2 Mansɛnu 13:7 - ALLALA KUMƐ

⁷ Siriya mansɛ ya Mansa Yɛhowahasila kɛlɛ-dannu nunku iko foni-fɔrɔn. Kɛlɛ-den fenfen ma to fɔ so-laburila mɔgɔ bi-loli, kirindi tan, anubɛ kɛlɛ-dan mɔgɔ waga tan. Wonu denu dɔrɔn tora.

2 Mansɛnu 13:7 ပူးပေါင်းရင်းမြစ်များ

2 Samuwɛli 22:43

N ya anu bunden iko fɔnyɔ ye tala gbangban min na. N ya anu tadon iko bore min bi kilɛ la.

1 Mansɛnu 20:15

Ale Mansa Ehabu ya ala kɛlɛ-den-bulan wonu kele. Kɛlɛ-dan wonu yirika bɛnta mɔgɔ kɛmɛ fila, mɔgɔ bi-sawa ani mɔgɔ fila ma (232). Wo kɔma, a ya Isirɛla kɛlɛ-den-toe wonu kele. Wonu fanan yirika bɛnta mɔgɔ waga wɔrɔnfila ma (7,000).

1 Mansɛnu 20:27

Isirɛla kɛlɛ-dannu ya wo lamɔɛn min kɛ, wo le ya a ma, wonu fanan ya anu nadɛn kan-tina-kelen ka anuna kɛlɛ-kɛ-mirannu bi. Anu tara anu sɔ-bole rabɛn lɛɛ rɔ Afɛki soe dafɛ ka anu tatala kurun fila la. Anu ya anu ya-lamunun Siriyanu na. Kɔnɔ anu kurun filɛ kɛ dɔgɔyanɛ Siriyanu yala iko baanu ba anu nadɛn kurun fila la. Kɔnɔ Siriyanu siya nyamanɛ wo rɔ iko mɛyannu.

2 Mansɛnu 10:32

Mansa Yehuta wati wo rɔ, Mari wulita ka do bɔ Isirɛla nyamanɛ la. Siriya Mansa Hasiyɛli ya Isirɛla nyamanɛ tɔnkɔn do bi

2 Mansɛnu 13:8

Mansa Yɛhowahasi ya minnu ma ala mansayɛ kɔrɔ, katarala a ya kerinteyɛ min kɛ, anu ya wo bɛɛ sɛbɛ Isirɛla Mansɛnuna buku do rɔ.

2 Mansɛnu 8:12

Hasiyɛli ya a manyinika, a ko, “N fa, i ye dila nfen na?” Nɛbi Ilaisa ko, “Ile ye nala koe min sigila Isirɛla mɔgɛnu ma yarɔ, wo le ye a mala, n bi dila ka. Ile si tɛ tugu anuna so-hakikɛnu na. I si Isirɛla kemini-mɛsɛnu mɔnima-fagɛ-kɛ, ado i si anuna dannu bi ka anu gbesi dugi la ha anu ni faga. I si nyaganɛ-kolomɛnu buyi laka.”

Yaburi 18:42

N ya anu bunden iko fɔnyɔ ye tala gbangban min na. N ya anu tadon iko bore min bi kilɛ la.

Aiseya 36:8

“Nba, awa, ma ni sarama-kan do kiri wona mala mansɛ tɔgɛ rɔ. Ni wole si ke mɔgɔ waga fila sɔrɔnna minnu si sigi soeenu na, ma si soeenu di wo ma ha waga fila.

Aiseya 41:2

“Yon nara nɔli-kɛlɛ la ka bɔ tele-bɔɛ wara la? A wa ta kan-bo-kan, yon ye nɔli-sɛnbɛ dila a ma? Yon bi nɔ-ko-sɛnbɛ dila wo ma mansɛnu anubɛ nyamanɛnu kuma? Nɔli-kɛlɛ wola faan ye mɔgɛnu murumurula iko gbangban. Wola kalabɛn ye anu tanyɛnsɛnna iko fɔnyɔ wa bin-gbalɛnu fɔrɔn.

Yowɛli 3:14

Mɔgɔ waga yirika-siyaman nadɛnnɛ Kiti Sa Lɛɛ kɛ rɔ. Marita tele si anu taran lɛɛ wo rɔ.

Saraka-Masɔlɛnuta Tɔnnu 26:17

Nde nyɛrɛ si n kan-kɔ sɔ wo la. Wo yogenu si nɔ-ko sɔrɔn wo ma. Wo ma di mɔgɛ minnu ye, wonu si wo lamara. Wo si ma yutoenu na. Hali mɔgɔ sa wo gbenna, wo si wo buri.

Emɔsi 1:3

Emɔsi ya Mari kuman-kan latenbi ko, “Wole Damasika kɛnu, wo ara hakɛ dan-natenbi, ado a ko a si wo tɔrɔ, yɔ! Wo ara Kaliyadi nyamanita-mɔgɛnu bira boloko-yogomɛ-kɛ.

Emɔsi 4:10

Mari ko ale le ya tɔrɔyɛ sigi wo la iko a ya a ma Iyipiti kɛnu na nya min. Ale le ya a ma, wola den-keminɛnu fagara kɛlɛ rɔ. Wo yogenu tara wola soeenu na. A ya a ma, furinu tulun-sumɛ ya wo tɔrɔ wola dagɛnu tɔ. Hali wo, wo ma sɔn wo ya-lamununna Mari la mumɛ!

1 Samuwɛli 13:15

Samuwɛli bɔra Kiligali soe burɔ. A tara. A mɔgɛ toenu bilara Mansa Sɔli fɛ ka ta kofu ala kɛlɛ-dannu ma. Anu bɔra Kiligali soe burɔ ka ta Kibiya soe min bi Bɛnyamɛ bɔnsɔnta nyamanɛ rɔ. Mansa Sɔli ya ala kɛlɛ-dannu dan tumɛ min, anu yatɛ bɛnta mɔgɔ kɛmɛ wɔrɔ (600) nyɔgɔn ma.