2 Mansɛnu 15:1 - ALLALA KUMƐ

¹ Mansa Yɛrabowamila mansayɛ san mogan-ni-wɔrɔnfilɛ ma Isirɛla nyamanɛ kun na, Mansa Hamasala den Yusaya mara mansɛ la Yuda nyamanɛ rɔ san wo le la.

2 Mansɛnu 15:1 ပူးပေါင်းရင်းမြစ်များ

2 Mansɛnu 14:21

Ala den Yusaya, wola sɔrɔn-san tan-ni-wɔrɛ, Yuda nyamanita-mɔgɛnu ya wo ma anuna mansɛ la a fa gbɛ rɔ.

2 Mansɛnu 14:23

Yohasila den Hamasala mansayɛ san tan-ni-loli nyɔgɛ ma Yuda nyamanɛ rɔ, Mansa Yɛhowasila den Yɛrabowami mara mansɛ la Isirɛla nyamanɛ rɔ san wo le la. A ya ala mansayɛ kɛ Samariya soe burɔ san bi-nani ani san kelen kɔrɔ.

2 Mansɛnu 14:29

Mansa Yɛrabowami kɛ fagara tumɛ min, anu ya a togon mansɛnuna kaburu-soe rɔ. Ala den Sakaraya sigira a gbɛ rɔ.

2 Mansɛnu 15:13

Mansa Yusayala mansayɛ san bi-sawa ani san kɔnɔntɛ nyɔgɛ ma Yuda nyamanɛ kun na, Yebɛsila den Salumu mara mansɛ la Isirɛla nyamanɛ rɔ san wo le la. Salumu kɛ ya karɛ kelen pe le bɔ mansayɛ la Samariya soe burɔ.

2 Mansɛnu 15:17

Mansa Yusayala mansayɛ san bi-sawa ani san kɔnɔntɔ nyɔgɛ ma Yuda nyamanɛ kun na, Kadila den Mɛnahɛmu mara mansɛ la Isirɛla nyamanɛ rɔ san wo le la. Mansa Mɛnahɛmu kɛ ya san tan bɔ mansayɛ la Samariya soe burɔ.

2 Mansɛnu 15:23

Yuda Mansa Yusayala mansayɛ san bi-loli nyɔgɛ ma, Mansa Mɛnahɛmula den Pɛkahaya mara mansɛ la Isirɛla nyamanɛ rɔ san wo le la. A ya ala mansayɛ kɛ Samariya soe burɔ san fila kɔrɔ.

2 Mansɛnu 15:27

Yuda Mansa Yusayala mansayɛ san bi-loli ani san fila nyɔgɛ ma, Mansa Rɛmalayala den Peka mara mansɛ la Isirɛla nyamanɛ rɔ san wo le la. A ya ala mansayɛ kɛ Samariya soe burɔ san mogan kɔrɔ.

2 Mansɛnu 15:8

Mansa Yusayala mansayɛ san bi-sawa ani san segin nyɔgɛ ma Yuda nyamanɛ kun na, Mansa Yɛrabowamila den Sakaraya mara mansɛ la Isirɛla nyamanɛ rɔ san wo le la. Karɛ wɔrɔ kɔrɔ, Sakaraya ye mansayɛ la Samariya soe burɔ.

2 Ko-Kɔrɔta-Karan 26:1

Hamasala den Yusaya sɔrɔn-san tan-ni-wɔrɛ ma, Yuda nyamanita-mɔgɛ bɛɛsi ya ale ma anuna mansɛ la a fa gbɛ rɔ.

Aiseya 1:1

Alla ya sarakanɛ minnu don Emɔsila den Aiseya bolo ka a tɛgɛ Yuda nyamanɛ anubɛ Yerusalɛm soela ko ma, wonu denu sɛbɛnɛ buku kɛ rɔ. Kɛnu fɔra Mansa Yusaya anubɛ Mansa Yotam anubɛ Mansa Ehasi anubɛ Mansa Hɛsakayanuta wati le tɔ, anu bi Yuda nyamanɛ kun na wati min.