2 Mansɛnu 16:15 - ALLALA KUMƐ

¹⁵ A ya a fɔ Saraka-Masɔla Yuraya ye ko, “Sarakɛ minnu bi mintanna sɔgɔma wo, bu-gbɛngbɛnnɛ minnu bi mintanna wurɛ la wo, mabɛ nna mɔgɛnu bi nala saraka-mintantɛ anubɛ bu-gbɛngbɛnni-sarakɛ minnu na wo, anubɛ mɔgɛnu bi nala minni-sarakɛ minnu na wo, i ni to wonu bɔla nna saraka-mintan-tina-kurɛ kɛ kuma yan. I ni to saraka-mintantɛnu anubɛ sarakɛ doinu yele purupurula saraka-mintan-tina-kurɛ kɛ ma yan. Marita saraka-mintan-tina-kɔrɛ wo si ma nna bolo tafɛlɛn tinɛ la.”

2 Mansɛnu 16:15 ပူးပေါင်းရင်းမြစ်များ

Ko-Dabirɛnu 44:5

I ni anu manyinika ko nfenna anu ya i tigila yi-lafɛ kankan ka ta a la anu bolo? A min-kɛ-yi-lafɛ le wo la. Ata nya-nyini-fan le wo la fanan. I ni a fɔ anu ye ko anu bara ko-yogoma-belebele le ma wo la.”

1 Mansɛnu 3:4

Lunyɛ do, Mansa Silamɛni tara Kibiyon soe burɔ ka sarakɛ bɔ Mari ye saraka-bɔ-tina-wɛ wo rɔ. A taranta saraka-mintantɛ-siyaman bɔla nyɔ nun!

1 Mansɛnu 7:23

Huram ya yi-sigi-kunan kinama-wɛ do ladan silɛɛ la. A kɔnɛ ya nunkan-nya tan bɔ. A burɛ rayanyɛ ya nunkan-nya loli bɔ. Ala minɛ ya bolo-bira-nya bi-kɔnɔntɔ bɔ.

1 Mansɛnu 8:64

Saraka mintan tinɛ min nadannɛ silɛɛ la, wo dɔgɔ sarakɛ wonuna ko la min kɛ, wo le ya a ma tele wo nyɛrɛ rɔ, mansɛ ya Bato-Bɔn lu-kolo-toe fanan sɛninya alako ka saraka-mintantɛnu nabɔ nyɔ anubɛ fui-fen-sarakɛnu anubɛ kɛɛn min bɔra yisi-kima-saraka-sogenu tɔ.

2 Mansɛnu 16:14

A ya Marita saraka-mintan-tinɛ wo sigi saraka-mintan-tina-kurɛ anubɛ Mari Bato-Bɔn tɛma ka a lata kantɔ-wara la.

2 Mansɛnu 16:16

Saraka-Masɔla Yuraya ya a ma iko Mansa Ehasi ya a fɔ a ye nya min.

2 Mansɛnu 18:4

A ya Alla-batobɛlɛnuna bɛsi-kɔ-tina-mayɛlɛnɛnu tinya. A ya anuna kuru-lɛsɛnɛnu takerikeri. Anu ya kɔlɔma minnu lɛsɛ musila muninyɛ la ka a tɔgɔ sa Asura, a ya wonu tatɛgɛtɛgɛ. Hali wo, Musa ya silɛɛ min nadan duguma-fanla muninyɛ la, anu ya wo kele “Nɛhusitan.” Mansa Hɛsakaya ya wo fanan tinya bawo mɔgɛnu bara wo ma anuna bɛsɛ do la ka isɛnti mintan a ye.

2 Mansɛnu 3:20

Wo banda kɛ, anuna subagama-saraka-bɔ-wati, yaga, yi ara tugu a worɔn kun na ka bɔ Idɔm nyamanɛ telen tɔ. A ya dugi bɛɛ yamatogon.

2 Ko-Kɔrɔta-Karan 29:32

Anu nara tura bi-wɔrɔnfila (70) la anubɛ saga-yigi kɛmɛ (100) anubɛ saga-den kɛmɛ fila (200) la ka wonu ma saraka-mintantɛnu na Mari ye.

2 Ko-Kɔrɔta-Karan 29:35

Saraka-mintantɛnu bɔnɛ a la, mɔgɛnu bi yisi-kima-sarakɛ minnu dɔnna, saraka-masɔlɛnu ya wonu kɛɛn mintan. Mɔgɛnu bi sarakɛ anubɛ nɔnbɔ-gbɔ-yi min bɔla, saraka-masɔlɛnu si wo labɔn saraka-mintan-tinɛ kuma. Anu ya batoli dabira Mari Bato-Bɔn la tun wo nya na le.

2 Ko-Kɔrɔta-Karan 33:6

A ya ala den-keinu ma saraka-mintantɛnu na bɛsɛnu ye Hinom lɛɛ rɔ. Bolo-tafɛlɛn-koe wo, duruya-koe wo, a yi-kɔrɔ-fɛlɛn-koe wo, a ya wo dama ma. Hali nyina-kɔlɛnu, a tara ke wonu fanan ma. A ya hakɛ min kɛ Mari la, wo da-rakoloyara. Wo le ya a ma, Mari fonde bɔra a kuma.

Aiseya 2:6

E, Alla, i wara i ban ila mɔgɛnu na, Yakoba kegeyɛnu, kɔni. Nyamanɛ kɛ lafanɛ nya-nyini-kɛlɛnu na ka bɔ tele-bɔɛ wara la anubɛ Filisiti nyamanɛ rɔ. Ila mɔgɛnu bi sibolo-gbɛrɛnuna namunyɛ bila.

Daniyɛli 11:31

Ala kɛlɛ-kɛ-dan donu si Alla Bato-Bɔn tinya. Anu si tɔn sigi sɔgɔma ani wurala-saraka-bɔɛnu na. Anu si kisimiriya-bɛsɛ sɔ Alla Bato-Bɔn kan-tina-sɛnimɛ rɔ.

Daniyɛli 12:11

“Ka a bi tɔn-sigi-wati ma sɔgɔma ani wurala-saraka-bɔ-koe rɔ, ha anu si kisimiriya-bɛsɛ sɔ Alla Bato-Bɔn kan-tina-sɛnima rɔ, wo si tele waga kelen, tele kɛmɛ fila ani tele bi-kɔnɔntɔ (1,290) bɔ.

Daniyɛli 9:21

N bi n matarali-kɛ kun na, n ya Yibirila kelan min yen nna ko-rayen doi rɔ, wo yigira iko kokɛ. A ye yigila n ma wati min, wo ya a taran, wurala-saraka-bɔ-wati ara ke.

Daniyɛli 9:27

Ale kun-tigi-sɛnbɛmɛ wonubɛ mɔgɔ-siyaman si lanyiri kiri anu nyɔgɔn tɛma san wɔrɔnfila kɔrɔ. Wati wo wa tala a tɛma, a si tɔn sigi saraka-mintantɛnu anubɛ saraka doinu na. Kun-tigi wo si kisimiriya-bɛsɛ do sigi Alla Bato-Bɔn la kan-tina-sɛnimɛ rɔ. A si to nyɔ ha min ya ale bɛsɛ ladan, wo tɔrɔya-wati ni na iko Alla ya a rabɛn a ye nya min.”

Hoseya 4:12

Wo ye kɔlɔma-malɛsɛnɛnu mala wola nya-nyini-kɛ-fannu na. Kɔlɔma-fuyi le wonu na dɔrɔn. Wo si min ma, wonu denu bi wo labilala wonu na. Wo ara wo kan-kɔ don nde, Mari la feufeu! Wo ara nde, Mari boloka iko musu-yɛlan si ala kei boloka nya min ka ta yɛlɛnya-kɛ-tinɛ.