2 Mansɛnu 12:4 - ALLALA KUMƐ

⁴ Yohasi ya Marita saraka-masɔlɛnu kele. A ya a fɔ wonu ye ko, “Wo ye wodi min sɔrɔnna sarakayɛ la Bato-Bɔn la, a mara saraka-makeleta la wo, a hɛniki-saraka wo, wo ni wodi wo ladɛn.

2 Mansɛnu 12:4 ပူးပေါင်းရင်းမြစ်များ

1 Mansɛnu 3:2

Wo wati rɔ, mɔgɛnu taranta sarakɛnu bɔla saraka-bɔ-tina-siyaman tɔ bawo Mari Bato-Bɔn ma sɔ wɛ nun.

1 Mansɛnu 3:3

Mari keninɛ Mansa Silamɛni bolo ka a fa Dawuda kin-gbɛ bi. Kɔnɔ Mansa Silamɛni ma sɔn sarakɛnu bɔla kan-tina-kelen tɔ fɔ kan-tina-siyaman.

1 Mansɛnu 7:1

San tan-ni-sawa dɛgɛdɛgɛ, Mansa Silamɛni ye a halala-bɔn sɔla.

2 Mansɛnu 12:18

Kɔnɔ Bato-Bon-miran dantɛgɛnɛ minnu dira Mansa Yohasi benba Mansa Yɛhosafatita wati rɔ, a benba Mansa Yɛhoramta wati rɔ, a fa Mansa Ehasayata wati rɔ, anubɛ ata wati rɔ, ale Yuda Mansa Yohasi ya wonu di Siriya Mansa Hesiyɛli ma alako wo kana na bui anu denu ma. Hali sɛnɛ min sanɛ Bato-Bɔn nɔnfulu lamara tinɛ anubɛ minnu bi mansɛla bolɔn la, a ya wonu fanan nata ale mansɛ ma. Wonu ke Siriya Mansa Hesiyɛli ma, a ya ala kɛlɛ-dannu kunyɛ tintan kan-tina-gbɛrɛ la.

2 Mansɛnu 12:5

Ni wodi kɛnu nara saraka-masɔlɛ minta wati rɔ, wo si na wodi wo la. Wodi wonu si ma Mari Bato-Bɔn fɛ-bira-fan la.”

2 Mansɛnu 14:4

Kɔnɔ hali wo, a ma ban Alla-batobɛlɛnuna bɛsi-kɔ-tinɛnu tinyana. Alla-batobɛlɛ wonu tora sarakɛnu bɔla ka isɛnti mintan kan-tina-mayɛlɛnɛ wonu tɔ.

2 Mansɛnu 15:4

Kɔnɔ hali wo, a ma ban Alla-batobɛlɛnuna bɛsi-kɔ-tinɛnu tinyana. Alla-batobɛlɛ wonu tora sarakɛnu bɔla ka isɛnti mintan kan-tina-mayɛlɛnɛ wonu tɔ.

2 Mansɛnu 16:4

Ale Mansa Ehasi kɛnɛna sarakɛnu bɔla ka isɛntinu mintan Alla-batobɛlɛnuna kɔ tinɛnu tɔ kɔnkɛnu anubɛ kɔlɔma-kuru-wɛnu kɔrɔ.

2 Mansɛnu 17:11

Anu tora isɛnti mintanna Alla-batobɛlɛnuna kan-tina-mayɛlɛnɛnu tɔ iko Mari ya mɔgɛ minnu gben anu yarɔ, wonu ya a ma nya min. Anu ya a ma, Mari fonde bɔra anu kuma anuna ko-yogomɛ wonuna ko la.

2 Mansɛnu 22:4

Mansa Yosaya ya a fɔ ale Safan ye ko, “Ta Saraka-Masɔla-Kun-Tigi-Wɛ Helikaya wara. A fɔ a ye ko saraka-masɔlɛ minnu bi wodi makelela batoli-kɛlɛnu bolo bonda-dɛ la, ni anu bara min nyɔgɔn sɔrɔn, anu ni wo dan.

1 Ko-Kɔrɔta-Karan 18:11

Mansɛ ya fen-kolomɛ wonu bi ka anu dantɛgɛ Allata wɔlɛla ko la. Idɔm kɛnu wo, Mohabu kɛnu wo, Amonnu wo, Filisitinu wo, Amalɛkinu wo, a ya fen-kolomɛ min bɛɛsi bi anu bolo kɛlɛ rɔ, a ya wonu fanan dantɛgɛ Allala wɔlɛla ko la.

1 Ko-Kɔrɔta-Karan 29:17

Nta Alla, ile le si mɔgɔ damasi kɔrɔbɔ, ado fɔ mɔgɔ-latelennɛnu, wonu denu bi i hɛnɛna. N bara kɛ damasi latenbi i ma n yisi bɛɛ la. Mɔgɛ min bɛɛsi ladɛnnɛ, anu ya min bɛɛsi labɔ, anu ya a labɔ anu yisi-gbɛnɛ le la.

2 Ko-Kɔrɔta-Karan 15:18

A fa Abaya ara a bolo-fan minnu dantɛgɛ Alla ma nun wo, anubɛ ale Mansa Esa nyɛrɛ ya sɛnɛnu anubɛ wodi-gbɛ minnu dantɛgɛ Mari Alla ma wo, a ya wo bɛɛ bi ka wo ladon Mari Bato-Bɔn la.

2 Ko-Kɔrɔta-Karan 31:12

Anu ya kɔ-fan anubɛ yaka minnu di Mari ma, anu ya wonu namara nyɔ. Lifayi mɔgɛ do ye nyɔ min tɔgɛ Konanaya. Anu ya wo sigi fen namara tinɛ wo kun na. A na-kelen-nyɔgɛ min tɔgɛ Simayi, wo tugunta a la. Lifayi mɔgɔ tan bi nyɔ fanan minnu bi wɔlila mɔgɔ filɛ kɛnu kɔrɔ.

2 Ko-Kɔrɔta-Karan 35:2

Ale Mansa Yosaya ya wɔlɛ tala saraka-masɔlɛnu na iko a bɛnta, anu ni wɔli nya min. A ya anu manugu-nɛgɛ alako anu ni anu sɛbɛ don wɔlɛ wonu ma.

Ɛsira 1:6

Anu sigi-nyɔgɛ damasi ya anu magben ka fen-siyaman di anu ma, sɛnɛ wo, wodi-gbɛ-miran wo, anu beli-fen wo, dunu-bi-sogo wo, fen-kolomɛ donu wo, anubɛ anu bi tala kɔ-fan minnu na Bato-Bɔn la.

Ɛsira 2:69

Anu ya anu se koe kɛ wɔlɛ kɛla ko la. Anu ya sɛnɛ min bɔ wɔlɛ wola ko la, wola gbiliyɛ anubɛ fui-fan bɔrɔ wɔrɔnfilata gbiliyɛ rakɛn de! Anu ya wodi-gbɛ min bɔ, wola gbiliyɛ anubɛ fui-fan bɔrɔ bi-nanita gbiliyɛ rakɛn de! Anu ya duruku-ba kɛmɛ labɔ saraka-masɔlɛnuna ko la.

Ɛsira 7:16

Min sanɛ wo kuma, i ni sɛnɛ anubɛ wodi-gbɛ makele mɔgɛnu bolo Babilɔn nyamanɛ bɛɛ rɔ. Wo kɔma, saraka-masɔlɛnu anubɛ Isirɛla mɔgɛnu ya hɛniki-sarakɛ minnu di Isirɛlata Alla Bato-Bɔnla ko la, i ni ta wonu na.

Bɔ-Koe-Iyipiti 35:22

Kei anubɛ musi minnu sɔnta, wonu tara anuna bolo-kalama-dɛɛnnu na anubɛ anuna tolola-fannu anubɛ anuna dɛɛn-kɔlɔnɛnu anubɛ anuna kan-na-fan minnu nadannɛ sɛnɛ la ka wonu dantɛgɛ Mari ma. Anu nara anu mabɛn-fannu na ka wonu di Mari ma.

Bɔ-Koe-Iyipiti 35:29

Mari ya min bɛɛsi fɔ ata wɔlɛla ko la Musa ye, Isirɛla mɔgɛnu nara wonu na. Kei wo, musi wo, anu ya anuna fen-bɔɛ kɛ anu yisi-sewanɛ la Mari ye.

Bɔ-Koe-Iyipiti 35:5

“Wo ni na wola kɔ-fannu na Mari ye. Wo wa minnu di wo yisi-sewanɛ la, wo ni wonu don nde bolo. Wo ye nala kɔ-fan minnu na, wo le kɛnu na, sɛnɛ wo, wodi-gbɛ wo, anubɛ silɛɛ.

Bɔ-Koe-Iyipiti 36:3

Isirɛla mɔgɛnu nara Fani-Bon-miran minnu na, Musa ya wonu don boloma-wɔli-kɛlɛ wonu bolo. Hali wo, Isirɛla mɔgɛnu tora tala anuna kɔ-fannu na Musa wara sɔgɔma-wo-sɔgɔma.

Saraka-Masɔlɛnuta Tɔnnu 27:31

Ni a sɔgɛ ye mɔgɛ do la ka ala yaka kunka, a dɛ sanɛ saraka-masɔlɛ bolo nya min, a si wo sara. Ni loli-loli le, a si kelen-kelen sa a kuma. A ni ta wɔrɔ-wɔrɔ ka a don saraka-masɔlɛnu bolo.

Luka 21:4

Bawo doinu ya min sa, anu ya wo bɔ anuna nɔnfulu-wɛ denu tɔ. Kɔnɔ iko ale bolo-kolonyanɛ ye nya min, a ara a beli-fan bɛɛ sa a rɔ.”