2 Mansɛnu 15:29 - ALLALA KUMƐ

²⁹ Mansa Pekata wati kɔrɔ, Asiriya Mansa Pulu nara so-kun loli bi Isirɛla nyamanɛ rɔ. So-kun loli, wo le kɛnu na, Iyɔn wo, Ebɛli-Bɛti-Meyaka wo, Yanowa wo, Kɛdɛsi wo, anubɛ Hesɔ. A ya Isirɛla nyamani-kun sawa fanan bi, Kaliyadi wo, Kalili wo anubɛ Nafatali. A tara nyɔ-mɔgɛ bɛɛ la a warɛ Asiriya.

2 Mansɛnu 15:29 ပူးပေါင်းရင်းမြစ်များ

1 Mansɛnu 14:15

Mari ko a si Isirɛla mɔgɛnu tɔrɔ. Anu ni to magala tɔrɔyɛ bolo iko binyɛ min bi yi rɔ. Mari ko bawo anu bara Asura bɛsɛ ladan musila muninyɛ la, wo ara a ladiminya. Wo le ye a mala, a ya ata dugu-hakikɛ min di anu benbanu ma, a si anu gben nyɔ rɔ. A si anu gben ka anu fui Yufereti bɛ-kɔgɔmɛ rɔ.

1 Mansɛnu 15:20

Kilayɛ wonu kenɛ Siriya mansɛ wo ma, anu ya anu dantɛgɛ a ye. Mansa Esa ya mɔgɔ-ba wonu sɔ min na, ale fanan sɔnta wo ma. Wo le ya a ma, ale fanan ya ala kɛlɛ-den-kunyɛnu anubɛ ala kɛlɛ-dannu nata ka ta bui Isirɛla mɔgɛnuna so-kunbɛnu ma. Anu ya soe minnu bi Isirɛla nyamanɛ rɔ, wonu tɔgɛ le kɛnu na, Iyɔn wo, Dan wo, Ebɛli-Bɛti-Meyaka wo, anubɛ Kalili dalɛla foolɛ bɛɛ. Wo kɔma, anu tara Nafatali bɔnsɔn-mɔgɛnuna dugi bɛɛ bi anu bolo.

2 Mansɛnu 15:19

Asiriya Mansa Pulu tara bui Isirɛla nyamanita-mɔgɛnu ma. Wo le ya a ma, Isirɛla Mansa Mɛnahɛmu ya wodi-gbɛ makele nɔnfulu-tiginu bolo ala nyamanɛ rɔ fɔrɔsɛ la. Nɔnfulu-tigi kelen-kelennamɛ-bɛɛ ya wodi-gbɛ-gbu bi-loli bi-loli labɔ. Mansa Mɛnahɛmu ya wodi-gbɛ min nadɛn, wola gbiliyɛ anubɛ fui-fan bɔrɔ kɛmɛ loli rakɛn de. A ya wo di Mansa Pulu ma alako wo ni sɔ a fɛ. A ya wo ma alako a sɛnbɛ ni koloya Isirɛla mɔgɛnu kuma. Wodi-gbɛ wo ya Mansa Pulu hɛnɛ. A sɛgira a warɛ nyamanɛ rɔ.

2 Mansɛnu 15:28

A ya hakɛ kɛ Mari la ka bila Mansa Yɛrabowami gbɛ fɛ min ya Isirɛla mɔgɛnu nabila hakɛ kɛ la.

2 Mansɛnu 15:30

Yuda Mansa Yusayala den Yotam, wola mansayɛ san mogan nyɔgɛ ma, Ilamna den Hoseya ya yanfɛ kiri Mansa Peka ma ka a faga Isirɛla nyamanɛ rɔ. A sigira a gbɛ rɔ san wo le la.

2 Mansɛnu 16:10

Wo kɔma, Mansa Ehasi tara Asiriya Mansa Pulu kɔndɔn tinɛ Damasika soe burɔ. A ye nyɔ tumɛ min, a ya Damasika kɛnuna saraka-mintan-tinɛ do yen. A ya wola muninyɛ ladan-mɔlɔnɛ bɛɛ sɛbɛ ka wo lata ala Saraka-Masɔla Yuraya ma alako wo ni wo nyɔgɔn nadan.

2 Mansɛnu 16:7

Yuda Mansa Ehasi ya kilayɛnu nata Asiriya Mansa Pulu ma. A ya a fɔ kilayɛ wonu ye ko ala wɔli-kɛlɛ le ale la. A ko a ni na anubɛ ala mɔgɛnu kunyɛ bɔ gbaran rɔ Siriya mansɛ anubɛ Isirɛla mansɛ bolo.

2 Mansɛnu 17:20

Wo le ya a ma, Mari ya a ban Yakoba kegeyɛ bɛɛ la Isirɛla mɔgɛnu, kɔni. Tɔ-a-la, a ya a kan-kɔ sɔ anu na ka anu don anu yogenu bolo minnu bi anu bira boloko-yogomɛ-kɛla.

2 Mansɛnu 17:23

Anu tora wo le la ha Mari ya a kan-kɔ sɔ anu na, ado a ara nɛbinu nata anu makawandi tinɛ nun. Wo le ya a ma, Asiriyanu nara anu bira ka ta anu na pon! Anu bi nyɔ ha bi.

2 Mansɛnu 17:6

Kɔnɔ Hoseyala mansayɛ san kɔnɔntɔ nyɔgɛ ma, Asiriya mansɛ wo ya Isirɛla mɔgɛnu nɔ ka ta anu na birɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

2 Mansɛnu 18:11

Wo kɔma, Asiriya mansɛ wo tara Isirɛla mɔgɛnu na birɛ rɔ a warɛ nyamanɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

2 Mansɛnu 19:11

N bara nyamanɛ doinu kasara nya min, i wara wo lamɔɛn, nyɛ? I lanɛ a la ko i kunyɛ si bɔ n bolo tɔ, wa?

2 Mansɛnu 8:11

Nɛbi Ilaisa ban kɛ fɔla, a ya a yɛ gbangban Hasiyɛli la. Nɛbi yakɔrɛ makilanta wati-kundu-nɛ wo kɔrɔ. Wo ya a ma, Hasiyɛli miliyara. Wo kɔma, Nɛbi Ilaisa ya-yi yigira biribiri!

1 Ko-Kɔrɔta-Karan 5:22

Anu ya anu yogo-siyaman faga bawo Alla nyɛrɛta kɛlɛ le. Anu tora sigini nyamanɛ wo rɔ furr, fɔɔ Asiriya kɛlɛ tanɛ anu na.

1 Ko-Kɔrɔta-Karan 5:26

Woletɔ Alla ya a ma, Asiriya Mansa Pulu tara bui anuna nyamanɛ wo ma. (Ale mansɛ tɔgɛ do le fanan Tigilati-Pilesa.) Rubɛn bɔnsɔn wo, Kadi bɔnsɔn wo, Manasa bɔnsɔn-talɛ wo, ale Mansa Pulu ya wonu bira ka ta anu na pon! A ya donu sigi Hela sigisɔn rɔ. Wo kɔma, a tara donu to Hara sigisɔn rɔ. A tara donu fanan to Koson sigisɔn rɔ min bi Hebɔ bɛ dafɛ. Anu bi nyɔ wara la ha bi.

1 Ko-Kɔrɔta-Karan 5:6

Beyali ya Bɛra sɔrɔn. Bɛra wo, bɔnsɔn-kunyɛ le wo la kɔnɔ Asiriya Mansa Puluta kɛlɛ ya Bɛra wo bira ka ta a la.

2 Ko-Kɔrɔta-Karan 16:4

Siriya Mansa Bɛnhedadi sɔnta wo ma. Wo le ya a ma, ale fanan ya ala kɛlɛ-den-kunyɛnu anubɛ ala kɛlɛ-dannu nata ka ta bui Isirɛla mɔgɛnuna so-kunbɛ donu ma. Anu ya soe minnu bi Isirɛla nyamanɛ rɔ, wonu tɔgɛ le kɛnu na, Iyɔn wo, Dan wo, anubɛ Ebɛli-Bɛti-Meyaka. Wo kɔma, anu tara Nafatali bɔnsɔn-mɔgɛnuna fen-namara-soe bɛɛ bi anu bolo.

Nihɛmaya 9:32

“E, mata Alla, i makawara. I makilannɛ ita sɛnbɛ la. Sarama-kan min kirinɛ ma tɛma, ile ara itɛ latɔnbagaya. Kebi Asiriya mansɛnu ya ma tɔrɛ min dabira, ha bi, ma ye tɔrɔya kelen wo le kun na. Mala mansa wo, mala kun-tigi wo, mala saraka-masɔla wo, mala nɛbi wo, ma benbanu wo, anubɛ mala mɔgɛ toenu wo, ma dama ye tɔrɔyɛ wo rɔ. I yandi, i miri mala tɔrɔyɛ yirika ma.

Aiseya 1:7

Wole Isirɛla mɔgɛnu, wola nyamanɛ kasaranɛ. Wola soenu bara mintan gburr! Sibolo-gbɛrɛnu bi wola sɛnita-fannu dɔnna wo yala ka wo kasaranɛ to.

Aiseya 37:18

Mari, bɛɛ ya a lɔn ko Asiriya mansɛnu bara nyamani-siyaman kasara

Aiseya 7:16

yanni wo wati ni ke, mansa filɛ minnu bi i rakilanna, wonuta nyamanɛ ta ara kolonya filili!

Aiseya 7:20

“Wo wati wa ke, Mari ko a si Asiriya mansɛ masan ko wo ni na ka bɔ Yufereti bɛ kɔgɔma pon! A si na nyamanɛ sɛninya iko kun-siilɛ si kunyɛ gbana nya min anubɛ buyɛ anubɛ nyarasiyi.

Isikiyɛli 23:9

Woletɔ nde fanan ya a latenbi ala Asiriya keminɛ wonu ma bawo wonu di a ye kati!

Saraka-Masɔlɛnuta Tɔnnu 26:32

N si wola nyamanɛ duginu tinya, hali wo yogo minnu bi nala anu sigila wo gbɛ rɔ, wola dugi wo tinya-nya si ma latɛrɛna-koe la anu fanan bolo.

Emɔsi 1:13

“Mari ko wole Amon nyamanita-mɔgɛnu, wo ara hakɛ dan-natenbi, ado a si wo tɔrɔ, yɔ! Wo ye wola nyamani-kuma-kɛlɛ kɛla tumɛ min, wo ya ko-yogoma-siyaman ma hali ka nyaganɛ-kolomɛnu buyi rafara Kaliyadi nyamanɛ rɔ.

Emɔsi 1:3

Emɔsi ya Mari kuman-kan latenbi ko, “Wole Damasika kɛnu, wo ara hakɛ dan-natenbi, ado a ko a si wo tɔrɔ, yɔ! Wo ara Kaliyadi nyamanita-mɔgɛnu bira boloko-yogomɛ-kɛ.

Emɔsi 5:27

a si wo don yɔɔnyɛ rɔ wo yogenu bolo Damasika soe kɔma. Mari Sɛnbɛ-Bɛɛ-Tigi kuman-kan le kɛ la.”

Emɔsi 6:14

“Mari Sɛnbɛ-Bɛɛ-Tigi nyɛrɛ-nyɛrɛ le ya kɛ fɔ ko a si kɛlɛ-dan donu nabɔ nyamani-gbɛrɛ rɔ ka na bui wole, Isirɛla mɔgɛnu ma ka wola nyamanɛ bi wo bolo. Anu si bɔ wo birala Lɛbanan kɔnkɛnu kɔrɔ ha ka ta ke Kɔgɔ-Dalɛ dan ma. Anu si wo damasi bira tɛrr!”

Yilan-Yilan Koe 32:1

Ninki siyaman bi Rubɛn bɔnsɔn anubɛ Kadi bɔnsɔn bolo. Anu ya a yen ko Yasa anubɛ Kaliyadi duginu kin, ado bin siyaman bi nyɔ anuna kolo-fannu si min dɔn.

Yilan-Yilan Koe 32:40

Musa ya Kaliyadi nyamanɛ do di Makiri ma alako a kebilɛnu ni sigi nyɔ.

Tɔn-Fɔɛ-Fila-Nyɔgɛ 28:25

“Mari si a ma, wo yogenu si wo nɔ. Wo wa ta wo yogenu kɛlɛ tinɛ tumɛ min, wo si ta kila kelen fɛ kɔnɔ wonu si wo ranyɛnsɛn. Wole si belenna wo burila anu kɔrɔ kila-siyamɛnu fɛ. Ni mɔgɔ-gbɛrɛkɛnu ya wo tɔrɔya-nya yen, anu si kilan kati!

Tɔn-Fɔɛ-Fila-Nyɔgɛ 3:15

“N bara Kaliyadi nyamani-toe di Makiri kebila-mɔgɛnu ma minnu bɔra Manasa bɔnsɔn rɔ.

Yasowa 11:1

Kɛlɛ min mara dugula wara la, Hesɔ Mansa Yebin ya wo wara-koe lamɔɛn tumɛ min, a ya kilaya-lakalamɛ lata a dafɛ-mansɛnu ma ko anu ni anu nadɛn Isirɛla mɔgɛnu kɛlɛ-koe la. Kilayɛ wo kera mansɛ kɛnu ma, Medon mansɛ min tɔgɛ Yobabu, anubɛ Simirɔn mansɛnu anubɛ Akisafu mansɛnu anubɛ mansɛ minnu bi kantɔ-kɔnkɔ-nyamanɛ rɔ anubɛ mansɛ minnu bi Yorodan lɛɛ Kalili dalɛ dugula Dɔɔ soe tɔgɔfɛ. Kumɛ wo kera Kenan mansɛnu ma minnu bi Yorodan bɛ tɔnkɔn filɛ bɛɛ rɔ anubɛ Amora mansɛnu anubɛ Hɛti mansɛnu anubɛ Perasa mansɛnu anubɛ Yebusi mansɛnu minnu bi kɔnkɔ-gburukulinu kuma anubɛ Hefa mansɛnu minnu siginɛ Hɛrɔman kɔnkɔ-wɛ kɔrɔ Misipa nyamanɛ rɔ.

Yasowa 11:10

Yasowa anubɛ ala mɔgɛnu sɛgimatoe tumɛ min, anu ya Hesɔ mansɛ bira ka a faga. (Hesɔ, mansa-soe le wo la nun.)

Yasowa 11:13

Kɔnɔ Yasowa ma so-wo-so mintan min sɔnɛ gburukulinu kuma fɔ Hesɔ soe kɛ kelen pe.

Yasowa 16:6

ha ka ke kɔgɔ-yi ma. Dan min bi kantɔ, wo dabirara Yorodan bɛ ma ha ka ta Yɛrikɔ soe ka yɛlɛ ha Neyarati anubɛ Ataroti soenu bi kan min. A bɔra nyɔ ka ta Yanowa soe ka tenbi Teyanati-Sailo tele-bɔɛ wara la ka ta Mikimita soe.

Yasowa 19:35

Tarɛ mininɛ soe minnu ma anuna nyamanɛ rɔ, wo le kɛ donu na, Sidim, Su, Ham-Mati, Rakati, Sinɛrɛti,

Yasowa 19:37

Kidɛsi, Ɛdiriya, Ɛnhesɔ,

Yasowa 20:7

Anu ya lakisi-soe minnu yabɔ tele-yigi wara la mɔgɛ si kisi kan min, wo le Kidɛsi la, Nafatalita kɔnkɔ-nyamanɛ rɔ anubɛ Sɛkɛm min bi Ifɛrɛmta kɔnkɔ-nyamanɛ rɔ anubɛ Hiburɔn min bi Yudata nyamanɛ rɔ.

Kɛlɛ-Kurugbɛnu 18:30

Anu ya Maikala kɔlɔma-malɛsɛnɛ min bi a bolo, anu ya bɛsɛ wo sigi bɔn do la, anu si a kɔ kan min. Anu ya Musa mamanɛ Yonatan ma anuna saraka-masɔlɛ la, Kɛrisɔnla dan, kɔni. Wo kebilɛ tora mala saraka-masɔlɛ la Dan bɔnsɔn-mɔgɛnu ye ha kɛlɛ tara anu na.

Kɛlɛ-Kurugbɛnu 4:2

Kenan Mansa Yebin min siginɛ Hesɔ soe burɔ, Mari sɔnta ko wo ni Isirɛla mɔgɛnu nɔ. Mansɛ wota kɛlɛ-den-kun-tigi Sisara, min siginɛ Harosɛti-Hagoyim soe burɔ,