2 Mansɛnu 15:5 - ALLALA KUMƐ

⁵ Mari ya a ma, Yusaya ya kiraya-yogomɛ do sɔrɔn a fɛrɛ ma, ado kirayɛ wo tora a ma ha a lakirayara. Ka a tɛgɛ kirayɛ wo ma, a tora sigini bɔn do la a dan na. Ale ma mansaya-wɔli kɛ tun fɔ ala den Yotam, a ya wo le ma ala nyamani-kumafɛlɛnnɛ la.

2 Mansɛnu 15:5 ပူးပေါင်းရင်းမြစ်များ

2 Samuwɛli 3:29

Alamɛ Yohabu anubɛ ala denbayɛ ya tɔrɔyɛ kɛ sɔrɔn ka a tɛgɛ Abina faga-koe kɛ ma. Alamɛ anu ya tɔrɔya-su kɛnu sɔrɔn, kɔrɔsini-gbɛ wo, fɛrɛma-kirayɛ wo, ni wo ma, anu ni to wurundi-kɛ-wɔlɛ kɛla iko musu-kɔrɔnɛ, ni wo ma, anu kunyɛ ni to kɛlɛ rɔ, ni wo ma, anu ni faga kɔnkɛ bolo. Tɔrɔya-su kelen-kelan kɛnu ni a bɔnsɔn bɛɛsi tɔrɔ kelen-kelenyɛ ma.”

2 Samuwɛli 8:15

Mansa Dawuda ya Isirɛla nyamanɛ mumɛ bɛɛ mara, ado a ya koe bɛɛsi lata a kilɛ fɛ ka ko-latelennɛ kɛ.

1 Mansɛnu 3:28

Isirɛla mɔgɛnu ya kiti wo lamɔɛn tumɛ min, mansɛ ya min tɛgɛ, anu kawara mansɛ ma. Anu ko, “Alla le ya kiti-tɛgɛ-hɛnkili kɛ di a ma.”

1 Mansɛnu 3:9

Awa, i ni hɛnkili di n ma alako n si ke nya min ka mɔgɛ wonu kiti ka ko-nyimɛ anubɛ ko-yogomɛ dan-nafarɛ lɔn. Ni wo ma, n si ke mɔgɔ-sɛrɛ-wɛ kɛnu kitila kama ka mansayɛ kɛ?”

2 Mansɛnu 15:32

Mansa Rɛmalayala den Pekala mansayɛ san fila nyɔgɛ ma Isirɛla nyamanɛ rɔ, Mansa Yusayala den Yotam mara mansɛ la Yuda nyamanɛ rɔ san wo le la.

2 Mansɛnu 15:6

Mansa Yusaya ya koe min bɛɛsi ma ala mansayɛ kɔrɔ, anu ya wo bɛɛ sɛbɛ Yuda Mansɛnuna Buku do rɔ.

2 Mansɛnu 5:27

Nba, ka a tɛgɛ i sɔn kɛ ma, kirayɛ min bi Neyaman ma nun, wo si bɔ ile ma. Kirayɛ wo si to bɔla i kegeyɛnu ma burubukai!” Kɛhasi bɔnɛ a dafɛ nyɔ, kirayɛ wo wuyara a ma pi! A fɛrɛ gbɛra a ma iko bɛgi-gbɛ.

2 Mansɛnu 7:3

Wati wo ya a taran, kunato mɔgɔ nani siginɛ tarɛ-don-dɛ kɔma. Wonu bi a fɔla anu nyɔgɔn ye ko, “Nfen ya a to, male siginɛ yan saya makɔnɔ tinɛ.

1 Ko-Kɔrɔta-Karan 3:12

Yohasi ya Hamasa sɔrɔn. Hamasa ya Yusaya sɔrɔn. Yusaya ya Yotam sɔrɔn.

1 Ko-Kɔrɔta-Karan 5:17

(Yuda Mansa Yotamta wati rɔ wo, Isirɛla Mansa Yɛrabowami fila nyɔgɛta wati rɔ wo, ko nya kɛ dama sɛbɛra wonuta wati le tɔ.)

Yobu 34:19

Ka a fɔ kun-tigi le mɔgɛ la, Alla ti kawa wo ma. A ti lafisayalɛ kɛ fen-tiginu anubɛ bolo-kolɔnnu tɛma bawo ale le ya anu dama dan.

Yaburi 72:1

E, Alla, mansɛ karan alako a kana lafisayalɛ kɛ kiti tɛgɛ tinɛ. I ni ita telenbagayɛ di a ma.

Hoseya 1:1

Mari ya sarakanɛ kɛ don Birila den Nɛbi Hoseya bolo, ka a bi Mansa Yusayata wati ma ka a sigi Mansa Yotamta tele ma wo, Mansa Ehasita tele ma wo, ha ka ke Mansa Hɛsakayata tele ma wo tumɛ anu bi mansayɛ la Yuda nyamanɛ kun na. Wo ya a taran fanan, Yɛhowasila den Mansa Yɛrabowami ye mansayɛ la Isirɛla nyamanɛ kun na.

Saraka-Masɔlɛnuta Tɔnnu 13:46

Fananta kiraya su kɛ ye mɔgɛ wo ma, anu si a labɔ dagɛ kɔma. A kana to a ta-nyɔgɛnu kurun tɔ.

Maika 1:1

Mansa Yɔtam wo, Mansa Ehasi wo, anubɛ Mansa Hɛsakaya wo, Mari ya sarakanɛ don Nɛbi Maika bolo wonuta wati rɔ. Nɛbi Maika wo bɔra Mɔrɔsɛti soe rɔ min bi Yuda nyamanɛ rɔ, mansa sawɛ kɛnu bi kan min nun. Mari ya ko-siyaman yira Nɛbi Maika la Samariya anubɛ Yerusalɛm so-karantan wonuna ko la.

Yilan-Yilan Koe 12:10

Banda-fin-gbɛ wo bɔra bɔn kuma tumɛ min, kiraya-yogomɛ do bɔra Miriyam fɛrɛ ma. A fɛrɛ bɛɛ gbɛra iko bɛgi-gbɛ. Aruna ya a kɔrɔ-musi yen tumɛ min ko kiraya-yogomɛ do ara bɔ a ma,

Yilan-Yilan Koe 12:14

Mari ya a fɔ Musa ye ko, “Kɔnɔ ni mɔgɔ fa ya nɔgɔ-yi kɛ ala den yakɔrɛ ma ka a layarabi kɛ nya, den wo ti miliya wola ko la tele wɔrɔnfila kɔrɔ, wa? Woletɔ wa a labɔ dagɛ kɔma tele wɔrɔnfila kɔrɔ fanan. A ni kofu kiraya-yogoma-tiginu ma nyɔ miliyɛ kɛla ko la. Tele wɔrɔnfila wo wa ban tumɛ min, a si na tun.”

Tɔn-Fɔɛ-Fila-Nyɔgɛ 24:8

“Ni fɛrɛma-kirayɛ bɔra mɔgɛ do fɛrɛ ma, wo ni a ma iko Mari ya a fɔ saraka-masɔlɛnu ye nya min.