2 Mansɛnu 14:9 - ALLALA KUMƐ

⁹ Mansa Yɛhowasi ya kilayɛ wo kɔfili ka a fɔ a ye ko, “Lunyɛ do, wɔnɔ-firɛ min bi Lɛbanan kɔnkɛ rɔ, wo ya kilayɛ lata kɔlɔma-kuru-wɛ do ma nyɔ ko, ‘Nna dunmusi ni to ila dan ye.’ Kɔnɔ sogo-nyɛɛnɛ do belenta ka bɔ Lɛbanan nyamanɛ rɔ wɔnɔ-firɛ wo ratɛntɛnna.

2 Mansɛnu 14:9 ပူးပေါင်းရင်းမြစ်များ

1 Mansɛnu 4:33

A ya kɔlɔmanu bara-koe fɔ ka a dabira a kinama-wɛ ma ha ka a sigi a dɔgɔmɛnu na. Kɔlɔma-kinama-wɛ minnu bi Lɛbanan nyamanɛ rɔ, a kumara wonu bara-koe rɔ. Hali bin-fɛran minnu bi fɛrɛnna dandan ma, a kumara wonu fanan bara-koe rɔ. A sogo wo, a kanbanma-fen wo, a gboloma-fen wo, a yi-kɔrɔ-fen wo, a kumara wonu damasi wara-koe rɔ.

2 Ko-Kɔrɔta-Karan 25:18

Kɔnɔ ale Mansa Yɛhowasi ya kilayɛ wo kɔfili ka a fɔ Mansa Hamasa ye ko, “Lunyɛ do, wɔnɔ-firɛ min bi Lɛbanan kɔnkɛ rɔ, wo ya kilayɛ lata kɔlɔma-kuru-wɛ do ma ko, ‘Ila dunmusi ni to nna dan ye.’ Sogo-nyɛɛnɛ do belenta wɔnɔ-firɛ wo ratɛntɛnna.

2 Ko-Kɔrɔta-Karan 33:11

Woletɔ Mari ya a ma, Asiriya kɛlɛ-dannu nara bui Yuda nyamanita-mɔgɛnu ma. Anu ya Mansa Manasa bira ka lunyɛ bila a sunyɛ rɔ. Anu ya sila-yɔlɔkɛ kɛ a ma ka ta a la Babilɔn nyamanɛ rɔ.

Yobu 31:18

N ya mɔgɛ kɛnu fɛ-bira iko anu fa wo wati mumɛ bɛɛ kɔrɔ.

Bɔ-Koe-Iyipiti 3:2

Mari nara melikala muninyɛ rɔ. A ya a sigi kɔlɔma-nɛ do rɔ iko ta-mɛlan. Musa ya a mafɛlɛn, tɛ ye kɔlɔma wo la kɔnɔ a sa a mintanna.

Hɛnkilimaya-Kumɛnu 26:9

Kun-takolɔnla hɛnkilimaya-kumɛ mani de iko wɔnɛ tenbi baantoe bolo tɔ.

Keninteya-Siginu 2:2

Ade, i mani de musu-gbɛrɛkɛnu tɛma iko baga-fere tenbi wɔnɛnu tɛma.

Aiseya 34:13

Wɔnɔ-sufa bɛɛ si fɛrɛn kun-tiginuna bɔn la anubɛ tarɛ mininɛ soe minnu ma. Fɔ sulukinu anubɛ gbingbinnyagan denu dɔrɔn si taran nyɔ.

Isikiyɛli 20:49

Nde, Isikiyɛli ya Mari sɔsɔ, n ko, “N Tigi Mari, wo ma-sɔgɔ sa n na bawo mɔgɛnu bi a fɔla n ma ko nna tilinu bi anu kɔndɔfilila.”

Hoseya 9:6

Hali wo ya wo buri tɔrɔyɛ kɔrɔ, Iyipiti mɔgɛnu si wo kundɛn tun kan-tina-kelen. Anuna so-karantan-mɔgɛnu si wo togon soe do rɔ nyɔ min tɔgɛ, “Mɛmfisi.” Wola wodi-gbɛnu namara tinɛnu anubɛ wola bon-kinyanɛnu si ma gbɔfɛ la binyɛ anubɛ wɔnɛ bolo.

1 Kɔrɛnti 12:15

Ni kian ya a fɔ ko, “Nde tugunni ma fɛrɛ la bawo bolo ma n na,” wo ti a ma, a ti ma fɛrɛ kan-tinɛ do la.

1 Samuwɛli 13:6

Anu tara bui Isirɛla mɔgɛnu ma ka a lagbɛlɛya anu kuma ha Isirɛla mɔgɛ donu ya anu dogon farannu na anubɛ farɛnu tɛma anubɛ kɔlon-tagbalanɛnu tɔ.