2 Mansɛnu 13:16 - ALLALA KUMƐ

¹⁶ Nɛbi ya a fɔ a ye ko a ni kalabɛn wo bira a bole rɔ. Kalabɛn wo tora a bole rɔ, Nɛbi Ilaisa ya a kɔɛnnu sa mansɛ wo kɔɛnnu kuma.

2 Mansɛnu 13:16 ပူးပေါင်းရင်းမြစ်များ

Ko-Dabirɛnu 49:24

Kɔnɔ hali wo, nde, Yakobata Alla Sɛnbɛ-Bɛɛ-Tigi, wo ya Yusufuta kalabɛn ragbɛlɛya. A ti bɔ a gbɛ rɔ. Ma makandannɛ le ale la. Wo le si a ma, ile Yusufu bɔnsɔnnu ti kilan. Anu si anu sɔ gben!

2 Mansɛnu 13:15

Nɛbi Ilaisa ya a fɔ ale Mansa Yɛhowasi ye ko, “Ta ka kalɛ anubɛ bɛn donu bi.” Mansɛ tara wonu bi.

2 Mansɛnu 13:17

A ya a fɔ mansɛ wo ye ko, “Wundan min bi tele-bɔɛ telen tɔ Siriyanu bara la, wo laka.” A ya wo laka tumɛ min, Nɛbi Ilaisa ya a fɔ a ye ko, “A lakɛ.” A ya bɛn wo lakɛ. Nɛbi Ilaisa ya a fɔ a ye tun ko, “Ile si ma iko Marita kalabɛn ka Siriyanu nɔ. Ile si Siriyanu kɛlɛ Afɛki soe burɔ ha i ni anu nɔ.”

2 Mansɛnu 4:34

Wo kɔma, a ya a sa furi wo kuma. A ya a dɛ bɛn a dɛ ma ka a yɛ bɛn a yɛ ma ka a bole sa a bole kuma. A sanɛ tora dan wo kuma, ha a fɛrɛ kaliyara.

Yaburi 144:1

Ma ni Mari tanto, nna kisilɛ, kɔni. A ye n karanna kɛlɛ ma ka n tabɛn kɛlɛ-kɛ-koe la.