2 Mansɛnu 16:9 - ALLALA KUMƐ

⁹ Kilayɛ wonu ke, wonu ya anu dantɛgɛ. Woletɔ ka a yira Mansa Ehasi la ko a ara sɔn, Mansa Pulu tara bui Damasika kɛnu ma Siriya nyamanɛ rɔ. A ya soe wo bi Siriyanu bolo ka nyɔ-mansɛ Risen faga. A tara nyɔ-mɔgɛnu na Kira soe burɔ.

2 Mansɛnu 16:9 ပူးပေါင်းရင်းမြစ်များ

2 Ko-Kɔrɔta-Karan 16:4

Siriya Mansa Bɛnhedadi sɔnta wo ma. Wo le ya a ma, ale fanan ya ala kɛlɛ-den-kunyɛnu anubɛ ala kɛlɛ-dannu nata ka ta bui Isirɛla mɔgɛnuna so-kunbɛ donu ma. Anu ya soe minnu bi Isirɛla nyamanɛ rɔ, wonu tɔgɛ le kɛnu na, Iyɔn wo, Dan wo, anubɛ Ebɛli-Bɛti-Meyaka. Wo kɔma, anu tara Nafatali bɔnsɔn-mɔgɛnuna fen-namara-soe bɛɛ bi anu bolo.

2 Ko-Kɔrɔta-Karan 28:21

Sɛnɛ minnu bi Bato-Bɔn la wo, sɛnɛ minnu bi mansɛla bolɔn la wo, anubɛ sɛnɛ minnu bi mɔgɔ-banu bolo wo, ale Mansa Ehasi ya wonu damasi kundɛn tɛrr, ka wonu di Asiriyanuna mansɛ wo ma. Kɔnɔ wo ma a masan-kunyɛ wasa.

2 Ko-Kɔrɔta-Karan 28:5

Bawo ale Mansa Ehasi ara hakɛ kɛ Mari la, woletɔ ata Mari Alla ya a ma, Siriya mansɛ ya a nɔ ka ta ala nyamanita-mɔgɔ-siyaman na biralɛ rɔ Damasika soe burɔ. Wo kɔma fanan, Mari ya a ma, Rɛmalayala den Mansa Peka ya ale Mansa Ehasi nɔ. A ya kɛlɛ-kurugba mɔgɔ waga kɛmɛ ani mɔgɔ waga mogan (120,000) faga Yuda nyamanɛ rɔ tele kelen kɔrɔ. Anu benbanuta Mari Alla sɔnta wo ma bawo Yuda mɔgɛnu bara anu ban ale la.

Aiseya 10:9

Kalano soe wo, Kakemisi soe wo, Hamati soe wo, Arapadi soe wo, Samariya soe wonubɛ Damasika soe, n bara soe kɛ bɛɛ bira-a-la.

Aiseya 17:1

Mari ko Damasika soe si ma tonbɔn la,

Aiseya 22:6

Ilam kɛlɛ-dannu bi nala anu siginɛ soeenu na. Kalabɛn ye anu dama bolo tɛrr! Kɛlɛ-dan minnu bɔra Kira nyamanɛ rɔ, wonu tabɛnnɛ kɛlɛ-kɛ-koe la anuna kɛlɛ-mirannu bi anu bolo.

Aiseya 37:18

Mari, bɛɛ ya a lɔn ko Asiriya mansɛnu bara nyamani-siyaman kasara

Aiseya 7:16

yanni wo wati ni ke, mansa filɛ minnu bi i rakilanna, wonuta nyamanɛ ta ara kolonya filili!

Aiseya 9:10

“Mala bɔn minnu dannɛ bɔnku-bulɔku la, wonu bara bui, woletɔ ma ye anu yɛlɛmana kuru-bɔn la. Kɔlɔma minnu manɛ bon-gbaran la, denkerenafan le wonu na. Ma si wonu yɛlɛma yalɛ la.”

Aiseya 9:11

Mari ara anu yogenu nawuli anu kan ma.

Emɔsi 9:7

Mari ko wole Isirɛla mɔgɛnu, wobɛ Sudan kɛnu takɛn a ya la. A ko a nara Filisitinu na ka bɔ Kariti yi-tɛma-dugi rɔ. A nara Siriyanu na ka bɔ Kira nyamanɛ rɔ. A ko a nara wole fanan na ka bɔ Iyipiti nyamanɛ rɔ wo nya na le.