2 Mansɛnu 15:8 - ALLALA KUMƐ

⁸ Mansa Yusayala mansayɛ san bi-sawa ani san segin nyɔgɛ ma Yuda nyamanɛ kun na, Mansa Yɛrabowamila den Sakaraya mara mansɛ la Isirɛla nyamanɛ rɔ san wo le la. Karɛ wɔrɔ kɔrɔ, Sakaraya ye mansayɛ la Samariya soe burɔ.

2 Mansɛnu 15:8 ပူးပေါင်းရင်းမြစ်များ

2 Mansɛnu 10:30

Mari ya a fɔ Mansa Yehu ye ko, “I wara a ma Ehabula mɔgɛnu na iko n miriya ye a ma nya min. Ka a tɛgɛ wo ma, mansayɛ si to ila bɔn la ha i mamani-mamanɛ bolo Isirɛla nyamanɛ rɔ.”

2 Mansɛnu 14:21

Ala den Yusaya, wola sɔrɔn-san tan-ni-wɔrɛ, Yuda nyamanita-mɔgɛnu ya wo ma anuna mansɛ la a fa gbɛ rɔ.

2 Mansɛnu 14:29

Mansa Yɛrabowami kɛ fagara tumɛ min, anu ya a togon mansɛnuna kaburu-soe rɔ. Ala den Sakaraya sigira a gbɛ rɔ.

2 Mansɛnu 15:1

Mansa Yɛrabowamila mansayɛ san mogan-ni-wɔrɔnfilɛ ma Isirɛla nyamanɛ kun na, Mansa Hamasala den Yusaya mara mansɛ la Yuda nyamanɛ rɔ san wo le la.

2 Mansɛnu 15:13

Mansa Yusayala mansayɛ san bi-sawa ani san kɔnɔntɛ nyɔgɛ ma Yuda nyamanɛ kun na, Yebɛsila den Salumu mara mansɛ la Isirɛla nyamanɛ rɔ san wo le la. Salumu kɛ ya karɛ kelen pe le bɔ mansayɛ la Samariya soe burɔ.

2 Mansɛnu 15:17

Mansa Yusayala mansayɛ san bi-sawa ani san kɔnɔntɔ nyɔgɛ ma Yuda nyamanɛ kun na, Kadila den Mɛnahɛmu mara mansɛ la Isirɛla nyamanɛ rɔ san wo le la. Mansa Mɛnahɛmu kɛ ya san tan bɔ mansayɛ la Samariya soe burɔ.

2 Mansɛnu 15:23

Yuda Mansa Yusayala mansayɛ san bi-loli nyɔgɛ ma, Mansa Mɛnahɛmula den Pɛkahaya mara mansɛ la Isirɛla nyamanɛ rɔ san wo le la. A ya ala mansayɛ kɛ Samariya soe burɔ san fila kɔrɔ.

2 Mansɛnu 15:7

Mansa Yusaya ya so-sɛgi-kɛ. Anu ya a togon Mansa Dawuda halala-luyi ma Yerusalɛm soe burɔ. Ala den Yotam sigira a gbɛ rɔ.

2 Mansɛnu 15:9

Ale fanan ya hakɛ kɛ iko a benba Nebatila den Mansa Yɛrabowami ya a ma nya min, min ya Isirɛla nyamanita-mɔgɛnu nabila hakɛ kɛ la.

Hɛnkilimaya-Kumɛnu 28:2

Ni nyamanita-mɔgɛnu murutiyanɛ, anu si to anuna kun-tiginu mayɛlɛmana. Kɔnɔ ni hɛnkilimɛ ye nyamanɛ kun na, ala mansayɛ si sɛnbɛ sɔrɔn ka mɛ.

Hoseya 1:4

Mari ya a fɔ Nɛbi Hoseya ye ko, “I ni a tɔgɔ sa ko, ‘Alla ya fuilɛ kɛ’ bawo a ti mɛ tun, n si na Mansa Yehu kebilɛ tɔrɔ ka a tɛgɛ anu benba wola mɔgɔ-fagɛ ma Yɛsɛreli soe burɔ. N bi nala Mansa Yehula mansaya-bɔn latogonna.

Emɔsi 7:9

Nɛbi Emɔsi ya Mari kuman-kannu natenbi ko, “Isiyaka kegeyɛnu bi ale Mari batola anuta kan-tina-sɛnimɛ minnu tɔ Isirɛla nyamanɛ rɔ, Mari ko a si kan tinɛ wonu kasara ka nyɔnu ma tonbon-kole la. Mari ko a si mansayɛ bɔ Mansa Yɛrabowami kebilɛ bolo.”