2 Mansɛnu 13:17 - ALLALA KUMƐ

¹⁷ A ya a fɔ mansɛ wo ye ko, “Wundan min bi tele-bɔɛ telen tɔ Siriyanu bara la, wo laka.” A ya wo laka tumɛ min, Nɛbi Ilaisa ya a fɔ a ye ko, “A lakɛ.” A ya bɛn wo lakɛ. Nɛbi Ilaisa ya a fɔ a ye tun ko, “Ile si ma iko Marita kalabɛn ka Siriyanu nɔ. Ile si Siriyanu kɛlɛ Afɛki soe burɔ ha i ni anu nɔ.”

2 Mansɛnu 13:17 ပူးပေါင်းရင်းမြစ်များ

2 Samuwɛli 5:24

Ni i ya kinta-kan lamɔɛn pɔpɔ kɔlɔma-yanbɛ wonu na san ma, i si a lɔn wo rɔ ko nde, Mari ara ta wo yarɔ anu kɛlɛ tinɛ. Wobɛ ila kɛlɛ-dannu si anu kɛlɛ ka anu nɔ.”

1 Mansɛnu 20:26

Wo san nasɛgi, a ya ala kɛlɛ-dannu kele. Anu tara Afɛki soe kan ma Isirɛla mɔgɛnu kɛlɛ tinɛ.

1 Mansɛnu 20:29

Tele wɔrɔ dɛgɛdɛgɛ, Siriyanu anubɛ Isirɛla mɔgɛnu siginɛ anuna dagɛnu tɔ. Anu yɛ bɛnnɛ anu nyɔgɔn ma. A tele wɔrɔnfila nyɔgɛ ma, anu ya kɛlɛ dabira. Isirɛla kɛlɛ-dannu ya Siriya kɛlɛ-dan mɔgɔ waga kɛmɛ (100,000) faga tele kelan wo kɔrɔ.

2 Mansɛnu 13:16

Nɛbi ya a fɔ a ye ko a ni kalabɛn wo bira a bole rɔ. Kalabɛn wo tora a bole rɔ, Nɛbi Ilaisa ya a kɔɛnnu sa mansɛ wo kɔɛnnu kuma.

2 Mansɛnu 13:18

Nɛbi Ilaisa ya a fɔ mansɛ wo ye tun ko, “I ni kalabɛn-toe wonu bi. I ni anu nakɛ dugu ma.” Mansɛ wo ya anu nakɛ dugu ma iko sawa. A danta wo ma.

Bɔ-Koe-Iyipiti 4:17

I ni ta ila sewuri kɛ la i bolo, i si ko-makawanɛnu nadan min na, kɔni.”

Bɔ-Koe-Iyipiti 4:2

Mari ya a fɔ a ye ko, “Nfen bi i bolo wo la?” A ko, “Nna sewuri le.”

1 Kɔrɛnti 1:18

Minnu bi nala halakila, yuwaya-kumɛ le Kirasiti faga-koe la kɔlɔma ma wonu yala. Kɔnɔ male minnu bi nala kisila, Allata sɛnbɛ mayiranɛ le wo la male yala,

1 Samuwɛli 4:1

Wo wati rɔ, Filisitinu ya anu kundɛn Isirɛla mɔgɛnu kan ma. Isirɛla mɔgɛnu fanan ya anu nawuli ka ta anu kɛlɛ tinɛ. Anu tara anu daga makɛ kan tinɛ do rɔ anu ya min kele ko Dɛnbɛn Kuriya. Filisitinu fanan tara anu daga makɛ soe do dafɛ min tɔgɛ Afɛki.