2 Mansɛnu 13:1 - ALLALA KUMƐ

¹ Mansa Ehasayala den Yohasila mansayɛ san mogan-ni-sawa nyɔgɛ Yuda nyamanɛ rɔ, Mansa Yehula den Yɛhowahasi mara mansɛ la Isirɛla nyamanɛ rɔ san wo le la. A ya ala mansayɛ kɛ Samariya soe burɔ san tan-ni-wɔrɔnfila kɔrɔ.

2 Mansɛnu 13:1 ပူးပေါင်းရင်းမြစ်များ

2 Mansɛnu 10:30

Mari ya a fɔ Mansa Yehu ye ko, “I wara a ma Ehabula mɔgɛnu na iko n miriya ye a ma nya min. Ka a tɛgɛ wo ma, mansayɛ si to ila bɔn la ha i mamani-mamanɛ bolo Isirɛla nyamanɛ rɔ.”

2 Mansɛnu 11:21

Anu ya Yohasi ma mansɛ la Yuda nyamanɛ rɔ a sɔrɔn-san wɔrɔnfila nyɔgɛ le ma.

2 Mansɛnu 11:4

A san wɔrɔnfila nyɔgɛ ma, Saraka-Masɔla Yɛhoyada ya kilayɛ lata mansa-makandannɛnuna kun-tigi ma anubɛ mansɛla bon makandannɛnuna kun-tigi ma ko anu ni na Bato-Bɔn la. Wonu ke, a ya anu nakeli ko a ye nala min fɔla anu ye, ni anu ti gbundi wo bu tii. Wonu ban anu kelila, a ya Mansa Ehasayala den Yohasi yira anu na.

2 Mansɛnu 12:1

Yehula mansayɛ san wɔrɔnfila nyɔgɛ Isirɛla nyamanɛ rɔ, anu ya Yohasi ma mansɛ la san wo le la Yuda nyamanɛ rɔ. San bi-nani kɔrɔ, Yohasi ye mansayɛ la Yerusalɛm soe burɔ. Mansa Yohasi na tɔgɛ le Sibeya. Musi wo bɔra Biri-Siba soe le burɔ.

2 Mansɛnu 13:10

Yuda Mansa Yohasila mansayɛ san bi-sawa ani san wɔrɔnfila (37) nyɔgɛ ma, Mansa Yɛhowahasila den Yɛhowasi mara mansɛ la Isirɛla nyamanɛ rɔ san wo le la. A ya ala mansayɛ kɛ Samariya soe burɔ san tan-ni-wɔrɔ kɔrɔ.

2 Mansɛnu 13:2

Kɔnɔ hali wo, Mansa Yɛhowahasi benba Mansa Yɛrabowami ya hakɛ minnu nadan, ale mansɛ ma fara wonu na, ado a benba wo taranta Isirɛla nyamanita-mɔgɛnu nabilala wo le la. A ma sɔn ka a sɔn-yogomɛnu boloka.

2 Mansɛnu 8:26

Mansa Ehasaya kɛ mara mansɛ la a sɔrɔn-san mogan-ni-fila nyɔgɛ le ma. A ya san kelen pe le bɔ mansayɛ la Yerusalɛm soe burɔ. A na tɔgɛ le Atalaya, Mansa Ehabula dunmusi, kɔni. Atalaya benba tɔgɛ le Mansa Hɔmɔri, Isirɛla mansa-kɔrɛ, kɔni.