2 Mansɛnu 16:8 - ALLALA KUMƐ

⁸ Mansa Ehasi ya Alla Bato-Bɔn sɛnɛ anubɛ wodi-gbɛ bi hali min bi ala bolɔn fen namara tinɛ fanan. A ya wonu bi ka anu nata Mansa Pulu ma alako wo ni na a dɛnbɛ kɛlɛ rɔ.

2 Mansɛnu 16:8 ပူးပေါင်းရင်းမြစ်များ

2 Mansɛnu 12:19

Mansa Yohasi ya minnu ma ala mansayɛ kɔrɔ, anu ya wo bɛɛ sɛbɛ Yuda Mansɛnuna buku do rɔ.

2 Mansɛnu 15:19

Asiriya Mansa Pulu tara bui Isirɛla nyamanita-mɔgɛnu ma. Wo le ya a ma, Isirɛla Mansa Mɛnahɛmu ya wodi-gbɛ makele nɔnfulu-tiginu bolo ala nyamanɛ rɔ fɔrɔsɛ la. Nɔnfulu-tigi kelen-kelennamɛ-bɛɛ ya wodi-gbɛ-gbu bi-loli bi-loli labɔ. Mansa Mɛnahɛmu ya wodi-gbɛ min nadɛn, wola gbiliyɛ anubɛ fui-fan bɔrɔ kɛmɛ loli rakɛn de. A ya wo di Mansa Pulu ma alako wo ni sɔ a fɛ. A ya wo ma alako a sɛnbɛ ni koloya Isirɛla mɔgɛnu kuma. Wodi-gbɛ wo ya Mansa Pulu hɛnɛ. A sɛgira a warɛ nyamanɛ rɔ.

2 Mansɛnu 17:3

Asiriya Mansa Salamanisa nara bui Isirɛla Mansa Hoseya ma. Wo mara ala wɔli-kɛlɛ la. San-bo-san, a si to a kunka-fan natala a ma Asiriya nyamanɛ rɔ.

2 Ko-Kɔrɔta-Karan 16:2

Mansa Esa ya sɛnɛ anubɛ wodi-gbɛ bi Mari Bato-Bɔn anubɛ ata bolɔn la ka wonu nata Siriya Mansa Bɛnhedadi ma Damasika soe burɔ. A ya sarakanɛ lata ale mansɛ wo ma, a ko,

Aiseya 2:6

E, Alla, i wara i ban ila mɔgɛnu na, Yakoba kegeyɛnu, kɔni. Nyamanɛ kɛ lafanɛ nya-nyini-kɛlɛnu na ka bɔ tele-bɔɛ wara la anubɛ Filisiti nyamanɛ rɔ. Ila mɔgɛnu bi sibolo-gbɛrɛnuna namunyɛ bila.

Aiseya 7:17

“Mari ko a si nyankankantan min nana ile mansɛ anubɛ ila mɔgɛnu kuma, wo da-rakolo, ado kebi Yuda nyamanɛ anubɛ Isirɛla nyamanɛ farata, wo nyɔgɔn tɔrɔyɛ ma na wɛ nyamanɛ kɛ kuma. Mari ko hali Asiriya mansɛ, a si wonubɛ ala kɛlɛ-dannu natugu wo ma.

Maika 1:14

“Wole Yuda nyamanita-mɔgɛnu, wo ni bolo-fan to Mɔrɔsɛti-Kati soe-mɔgɛnu bolo. Soe wo tɔgɔ-kɔrɛ mani de iko ‘musu-nɛla fandɛ.’ Akisibu soe wo tɔgɔ-kɔrɛ mani de iko ‘baya.’ Mansɛ minnu bi Isirɛla nyamanɛ rɔ, wonu ti dɛnbɛnɛ sɔrɔn Akisibu mɔgɛnu bolo.