Alla la.

Maika 5:14

Mari ko a si wola soenu tinya. Wo kɔma, a si wola bɛsɛnu tinya minnu tɔgɛ Asura, wo ya minnu nadan wo bole la musila muninyɛ rɔ, kɔni.

Tɔn-Fɔɛ-Fila-Nyɔgɛ 16:21

“Wo wa saraka-mintan-tinɛ ladan wota Mari Alla ye tumɛ min, wo kana wo gbɛrɛn kɔlɔma-malɛsɛnɛ wo ma min tɔgɛ Asura min malɛsɛnɛ musila muninyɛ la.

Tɔn-Fɔɛ-Fila-Nyɔgɛ 16:22

Wo kana kuru-lɛsɛnɛ donu ma wota bɛsɛnu na. Wo sufanu ma di wota Mari Alla ye dɛɛ!”