2 Mansɛnu 13:21 - ALLALA KUMƐ

²¹ Lunyɛ do, Isirɛla mɔgɛnu bi furu-togɔn la, anu ya Mohabu kɛnu yen nala anu kɛlɛ tinɛ. Tiriyante wo rɔ, anu ya furi wo lakɛ Nɛbi Ilaisa furi kuma kaburu rɔ. Anu ya anu natiriya tala. Furi wo tugura Nɛbi Ilaisa kolenu na tumɛ min, furi wo niyi bilara a rɔ. A ya a lasɔ.)

2 Mansɛnu 13:21 ပူးပေါင်းရင်းမြစ်များ

2 Mansɛnu 13:22

Mansa Yɛhowahasi siyi-tele-bɛɛ rɔ ala mansayɛ kɔrɔ, Siriya Mansa Hesiyɛli ye a yakɔrɔ-mamɔla.

2 Mansɛnu 4:35

Nɛbi Ilaisa ya a lasɔ ka a matagama bon kole ma. Wo kɔma, a tara a sa dan wo kuma iko a ya a ma nya min fɔlɔn. Furi wo tisora iko wɔrɔnfila. A ya a yɛ maka.

Aiseya 26:19

Mala mɔgɛ minnu bara faga nun kɔrɔma la, wonu niyi si sɛgi anu tɔ tun. Anu niyi si bila anu bagbuyi rɔ. Minnu bɛɛ ye kinɔgɔla kaburu rɔ, wonu si kunden ka sewa-sigi sa. Iko duri ye a diya donna gbangban rɔ nya min, Mari fanan bi niyi lasɛgila mɔgɔ-fagani-kɔrɛnu tɔ wo nya na le.

Yɔni 11:44

Lasarasi bɔra faran rɔ. A bolenu anubɛ a kiannu makirinɛ kasankɛ la. A kunyɛ fanan makirinɛ kasankɛ la. Yisa ya a fɔ anu ye ko, “Wo ni kasankɛ bɔ a ma. A ni ta.”

Yɔni 5:25

“N bi tonyɛ fɔla wo ye, wati ye nala, ado nfan, a ara ke, furinu si nde, Allala dan kan lamɔɛn. Minnu ba n kan lamɔɛn, wonu niyi si sɛgi anu tɔ tun.

Kɛwɔlɛnu 19:12

Hali ala pɔkitanɛnu anubɛ ala wɔli-kɛ-durukinu, anu ba ta wonu na kirayatoenu ma, anu si kɛndɛya. Nyina-yogenu si bɔ anu fɛ.

Kɛwɔlɛnu 5:15

Ka a tɛgɛ Marita kilayɛnu bi wɔlɛ min kɛla nun, mɔgɛnu ya kirayatoenu sa kilɛ la sa-fannu anubɛ nyandannu tɔ alako Pita tenbi tenbila tumɛ min ko tumado a ninɛ si sa wo donu kuma min si anu nakɛndɛya.

Lankɛnimayɛ 11:11

Tele sawa ani a talɛ banta tumɛ min, Alla ya anu niyi lasɛgi anu tɔ. Anu ya anu nasɔ. Min bɛɛ ya wo yen, wonu kilanta kati!