2 Mansɛnu 16:11 - ALLALA KUMƐ

¹¹ Yanni ale Mansa Ehasi ni sɛgi a warɛ, a ya a taran, Saraka-Masɔla Yuraya ara ban saraka-mintan-tinɛ wo sufa ladanna.

2 Mansɛnu 16:11 ပူးပေါင်းရင်းမြစ်များ

2 Mansɛnu 16:10

Wo kɔma, Mansa Ehasi tara Asiriya Mansa Pulu kɔndɔn tinɛ Damasika soe burɔ. A ye nyɔ tumɛ min, a ya Damasika kɛnuna saraka-mintan-tinɛ do yen. A ya wola muninyɛ ladan-mɔlɔnɛ bɛɛ sɛbɛ ka wo lata ala Saraka-Masɔla Yuraya ma alako wo ni wo nyɔgɔn nadan.

2 Mansɛnu 16:12

Ale Mansa Ehasi ya a taran min kɛ ko saraka-mintan-tinɛ wo la ara ban danna,

2 Mansɛnu 16:14

A ya Marita saraka-mintan-tinɛ wo sigi saraka-mintan-tina-kurɛ anubɛ Mari Bato-Bɔn tɛma ka a lata kantɔ-wara la.

2 Mansɛnu 16:16

Saraka-Masɔla Yuraya ya a ma iko Mansa Ehasi ya a fɔ a ye nya min.

2 Mansɛnu 21:4

Bato-Bɔn min sɔnɛ Mari nyɛrɛ-nyɛrɛ ye, a ya Alla-batobɛlɛnuna kɔ tinɛnu nadan nyɔ, ado Mari ko nyɔ sɔnɛ a kelen pe le ye.

2 Mansɛnu 21:7

A ara bɛsi-musumɛ min nadan kɔlɔma la min tɔgɛ Asura, a ya wo bi ka wo sigi Mari Bato-Bɔn la. Mari ara a fɔ Mansa Dawuda anubɛ ala den Mansa Silamɛni ye nyɔla ko la nun ko, “N bara Yerusalɛm soe kan-tina-kelan kɛ le yabɔ Isirɛla bɔnsɔn tan-ni-filɛ tɛma anu si to n batola kan min.

2 Ko-Kɔrɔta-Karan 33:4

Bato-Bɔn min sɔnɛ Mari nyɛrɛ-nyɛrɛ ye, a ya Alla-batobɛlɛnuna kɔ tinɛnu nadan nyɔ, ado Mari ko a kelen pe bato tinɛ le wo la.

Aiseya 8:2

N lanɛ mɔgɔ fila minnu na, Saraka-Masɔla Yuraya anubɛ Yɛbɛrɛkiyala den Sakaraya, kɔni, a ko n ni wonu kele. Wonu ni ma n sere la.

Yɛrɛmaya 23:11

Mari ko nɛbinu anubɛ saraka-masɔlɛnu bara kisimiriya-koe dan-natenbi. A ko hali a nyɛrɛta Bato-Bɔn, a ara anu bira sɔn-yogoyɛ la nyɔ.

Isikiyɛli 22:26

Anuna saraka-masɔlɛnu bi tɔnnu tinyana ka ko-sɛnimɛnu nafɛya. Dan-nafara ma taran fen-sɛninyanɛ anubɛ fen-sɛninyabɛlɛnu tɛma anu yala. Anu sa mɔgɛnu karanna ka a lɔn ni Allatɛ ye min na anubɛ ni mɔgɛnutɛ ye min na. Sulen-Tele bira-koe bɔrɔ-wo-bɔrɔ sa anu ye. Ka a tɛgɛ anu sɔn wonu ma, n ma gbili Isirɛla mɔgɛnu ma tun.

Daniyɛli 3:7

Tolonnɛ wonu ya a kɛ-a-rɔ tumɛ min, sibole min bɛɛsi ye nyɔ rɔ, wonu ya anu madu mansɛla bɛsɛ wo kɔrɔ ka a matɔgɔ.

Hoseya 4:6

Gbalo ye nta mɔgɛnu kuma bawo anu ma nde, Alla lɔn wole, saraka-masɔlɛnu bolo. N lɔn-sɔgɔ sa wole, saraka-masɔlɛnu na. Wo ara wo kan-kɔ sɔ nta karan la. Woletɔ wo ye wo banna a la. Hali wota dannu, n ti wonu yatɛ saraka-masɔla la.

Hoseya 5:11

Wole Isirɛla mɔgɛnu ya wo tui ka ta dɛnbɛni-nyini-tinɛ bɛsɛ wonu denu bara minnu ti ke wo dɛnbɛna. Wo le ya a ma, wole Isirɛla mɔgɛnu bara tɔrɔyɛ sɔrɔn Yuda kɛnu bolo. Anu bara bui wo ma ka wo halala-dugi bi wo bolo.

Kalesiya 1:10

N sa n tayala ka mɔgɛ hɛnɛ koe kɛnu tɔ! N bi a fɛ ka Alla kelen pe le hɛnɛ. Wo miri ko n bi n tayala ka diya mɔgɛnu ye, wa? Ni n bi n tayala ka diya mɔgɛnu ye, n ti ma Kirasitila wɔli-kɛlɛ la nun mumɛ!