2 Mansɛnu 14:3 - ALLALA KUMƐ

³ Ale Mansa Hamasa wara-koe ya Mari hɛnɛ kɔnɔ aletɛ ma ke a benba Mansa Dawudatɛ rɔ. A ya a ma iko a fa Yohasi ya a ma nya min.

2 Mansɛnu 14:3 ပူးပေါင်းရင်းမြစ်များ

1 Mansɛnu 11:4

San-siyaman tenbinɛ, musi wonu ya Mansa Silamɛni yisi tintan anuna bɛsɛnu bara la. A ma a telen ata Mari Alla ye iko a fa Mansa Dawuda duruta a mala nya min nun.

1 Mansɛnu 15:11

Mansa Esa ya Mari sako kɛ iko a benba Mansa Dawuda ya a ma nya min.

1 Mansɛnu 15:3

Mansa Abaya fanan ya hakɛ kɛ iko a fa ya a ma nya min. A ma a telen Mari ye iko a benba Mansa Dawuda ya a ma nya min nun.

1 Mansɛnu 3:3

Mari keninɛ Mansa Silamɛni bolo ka a fa Dawuda kin-gbɛ bi. Kɔnɔ Mansa Silamɛni ma sɔn sarakɛnu bɔla kan-tina-kelen tɔ fɔ kan-tina-siyaman.

2 Mansɛnu 12:2

Mansa Yohasi ya koe min bɛɛsi ma ala mansayɛ kɔrɔ, wonu ya Mari hɛnɛ fananta Saraka-Masɔla Yɛhoyada le ya Mansa Yohasi labila.

2 Mansɛnu 14:2

A mansayara a sɔrɔn-san mogan-ni-loli nyɔgɛ le ma. San mogan-ni-kɔnɔntɔ kɔrɔ fanani, a ye mansayɛ la Yerusalɛm soe burɔ. A na tɔgɛ le Yɛhoyadan. Yerusalɛm kɛ le a na wo la.

2 Mansɛnu 14:4

Kɔnɔ hali wo, a ma ban Alla-batobɛlɛnuna bɛsi-kɔ-tinɛnu tinyana. Alla-batobɛlɛ wonu tora sarakɛnu bɔla ka isɛnti mintan kan-tina-mayɛlɛnɛ wonu tɔ.

2 Mansɛnu 18:3

Mansa Hɛsakaya ya koe min bɛɛsi ma ala mansayɛ kɔrɔ, wonu ya Mari hɛnɛ iko a benba Mansa Dawuda wara-koe ya Mari hɛnɛ nya min.

2 Mansɛnu 22:2

Yosaya ya a benba Mansa Dawuda sɔn-nyimɛ bi. A ya Allata tɔn bɛɛ bira, ado a ya min bɛɛ ma, wo ya Mari hɛnɛ.

2 Ko-Kɔrɔta-Karan 24:17

Saraka-Masɔla Yɛhoyada faganɛ, Yuda mɔgɔ-banu nara Mansa Yohasi wara. Anu ya a manugu-nɛgɛ-kumɛnu fɔ a ye alako anu miriyanu ni bɔ.

2 Ko-Kɔrɔta-Karan 24:2

Fananta Saraka-Masɔla Yɛhoyada ye a kɛndɛ la, Mansa Yohasi ya koe min bɛɛsi ma ala mansayɛ kɔrɔ, wonu ya Mari hɛnɛ.

Yɛrɛmaya 16:19

E, Mari, n sɛnbɛ anubɛ n natankalɛ le ile la. Tɔrɔyɛ wa na tumɛ min, n si ta i wara n nakanan-koe rɔ. Sibolenu si bɔ duninya tonke bɛɛ rɔ ka na i wara. Anu si a fɔ ko, “Bɛsi-fuyi le ye ma benbanu bolo nun dɔrɔn! Anu bi bɛsi-fufafuyinu kɔla nun minnu ti ko nyinya anu ma.

1 Pita 1:18

Wo ya kɛ-nya-fuyi minnu sɔrɔn wo benbanu bolo, Yisa fagara ka wo hɔrɔya wonu ma. Wola hɔrɔyɛ ma tɛgɛ fan do ma mɔgɛ si min sara sɛnɛ la, ni wo ma, wodi-gbɛ, ado wonu ti mɛ.