2 Mansɛnu 12:7 - ALLALA KUMƐ

⁷ Wo le ya a ma, ale Mansa Yohasi ya a fɔ Saraka-Masɔla Yɛhoyada anubɛ saraka-masɔlɛ doinu ye ko, “Nfenna wo sa Bato-Bɔn kɛ fɛ-birala? Ka a dabira bi ma, wo kana wodi-wo-wodi lamara wo nyɛrɛ ma tun. Wo wa min sɔrɔn gbɛ, wo ni wo ma Bato-Bɔn fɛ-bira-fan la.”

2 Mansɛnu 12:7 ပူးပေါင်းရင်းမြစ်များ

2 Mansɛnu 11:4

A san wɔrɔnfila nyɔgɛ ma, Saraka-Masɔla Yɛhoyada ya kilayɛ lata mansa-makandannɛnuna kun-tigi ma anubɛ mansɛla bon makandannɛnuna kun-tigi ma ko anu ni na Bato-Bɔn la. Wonu ke, a ya anu nakeli ko a ye nala min fɔla anu ye, ni anu ti gbundi wo bu tii. Wonu ban anu kelila, a ya Mansa Ehasayala den Yohasi yira anu na.

2 Mansɛnu 12:2

Mansa Yohasi ya koe min bɛɛsi ma ala mansayɛ kɔrɔ, wonu ya Mari hɛnɛ fananta Saraka-Masɔla Yɛhoyada le ya Mansa Yohasi labila.

2 Mansɛnu 12:6

Kɔnɔ hali wo, ka a bi Mansa Yohasila mansayɛ ma ha ala mansayɛ san mogan-ni-sawa nyɔgɔn ma, saraka-masɔlɛ wonu ma ke ko-wo-ko ladanna Bato-Bɔn fɛ-bira-koe rɔ.

2 Mansɛnu 12:8

Saraka-masɔlɛ wonu sɔnta wo bɛɛ ma, ado anu sɔnta ko wodi wo ni ma Bato-Bɔn fɛ-bira-fan la mɔgɛ gbɛrɛnu bolo.

1 Ko-Kɔrɔta-Karan 21:3

Kɔnɔ Yohabu ya a fɔ ale mansɛ ye ko, “N tigi, alamɛ ita Mari ya a ma, kɛlɛ-dan min nyɔgɔn bi nyɔ kaka, wo nyɔgɔn kɛmɛ ni sa anu kuma. Kɔnɔ n tigi, hali wo mara, itɛ le anu dama la. Nfenna i ye wo mala ka hakɛ lana ila nyamanita-mɔgɛnu kuma?”

2 Ko-Kɔrɔta-Karan 23:1

San wɔrɔ tenbinɛ, Saraka-Masɔla Yɛhoyada ya a latɛgɛ ko a wati ara ke ka koe do ladan. A ya a ma, anubɛ kɛlɛ-den-kun mɔgɔ loli kunta kan kelen ma. Kɛlɛ-den-kunyɛ wonu tɔgɛ le kɛnu na, Yɛrohamna den Asaraya wo, Yihohenanla den Sumanyila wo, Obɛdila den Asaraya wo, Adayala den Meyaseya wo, anubɛ Sikirila den Ilaisefati.

2 Ko-Kɔrɔta-Karan 24:16

Anu ya a togon mansɛnu fɛ Mansa Dawuda halala-luyi ma Yerusalɛm soe burɔ ka a tɛgɛ ala ko-nyimɛ ma a ya min ma Isirɛla mɔgɛnu ye anubɛ Alla anubɛ Bato-Bɔn wara-koe rɔ.

Hegayi 1:2

Mari Sɛnbɛ-Bɛɛ-Tigita sarakanɛ le kɛ la. A ko, “Mɔgɛnu bi a fɔla ko a wati nyɛrɛ ma ke wɛ fɔlɔn ka nde Mari Bato-Bɔn nyɔgɔn sɔ.”