2 Mansɛnu 13:14 - ALLALA KUMƐ

¹⁴ Sa-kirayɛ do ya Nɛbi Ilaisa bira. Kirayɛ gbɛlɛyara tumɛ min, Isirɛla Mansa Yɛhowasi nara a kɔndɔn tinɛ. A ke nɛbi wo ma, a dira. A ko, “E, n fa, Isirɛla kandan-natugu-ragbɛlɛ le ile la.”

2 Mansɛnu 13:14 ပူးပေါင်းရင်းမြစ်များ

Ko-Dabirɛnu 48:1

A ma mɛ kɛ kɔma, anu ya a fɔ Yusufu ye ko a fa ma kɛndɛ. A tara ala den-kei filɛ la a bolo, Ifɛrɛm anubɛ Manasa ka ta a fa Yakoba kɔndɔn tinɛ.

Ko-Dabirɛnu 49:33

Yakoba banta wonu fɔla tumɛ min, a ya a sa ka so-sɛgi-kɛ.

Ko-Dabirɛnu 50:1

Yusufu ya a du a fa furi kuma. A dira ka a fa sunbu.

2 Mansɛnu 13:12

Mansa Yɛhowasi ya koe min bɛɛsi ma ala mansayɛ kɔrɔ katarala a ya kerinteyɛ min sɔrɔn ka Yuda Mansa Hamasa kɛlɛ, anu ya wo bɛɛ sɛbɛ Isirɛla Mansɛnuna buku do rɔ.

2 Mansɛnu 13:13

Mansa Yɛhowasi fagara. Anu ya a togon Samariya mansɛnuna kaburu-soe rɔ. Mansa Yɛrabowami tɔgɔma sigira Mansa Yɛhowasi gbɛ rɔ.

2 Mansɛnu 13:15

Nɛbi Ilaisa ya a fɔ ale Mansa Yɛhowasi ye ko, “Ta ka kalɛ anubɛ bɛn donu bi.” Mansɛ tara wonu bi.

2 Mansɛnu 2:12

Nɛbi Ilaisa ya a yen yɛlɛla, a ya a rakele, a ko, “E, n fa! Ile Isirɛla latankalɛ! I wara ta!” Nɛbi Ilaisa ma a yen tun. Yisi-tinyɛ wola ko la, Nɛbi Ilaisa ya a kan-na-duruki rafara filɛ la.

2 Mansɛnu 20:1

Kɛ wati ya a taran, Mansa Hɛsakaya kun ma ara kɔ kirayɛ bolo. A tora doni, a ni lakiraya. Emɔsila den Nɛbi Aiseya tara a kɔndɔn tinɛ. A ya a fɔ a ye ko, “Mari ko yanni i ni faga, i ni i fɛ-koe mumɛ bɛɛ rabɛn bawo a ko i ti kirayɛ kɛ nɔ.”

2 Mansɛnu 6:21

Isirɛla mansɛ ya Siriya kɛlɛ-dan wonu yen tumɛ min, a ya Nɛbi Ilaisa manyinika a ko, “N fa, n ni anu faga? N ni anu faga fasai?”

Yaburi 12:1

Mari, ma dɛnbɛ! Mɔgɔ-nyima wo mɔgɔ-nyima sa tun. Mɔgɔ sa tun min telennɛ.

Hɛnkilimaya-Kumɛnu 11:11

Mɔgɔ-telennɛ si ala soe munanfaga ka a lata yarɔ kɔnɔ karagbɛlɛnuta-kumɛ si a ma, soe ni tinya pɔ!

Aiseya 57:1

Telenbagɛnu bi fagala kɔnɔ mɔgɛnuna ko sa anuna ko rɔ. Alla wa mɔgɔ-nyimɛnu niyi bi tumɛ min, mɔgɛnu ti a lɔn Mari le wara anu bɔ ko-yogomɛnu da kun tɔ.

Isikiyɛli 14:14

Nowa wo, Danɛli wo, Yobu wo, ni wonu denu bi nyamanɛ wo rɔ nun, anuna kɛwɔli-nyimɛ ti mɔgɔ-wo-mɔgɔ kisi fɔ anu nyɛrɛ. Nde, wo Tigi Mari kan le kɛ la.

Isikiyɛli 22:30

Mɔgɛ min si ke tara-kerinɛ wo sɔla hali ka soe lakanan tara-kerinɛ wo dafɛ, n ya n ya lakalan wo do ma anu tɛma. Ni n ya wo mɔgɛ sɔrɔn nun, n ti soe wo kasara. Kɔnɔ n ma wo mɔgɛ sɔrɔn.

Sakaraya 1:5

A ko wo benbanu anubɛ nɛbi wonu sa anu niyi la tun.

Maraka 6:20

Mansa Hɛrodi kilanta Yɔni la bawo a ya Yɔni lɔn mɔgɔ-nyimɛ la, ado a sɛnima. Woletɔ a ya a kandan a kin na! Hɛrodi wa a tole masɔ Yɔni la tuma-wo-tuma, a kɔndɔ si fili kɔnɔ hali wo, a di a ye ka a tole masɔ a la tun!

Yɔni 11:3

A tirisan-musinu ya kilayɛ lata Yisa ma Kalili sigisɔn rɔ ko, “Mari, i diyana-mɔgɛ kirɛ le.”

Kɛwɔlɛnu 13:36

Dawuda ye a kɛndɛ la nun tumɛ min, a ya Alla sako kɛ. Wo kɔma, a fagara. Anu ya a togon a benbanu dafɛ, ado a furi tulita nyɔ rɔ.

Filipai 2:26

A sɔgɛ ye a la ka wo dama yen, ado a yisi sani ma bawo wo ara a lamɔɛn ko a kirayara.