2 Mansɛnu 16:1 - ALLALA KUMƐ

¹ Rɛmalayala den Mansa Peka, ala mansayɛ san tan-ni-wɔrɔnfila nyɔgɛ ma Isirɛla nyamanɛ rɔ, Mansa Yotamna den Ehasi mara mansɛ la Yuda nyamanɛ rɔ san wo le la.

2 Mansɛnu 16:1 ပူးပေါင်းရင်းမြစ်များ

2 Mansɛnu 17:1

Yuda Mansa Ehasila mansayɛ san tan-ni-fila nyɔgɛ ma, Ilala den Hoseya mara mansɛ la Isirɛla nyamanɛ rɔ san wo le la. A ya ala mansayɛ kɛ Samariya soe burɔ san kɔnɔntɔ kɔrɔ.

1 Ko-Kɔrɔta-Karan 3:13

Yotam ya Ehasi sɔrɔn. Ehasi ya Hɛsakaya sɔrɔn. Hɛsakaya ya Manasa sɔrɔn.

Aiseya 1:1

Alla ya sarakanɛ minnu don Emɔsila den Aiseya bolo ka a tɛgɛ Yuda nyamanɛ anubɛ Yerusalɛm soela ko ma, wonu denu sɛbɛnɛ buku kɛ rɔ. Kɛnu fɔra Mansa Yusaya anubɛ Mansa Yotam anubɛ Mansa Ehasi anubɛ Mansa Hɛsakayanuta wati le tɔ, anu bi Yuda nyamanɛ kun na wati min.

Aiseya 7:1

Mansa Yotamna den, Mansa Ehasi, Mansa Yusaya mamanɛ, kɔni, wo ye Yuda nyamanɛ kun na tumɛ min, kɛlɛ donta nyamanɛ kun na. Siriyanuna Mansa Risen anubɛ Isirɛla mansɛ Rɛmalayala den Peka, wonu nadɛnta ka Mansa Ehasi kɛlɛ Yuda nyamanɛ rɔ. Kɔnɔ anu ma ke Yerusalɛm nɔla, Yuda nyamanɛla so-karantan, kɔni.

Aiseya 7:10

Mari ya n sɔ Mansa Ehasi wara tun. A ko n ni a fɔ a ye ko

Aiseya 7:3

Mari ya a fɔ nde, Aiseya ye ko mabɛ nna den Seyari-Yasubu ni ta Mansa Ehasi taran. Yi min nadɛnnɛ kɔnkɛ kun tɛma, wo worɔn ye yigila ha kura-ku-tinɛ wo dafɛ. A ko ma si mansɛ taran kilɛ la nyɔ.

Hoseya 1:1

Mari ya sarakanɛ kɛ don Birila den Nɛbi Hoseya bolo, ka a bi Mansa Yusayata wati ma ka a sigi Mansa Yotamta tele ma wo, Mansa Ehasita tele ma wo, ha ka ke Mansa Hɛsakayata tele ma wo tumɛ anu bi mansayɛ la Yuda nyamanɛ kun na. Wo ya a taran fanan, Yɛhowasila den Mansa Yɛrabowami ye mansayɛ la Isirɛla nyamanɛ kun na.

Maika 1:1

Mansa Yɔtam wo, Mansa Ehasi wo, anubɛ Mansa Hɛsakaya wo, Mari ya sarakanɛ don Nɛbi Maika bolo wonuta wati rɔ. Nɛbi Maika wo bɔra Mɔrɔsɛti soe rɔ min bi Yuda nyamanɛ rɔ, mansa sawɛ kɛnu bi kan min nun. Mari ya ko-siyaman yira Nɛbi Maika la Samariya anubɛ Yerusalɛm so-karantan wonuna ko la.