2 Mansɛnu 14:25 - ALLALA KUMƐ

²⁵ Mansa Yɛrabowami kɛ ya Isirɛla nyamanɛ tɔnkɔn bi anu yogenu bolo tun. Ka a bi Hamati kɔnkɔ-gbɛran ma kantɔ-wara la ha ka ta ke Dalɛ Faganɛ ma dugula wara la, a ya wo damasi bi, ado Isirɛlata Mari Alla ara kɛ lanyiri kiri nun ata wɔli-kɛlɛ Amitayila den Nɛbi Yona ye. Kati-Hifa kɛ le ale Yona kɛ la.

2 Mansɛnu 14:25 ပူးပေါင်းရင်းမြစ်များ

Ko-Dabirɛnu 14:3

So-tigi loli kɛnu bi Mansa Kɛdolama wo kɔrɔ san tan-ni-fila kɔrɔ. A san tan-ni-sawa nyɔgɛ ma, anu murutiyara Mansa Kɛdolama kɛ ma. So-tigi loli kɛnu ya anu kundɛn Sidin lɛɛ rɔ min tɔgɛ fanan Dalɛ Faganɛ.

1 Mansɛnu 8:65

Anu ban Bato-Bɔn wo dantɛgɛla tele wɔrɔnfila kɔrɔ, Mansa Silamɛni anubɛ ala nyamanita-mɔgɛ minnu bɔra Isirɛla nyamanɛ tɔnkɔn nani bɛɛ rɔ, wonu ya Lele-Sɔɛ-Ladɛn kɛ Bato-Bɔn dafɛ a nyɔgɔn tele wɔrɔnfila kɔrɔ tun.

2 Mansɛnu 10:32

Mansa Yehuta wati wo rɔ, Mari wulita ka do bɔ Isirɛla nyamanɛ la. Siriya Mansa Hasiyɛli ya Isirɛla nyamanɛ tɔnkɔn do bi

2 Mansɛnu 13:25

Wo wati rɔ fanan, Isirɛla Mansa Yɛhowasi ya nɔ-ko sɔrɔn Mansa Bɛnhedadi ma iko sawa. Mansa Bɛnhedadi fa ara Isirɛla soe minnu bi Mansa Yɛhowasi fa Mansa Yɛhowahasi bolo nun Isirɛla nyamanɛ rɔ, Mansa Yɛhowasi ya wonu bi Mansa Bɛnhedadi bolo.

2 Mansɛnu 13:5

Mari ya kunkalɛ do lata min tara anu kunka ka anu bɔ Siriyanu bolo. Wo kɔma, Isirɛla mɔgɛnu sigira lafɛrɛ rɔ iko anu bi nya min nun fɔlɔ.

2 Mansɛnu 14:24

Ale fanan ya hakɛ kɛ iko Nebatila den Mansa Yɛrabowami ya a ma nya min, min ya Isirɛla nyamanita-mɔgɛnu nabila hakɛ kɛ la.

Isikiyɛli 11:10

ado a ko wo kunyɛ si to kɛlɛ rɔ wota nyamanɛ kɛ rɔ yan. Woletɔ bɛɛ si a lɔn ko ale le wota Mari la.

Emɔsi 6:14

“Mari Sɛnbɛ-Bɛɛ-Tigi nyɛrɛ-nyɛrɛ le ya kɛ fɔ ko a si kɛlɛ-dan donu nabɔ nyamani-gbɛrɛ rɔ ka na bui wole, Isirɛla mɔgɛnu ma ka wola nyamanɛ bi wo bolo. Anu si bɔ wo birala Lɛbanan kɔnkɛnu kɔrɔ ha ka ta ke Kɔgɔ-Dalɛ dan ma. Anu si wo damasi bira tɛrr!”

Yona 1:1

Lunyɛ do, Mari kumara Amitayila den Nɛbi Yona ye ko,

Yilan-Yilan Koe 13:21

Mɔgɔ-ba tan-ni-filɛ kɛnu bɔra Paran wulɛ rɔ ka ta Kenan nyamanɛ mafɛlɛn tumɛ min, anu ya Kenan nyamanɛ mafɛlɛn fɔlɔn Sini wulɛ rɔ dugula wara la. Anu tara a mafɛlɛnna dugula wara la ha Anaki bɔnsɔn-mɔgɛnu bi Hiburɔn soe burɔ kan min. Anu ya Anaki kebilɛ min taran nyɔ, wonu kunba, anu yan, anu sɛnbɛ kolo. Anuna kebila-kunyɛnu tɔgɛ le kɛnu na, Ahiman wo, Sɛsayi wo, Talamayi wo. (Hiburɔn soe kina Sowan soe ko min bi Iyipiti nyamanɛ rɔ, san wɔrɔnfila.) Anu tara Kenan nyamanɛ lakɔrɔsila fanan kantɔ ha Rihobu soe burɔ min bi Hamati kɔnkɔ-gbɛran wara la. Anu sɛgimatoe belenta nɔnbɔ-gbɔɛ tɔnsɔn kelen tɛgɛla ka wonu bi. Anu ya nɔnbɔ-tɔnsɔn min tɛgɛ, wo gbili. Ka a tɛgɛ ata gbiliyɛ ma, fɔ anu ba a kiri kɔlɔma ma. Mɔgɔ fila si kɔlɔma wo bi ka a sa anu kanban-kunyɛ ma. (Anu ya nɔnbɔ-gbo-tɔnsɔn wonu sɔrɔn fole min na, anu ya fole wo tɔgɔ sa Tɔnsɔn Fole.) Anu nara toro-gbɔɛ anubɛ kɔlɔma-gbɔɛ donu fanan na min tɔgɛ pamakarani.

Matiyu 16:4

Wole sɔn-yogoma-tiginu anubɛ Alla-lɔnbɛlɛnu, wo ye n manyinikala ko n ni kabana-koenu kɛ wo ye, nyɛ? Wo ti kabana-ko-gbɛrɛ yen fɔ Nɛbi Yonata kabana-koe.” Woletɔ a bɔra anu fɛ ka ta.

Tɔn-Fɔɛ-Fila-Nyɔgɛ 3:17

Bɔnsɔn filɛ anubɛ a talɛ dan min tara tele-yigi wara la, wo dan le Yorodan bɛ la ka a fɔlɔ Kalili dalɛ ma ha ka ta ke Dalɛ Faganɛ ma ha ka ta ke Pisiga kɔnkɛ kɔrɔ.

Yasowa 19:13

Dan wo le yɛlɛta kantɔ ka ta ke Kati-Hifa soe ma anubɛ Ita-Kesin soe ha ka ta ke Rimɔn soe min bi Neya soe wara la.