2 Mansɛnu 14:1 - ALLALA KUMƐ

¹ Mansa Yɛhowahasila den Yɛhowasi, wola mansayɛ san fila nyɔgɛ Isirɛla nyamanɛ kun na, Mansa Yohasila den Hamasa mara mansɛ la Yuda nyamanɛ rɔ san wo le la.

2 Mansɛnu 14:1 ပူးပေါင်းရင်းမြစ်များ

2 Mansɛnu 13:10

Yuda Mansa Yohasila mansayɛ san bi-sawa ani san wɔrɔnfila (37) nyɔgɛ ma, Mansa Yɛhowahasila den Yɛhowasi mara mansɛ la Isirɛla nyamanɛ rɔ san wo le la. A ya ala mansayɛ kɛ Samariya soe burɔ san tan-ni-wɔrɔ kɔrɔ.

2 Mansɛnu 14:15

Mansa Yɛhowasi ya koe min bɛɛsi ma ala mansayɛ kɔrɔ katarala a ya kerinteyɛ min sɔrɔn ka Yuda Mansa Hamasa kɛlɛ, anu ya wo bɛɛ sɛbɛ Isirɛla Mansɛnuna buku do rɔ.

2 Mansɛnu 14:17

Isirɛla Mansa Yɛhowasi fagara tumɛ min, Yuda Mansa Hamasa ya san tan-ni-loli bɔ wo kɔma tun.

2 Mansɛnu 14:2

A mansayara a sɔrɔn-san mogan-ni-loli nyɔgɛ le ma. San mogan-ni-kɔnɔntɔ kɔrɔ fanani, a ye mansayɛ la Yerusalɛm soe burɔ. A na tɔgɛ le Yɛhoyadan. Yerusalɛm kɛ le a na wo la.

2 Mansɛnu 14:23

Yohasila den Hamasala mansayɛ san tan-ni-loli nyɔgɛ ma Yuda nyamanɛ rɔ, Mansa Yɛhowasila den Yɛrabowami mara mansɛ la Isirɛla nyamanɛ rɔ san wo le la. A ya ala mansayɛ kɛ Samariya soe burɔ san bi-nani ani san kelen kɔrɔ.

1 Ko-Kɔrɔta-Karan 3:12

Yohasi ya Hamasa sɔrɔn. Hamasa ya Yusaya sɔrɔn. Yusaya ya Yotam sɔrɔn.

2 Ko-Kɔrɔta-Karan 25:25

Isirɛla Mansa Yɛhowasila fagɛ kɔma, Yuda Mansa Hamasa ya san tan-ni-loli bɔ mansayɛ la, a nara to fagala.

2 Ko-Kɔrɔta-Karan 26:1

Hamasala den Yusaya sɔrɔn-san tan-ni-wɔrɛ ma, Yuda nyamanita-mɔgɛ bɛɛsi ya ale ma anuna mansɛ la a fa gbɛ rɔ.