2 Mansɛnu 14:6 - ALLALA KUMƐ

⁶ Kɔnɔ hali wo, a ma mɔgɔ-ba wonuna dannu faga bawo Mari ya tɔn minnu di Nɛbi Musa ma, a ya wonu kilɛ tagama. Tɔn wo ko, “Ni dan ya ko tinya, mɔgɔ ti a sɔrɔnbagɛ faga wola ko la. Ni sɔrɔnbagɛ ya ko tinya, mɔgɔ ti ala dan faga wola ko la. Mɔgɔ nyɛrɛ ye koe min tinyana, a tɔgɛ ye tola wo le yili la.”

2 Mansɛnu 14:6 ပူးပေါင်းရင်းမြစ်များ

Yɛrɛmaya 31:30

Kɔnɔ kaka, ni min ya fen-kunayanɛnu dɔn, wo fan-tigi yakɔrɛ ma si tɔrɔmɔnya, ado bɛɛ si faga a nyɛrɛta hakɛla ko la.

Isikiyɛli 18:20

Min bi hakɛ kɛla, wo le ye fagala. Dan ti tɔrɔ a fala hakɛla ko la, ado fa fanan ti tɔrɔ ala dan hakɛla ko la. Mɔgɔ-nyimɛ si ata ko-nyima-sarɛ sɔrɔn. Karagbɛlɛ si ata karagbɛlɛya-sarɛ sɔrɔn.

Isikiyɛli 18:4

Nde leta ye mɔgɛ bɛɛ niyi la, a denba wo, a den wo. Min bi hakɛ kɛla, wo le ye fagala.

Daniyɛli 6:24

Mansɛ wo ya a fɔ ko, “Minnu ya Daniyɛli maburi n ye, wo ni wonubɛ anuna denbayɛnu bira ka anu nakɛ yarɛnu kɔrɔ.” Anu nanɛ mɔgɛ wonu na, anu ba min nakɛ yarɛnu kɔrɔ, yanni wo ni ke dugu ma, yarɛnu gbanta anu na ka anu ramɔsɔkɔn-mɔsɔkɔn.

Tɔn-Fɔɛ-Fila-Nyɔgɛ 24:16

“Wo kana denbɛnu faga anuna dannuna ko-yogomɛnuna ko la. Wo kana dannu fanan faga anu sɔrɔnnɛnuna ko-yogomɛla ko la. Wo ni mɔgɛ bɛɛ bira a nyɛrɛta ko-yogoma-yili la.