2 Mansɛnu 14:10 - ALLALA KUMƐ

¹⁰ Ile Hamasa ara Idɔm kɛnu nɔ min kɛ, woletɔ i wara wasi. I tɔgɛ wo min bara bɔ, wo ni i wasa. I ni a dan wo ma. I ni to ila bɔn la. A sɔgɛ ye i la, i ni nanparan sanba wobɛ ila mɔgɛnu ma, wa?”

2 Mansɛnu 14:10 ပူးပေါင်းရင်းမြစ်များ

2 Mansɛnu 14:7

Mansa Hamasa ya Idɔm kɛlɛ-dan waga tan (10,000) faga lɛɛ do rɔ min tɔgɛ ko Kɔgɔ lɛɛ. A tara soe do bi min tɔgɛ Sela. A ya soe wo tɔgɛ yɛlɛma ka a kele ko Yokatili. Tɔgɛ wo le tora soe wo kuma ha bi.

2 Ko-Kɔrɔta-Karan 26:16

Mansa Yusaya ya sɛnbɛ sɔrɔn mansayɛ rɔ wati min, a wasira. Wo le ya a bɔ mansayɛ la. Bawo a ma bɛn, ale nyɛrɛ ni ta ata Mari Alla Bato-Bɔn la ka isɛnti mintan nyɔ kɔnɔ ale le bilara Mari la wola ko la.

2 Ko-Kɔrɔta-Karan 32:25

Kɔnɔ Mansa Hɛsakaya wasira ka fisiriwɔlitayɛ telen Mari la, ado Yuda anubɛ Yerusalɛm kɛnu tɔrɔta wola ko la.

2 Ko-Kɔrɔta-Karan 35:21

Ale Mansa Niko ya kilayɛnu nata Mansa Yosaya ma. A ko, “N bi tala kɛlɛ min kɛ tinɛ kɛ la, ile Yuda mansɛta sa wo rɔ. N ma na ile kɛlɛ tina. N nara n yogenu denu kɛlɛ tinɛ. Alla ko n ni ta tiriya! Alla ye n fɛ. Hali i ma n matanbani. Ni wo ma, ale si i halaki.”

Bɔ-Koe-Iyipiti 8:9

Musa ya a fɔ mansɛ ye ko, “N si Alla madiya wo ye sewɛ rɔ. Ile si kun wati min ma, i ye wo le fɔla n ye. N ni na Alla madiya ile anubɛ ila mɔgɔ-banu anubɛ ila nyamanita-mɔgɛnu ye alako turukɔɔkɔ kɛnu ni bɔ wo tɛma, fɔ minnu bi bɛ rɔ yɛ!”

Hɛnkilimaya-Kumɛnu 15:18

Mɔgɛ min yisi lakala, a si a ma, kɛlɛ ni ta yarɔ tiriya kɔnɔ min si a munyu, wo si kɛlɛ-wuyan bɔ a la.

Hɛnkilimaya-Kumɛnu 16:18

Mɔgɔ-wasinɛ ti mɛ buila. Wasinteyɛ si mɔgɛ kasara.

Hɛnkilimaya-Kumɛnu 17:14

Ka sɔsɔlɛ lawuli, wo mani de iko yi wa balan sɔgɔ. I ni sɔsɔlɛ wo ban yona alako a kana na to koloyala.

Hɛnkilimaya-Kumɛnu 20:3

Kun-takolɔn si sɔnkɛ tɛgɛ tiriya kɔnɔ ni i ko i ni gbiliyɛ sɔrɔn, fɔ i ni i masɛgi wo ko-sufanu na.

Hɛnkilimaya-Kumɛnu 25:8

Mɔgɛ ban min tagbɛla, a kana bara koe wo la ka ta a ta-nyɔgɛ la kiti-tɛgɛlɛnu bara. Tumado, ni anu ya wo fɛsɛfɛsɛ, a si ma miliya-koe la ale bolo.

Hɛnkilimaya-Kumɛnu 26:17

Mɔgɛ min bi belenna basanna mɔgɛnuna sɔsɔli-kumɛ la, wo tigi mani de iko mɔgɛ min bi tala wuli birala a tole ma, a ma min lɔn.

Hɛnkilimaya-Kumɛnu 3:30

Ni min ma baga i ma, wobɛ wo kana sɔnkɔ.

Isikiyɛli 28:5

A tora halliya-yilayɛnu kɛla ka tɔnɛ sɔrɔn, ado ala nɔnfulu-tigiyɛ wara a ma wasinte la.

Isikiyɛli 38:17

A ko a ya a fɔ Isirɛla nɛbinu ye nun ko wati ye nala, a si a ma, mɔgɛ do ni na bui ata mɔgɛnu ma. A ko nba, mɔgɛ wo le ale Mansa Kɔgi kɛ la, yɔ! N Tigi Mari kan le kɛ la.

Isikiyɛli 38:2

“Ile hadama-dan, i ni Mansa Kɔgi makuma min bi Tubalinu anubɛ Misɛki sigisɔnnu kun na Megogi nyamanɛ rɔ.

Isikiyɛli 38:5

Pasiya kɛnu wo, Sudan kɛnu wo, Libiya kɛnu wo, wonu dama sɔnɛ a fɛ. Kɛlɛ-kɛ-fulɛ anubɛ nɛgɛ-walan ye anu dama bolo.

Daniyɛli 11:12

A si wasi bawo a ara kɛlɛ-den-siyaman faga. Kɔnɔ hali wo, a ti to nɔ-ko sɔrɔnna kɛlɛ rɔ.

Habakuku 2:4

Kilayɛ wo le kɛ la. ‘Karagbɛlɛ wonu ti to anu niyi la kɔnɔ mɔgɔ-latelennɛnu si to anu niyi la bawo anu telennɛ nde, Alla sako-kɛ-tinɛ.’ ”

Habakuku 2:5

Wola nɔnfuli siyamɛ si wo baya. Minnu kɔrɔndi, wonu wasinɛ, ado anu yisi ti sa. Anu mani de iko sayɛ bawo wo ti wasa. Woletɔ anu bi tala buila sibole doinu ma ka anuna nyamanɛnu sa anutɛ kuma.

Tɔn-Fɔɛ-Fila-Nyɔgɛ 8:14

wonu ka a ma, wo ni wasi ka nyina wota Mari Alla ko min ya wo labɔ yɔɔnyɛ rɔ Iyipiti nyamanɛ rɔ.

Yemesi 1:9

Ma ta-nyɔgɛ bolo-kolɔnnu ni sewa bawo Alla ara anu lɔn nɔnfulu-tigi la.

Yemesi 4:6

Alla ye keninteyɛ min yirala ma la, wo sɛnbɛ kolo kati, ado Allala kitabu ko, “Alla kɛlɛ-nyɔgɛ le mɔgɔ-wasinɛnu na kɔnɔ mɔgɛ min famayiginɛ, a si wonu kɔntɔ-diya.”

Kɛlɛ-Kurugbɛnu 9:52

Abimɛlɛki kenɛ san-bɔn wo don-dɛ la nyɔ, a ya tɛ sɔ bɔn wo la kɔnɔ