2 Mansɛnu 14:5 - ALLALA KUMƐ

⁵ Mansa Hamasa ya sɛnbɛ sɔrɔn ala mansayɛ rɔ wati min, mɔgɔ-ba minnu ya a fa Mansa Yohasi faga, ale fanan ya wonu damasi faga.

2 Mansɛnu 14:5 ပူးပေါင်းရင်းမြစ်များ

Ko-Dabirɛnu 9:6

Bawo nde, Alla ya mɔgɛ dan n nyɛrɛla muninyɛ le tɔ, woletɔ ni min ya a ta-nyɔgɛ niyi bɔ, mɔgɛ do si wo fanan niyi bɔ.

2 Mansɛnu 15:19

Asiriya Mansa Pulu tara bui Isirɛla nyamanita-mɔgɛnu ma. Wo le ya a ma, Isirɛla Mansa Mɛnahɛmu ya wodi-gbɛ makele nɔnfulu-tiginu bolo ala nyamanɛ rɔ fɔrɔsɛ la. Nɔnfulu-tigi kelen-kelennamɛ-bɛɛ ya wodi-gbɛ-gbu bi-loli bi-loli labɔ. Mansa Mɛnahɛmu ya wodi-gbɛ min nadɛn, wola gbiliyɛ anubɛ fui-fan bɔrɔ kɛmɛ loli rakɛn de. A ya wo di Mansa Pulu ma alako wo ni sɔ a fɛ. A ya wo ma alako a sɛnbɛ ni koloya Isirɛla mɔgɛnu kuma. Wodi-gbɛ wo ya Mansa Pulu hɛnɛ. A sɛgira a warɛ nyamanɛ rɔ.

2 Mansɛnu 21:24

Wo kɔma, mɔgɔ-ba minnu ya Mansa Amɔn faga wo la, Yuda mɔgɛnu ya wonu fanan faga. Anu ya Mansa Amɔn togon a fa dafɛ a halala-kata burɔ Ɔsa ye lu-kɔndɛ min fɛ-birala. Anu ya ala den Yosaya sigi a gbɛ rɔ. Mansa Amɔn ya koe min bɛɛsi ma ala mansayɛ kɔrɔ, anu ya wo bɛɛ sɛbɛ Yuda Mansɛnuna Buku do rɔ.

Yilan-Yilan Koe 35:33

“Ni mɔgɛ do ya mara-koe tɛgɛ, a ni yele do labɔ mɔgɛ ma ha mɔgɛ wo ni faga, mɔgɛ wo yele si nyamanɛ wo latinya. Wo dugi ma ti ku fɔ mɔgɛ min ya fagalɛ kɛ ka yele labɔ, wo fanan yele ni bɔ ka faga le serr!