2 Mansɛnu 15:18 - ALLALA KUMƐ

¹⁸ Ale fanan ya hakɛ kɛ iko a benba Mansa Nebatila den Mansa Yɛrabowami ya a ma nya min, min ya Isirɛla nyamanita-mɔgɛnu nabila hakɛ la.

2 Mansɛnu 15:18 ပူးပေါင်းရင်းမြစ်များ

1 Mansɛnu 14:16

Mari ko bawo Mansa Yɛrabowami ara mɔgɛnu bɔ ale wara la ka anu nadon hakɛ rɔ, a si a ban Isirɛla mɔgɛnu na.”

2 Mansɛnu 10:29

Kɔnɔ hali wo, Mansa Yehu ya a sanka Mansa Yɛrabowami ma bawo Mansa Yɛrabowami ya ninki-danla muninyɛ ladan min kɛ Bɛtɛli soe burɔ anubɛ Dan soe burɔ, ale Mansa Yehu ma wonu tinya, ado a ya anu kɔ. Min kolo wo ko, Mansa Yɛrabowami ya a ma, Isirɛla mɔgɛnu donta wonu kɔɛ rɔ.

2 Mansɛnu 15:17

Mansa Yusayala mansayɛ san bi-sawa ani san kɔnɔntɔ nyɔgɛ ma Yuda nyamanɛ kun na, Kadila den Mɛnahɛmu mara mansɛ la Isirɛla nyamanɛ rɔ san wo le la. Mansa Mɛnahɛmu kɛ ya san tan bɔ mansayɛ la Samariya soe burɔ.

2 Mansɛnu 15:19

Asiriya Mansa Pulu tara bui Isirɛla nyamanita-mɔgɛnu ma. Wo le ya a ma, Isirɛla Mansa Mɛnahɛmu ya wodi-gbɛ makele nɔnfulu-tiginu bolo ala nyamanɛ rɔ fɔrɔsɛ la. Nɔnfulu-tigi kelen-kelennamɛ-bɛɛ ya wodi-gbɛ-gbu bi-loli bi-loli labɔ. Mansa Mɛnahɛmu ya wodi-gbɛ min nadɛn, wola gbiliyɛ anubɛ fui-fan bɔrɔ kɛmɛ loli rakɛn de. A ya wo di Mansa Pulu ma alako wo ni sɔ a fɛ. A ya wo ma alako a sɛnbɛ ni koloya Isirɛla mɔgɛnu kuma. Wodi-gbɛ wo ya Mansa Pulu hɛnɛ. A sɛgira a warɛ nyamanɛ rɔ.

2 Mansɛnu 15:24

A ya hakɛ kɛ Mari la ka bila Mansa Yɛrabowami gbɛ fɛ min ya Isirɛla mɔgɛnu nabila hakɛ la.

2 Mansɛnu 15:28

A ya hakɛ kɛ Mari la ka bila Mansa Yɛrabowami gbɛ fɛ min ya Isirɛla mɔgɛnu nabila hakɛ kɛ la.

2 Mansɛnu 15:9

Ale fanan ya hakɛ kɛ iko a benba Nebatila den Mansa Yɛrabowami ya a ma nya min, min ya Isirɛla nyamanita-mɔgɛnu nabila hakɛ kɛ la.

2 Mansɛnu 17:2

A ya hakɛ kɛ Mari la kɔnɔ a ma ke Isirɛla mansɛ doinutɛ rɔ.

2 Mansɛnu 17:20

Wo le ya a ma, Mari ya a ban Yakoba kegeyɛ bɛɛ la Isirɛla mɔgɛnu, kɔni. Tɔ-a-la, a ya a kan-kɔ sɔ anu na ka anu don anu yogenu bolo minnu bi anu bira boloko-yogomɛ-kɛla.

2 Mansɛnu 3:3

Kɔnɔ hali wo, a ma ko-yogoma-kɔrɛ wonu boloka Nebatila den Mansa Yɛrabowami ya Isirɛla mɔgɛnu nadon minnu tɔ.

Hɛnkilimaya-Kumɛnu 29:4

Ni ko-latelennɛ wara-koe diyara mansa-wo-mansa ye, wola nyamanɛ ra si gbɛlɛya. Kɔnɔ mansa-wo-mansa ya wodi keni, wola nyamanɛ si kasara pɔ!