2 Mansɛnu 16:10 - ALLALA KUMƐ

¹⁰ Wo kɔma, Mansa Ehasi tara Asiriya Mansa Pulu kɔndɔn tinɛ Damasika soe burɔ. A ye nyɔ tumɛ min, a ya Damasika kɛnuna saraka-mintan-tinɛ do yen. A ya wola muninyɛ ladan-mɔlɔnɛ bɛɛ sɛbɛ ka wo lata ala Saraka-Masɔla Yuraya ma alako wo ni wo nyɔgɔn nadan.

2 Mansɛnu 16:10 ပူးပေါင်းရင်းမြစ်များ

2 Mansɛnu 15:29

Mansa Pekata wati kɔrɔ, Asiriya Mansa Pulu nara so-kun loli bi Isirɛla nyamanɛ rɔ. So-kun loli, wo le kɛnu na, Iyɔn wo, Ebɛli-Bɛti-Meyaka wo, Yanowa wo, Kɛdɛsi wo, anubɛ Hesɔ. A ya Isirɛla nyamani-kun sawa fanan bi, Kaliyadi wo, Kalili wo anubɛ Nafatali. A tara nyɔ-mɔgɛ bɛɛ la a warɛ Asiriya.

2 Mansɛnu 16:11

Yanni ale Mansa Ehasi ni sɛgi a warɛ, a ya a taran, Saraka-Masɔla Yuraya ara ban saraka-mintan-tinɛ wo sufa ladanna.

2 Mansɛnu 21:4

Bato-Bɔn min sɔnɛ Mari nyɛrɛ-nyɛrɛ ye, a ya Alla-batobɛlɛnuna kɔ tinɛnu nadan nyɔ, ado Mari ko nyɔ sɔnɛ a kelen pe le ye.

1 Ko-Kɔrɔta-Karan 28:19

Mansa Dawuda ya a fɔ ko, “Mari nyɛrɛ ya bɔn sɔ-bole yira n na nya min, n bara a sɛbɛ wo nya na le kɛ la.”

Yaburi 106:39

Anu kɛ-nya ya anu natinya, ado anu denu ma telen Alla ye.

Bɔ-Koe-Iyipiti 24:4

Wo kɔma, Musa ya Marita kumɛ wo bɛɛsi sɛbɛ. Wo banda kɛ sɔgɔma subaga, Musa wulita ka saraka-mintan-tinɛ sɔ kɔnkɛ wo kɔrɔ. A ya kuru-lɔngbɔn tan-ni-fila sɔ saraka-mintan-tinɛ wo dafɛ iko Isirɛla bɔnsɔn kebila tan-ni-filɛ ye nya min.

Bɔ-Koe-Iyipiti 39:43

Musa ya a yen min kɛ anu bara wo damasi ma iko Mari ya a fɔ a ye nya min, a duwara anu ye.

Aiseya 8:2

N lanɛ mɔgɔ fila minnu na, Saraka-Masɔla Yuraya anubɛ Yɛbɛrɛkiyala den Sakaraya, kɔni, a ko n ni wonu kele. Wonu ni ma n sere la.

Yɛrɛmaya 10:2

A ko wo kana wo sanka sibolo-gbɛrɛnu ma. Wo ye tamasere minnu yenna san-kole ma, wo ka kilan wonu na, hali sibolo-gbɛrɛnu bi kilanna anu na.

Isikiyɛli 16:28

I sa wasala yɛlɛnyɛ rɔ min kɛ, i kɛnɛna bilala Asiriyanu fɛ. Wonu fanan sa i wasala.

Isikiyɛli 43:11

Wo kɔma, ni anu miliyara ka a tɛgɛ anu sɔn-yogomɛnuna ko ma, Bato-Bɔn kɛ wara-koe fɛsɛfɛsɛ anu ye a kila-bɛrɛbɛrɛ fɛ. A bɔn-sɔ-nya wo, a don-dɛ-ladan-nya wo, a bɔ-dɛ ladan-nya wo, a mabɛn-nya wo, a ko-nya mumɛ bɛɛ wo, a sereya anubɛ a bira-nya wo, i ni wo bɛɛ sɛbɛ anu ye alako anu ni a lɔn a ko-nya bɛɛ ye mala nya min. Wo kɔma, anu ni a lɔn fanan anu si a tɔnnu bira nya min.

Isikiyɛli 43:8

Fɔlɔ nun, mansɛnu bi anuna bolɔn yɛ bɛnnɛ ntɛ le ma, ado anu donnɛ anu nyɔgɔn tɔ le fanan. Dandan dɔrɔn de ma tɛma. Anu taranta ko-latinyanɛ minnu mala, wo mara tɔgɔ-tinya la nde bɛrɛn ye. Woletɔ n ya anu kasara nta yisi-bɔɛ la.

Isikiyɛli 44:12

Kɔnɔ anu ya Isirɛla mɔgɛnu nadon hakɛ rɔ ka anu don bɛsi-kɔ-koenu tɔ min kɛ, woletɔ nde, anu Tigi Mari wara ban a latɛgɛla ko fɔ anu ba tɔrɔ.

Matiyu 15:6

ko ni min ya wo ma, hali a ma anu gbiliya kɔ-fan wo la tun. Wo wa bila wo benbanuna karan fɛ, wo ye Allala kumɛ mala fuyi la wo nya na le.

Matiyu 15:9

Anu bi n batola fu bawo anu bi mɔgɛnu nabilala anuta tɔnnu na iko ndeta tɔn le!’ ”

Romu 12:2

Wo kana wo raya ka wo nyɛrɛ kɛnya duninya kɛ koenu ma fɔ wo ni sɔn ko Alla ni wo sɔndɔmɛ yɛlɛma ka hɛnkili-kurɛ di wo ma. Wo si a ma, wo ni ke Alla sako lɔnna. Alla ye nyinina min ma, wo kin, wo si a diya don a rɔ, ado mɔgɛ ti ke fɛɛ yenna a la.

Tɔn-Fɔɛ-Fila-Nyɔgɛ 12:30

Wo wa ban mɔgɛ wonu fagala wota Mari Alla sɛnbɛ kɔrɔ tumɛ min, wo kana anuna batoli-kɛ-nya bi. Ni wo ya wo ma, wo si ma gbalo la wo ye. Anu bi anuna bɛsɛnu kɔla nya min, wo kana a lɔn defan!

Yasowa 22:28

“Kɔnɔ ni wola dannu ya a fɔ mala dannu ma ko mata sa wota Mari Alla wara-koe rɔ, anu si saraka-mintan-tinɛ kɛ yira anu na ka ma tamasere la anu ye. Ma sa sarakɛnu mintanna a kuma. Tamasere le kɛ la dɔrɔn!

1 Pita 1:18

Wo ya kɛ-nya-fuyi minnu sɔrɔn wo benbanu bolo, Yisa fagara ka wo hɔrɔya wonu ma. Wola hɔrɔyɛ ma tɛgɛ fan do ma mɔgɛ si min sara sɛnɛ la, ni wo ma, wodi-gbɛ, ado wonu ti mɛ.