2 Mansɛnu 12:17 - ALLALA KUMƐ

¹⁷ Kɛ wati ya a taran, Siriya Mansa Hesiyɛli wulita Kati soe kan ma ka anu nɔ. Wo kɔma, a ya a kunyɛ tintan Yerusalɛm kɛlɛ-koe ma.

2 Mansɛnu 12:17 ပူးပေါင်းရင်းမြစ်များ

1 Mansɛnu 15:18

Sɛnɛ anubɛ wodi-gbɛ minnu bi Mari Bato-Bɔn anubɛ ata bolɔn la, Yuda Mansa Esa ya wonu bi. A ya wonu don ata mɔgɔ-ba donu bolo. Wonu tara wonu to tinɛ Siriya Mansa Bɛnhedadi ma Damasika soe burɔ. Mansɛ wo fa tɔgɛ le Tabirimɔn. A benba tɔgɛ le Hisiyɔn. Mansa Esa ya a sara ala mɔgɔ-ba wonu na ko anu ni ta a fɔ Siriya mansɛ wo ye ko,

1 Mansɛnu 19:17

Ni min ya a buri Hesiyɛli kɔrɔ, Yehu si wo faga. Ni min ya a buri Yehu kɔrɔ, Ilaisa si wo faga.

2 Mansɛnu 10:32

Mansa Yehuta wati wo rɔ, Mari wulita ka do bɔ Isirɛla nyamanɛ la. Siriya Mansa Hasiyɛli ya Isirɛla nyamanɛ tɔnkɔn do bi

2 Mansɛnu 10:33

tele-bɔɛ wara la Yorodan bɛ kɔgɔma. A ya kan tinɛ min bi Yorodan bɛ kɔgɔma dugula wara la, wo le tara furr, ha Arɔra soe min bi Anɔn bɛ dafɛ. Kaliyadi nyamanɛ anubɛ Basan nyamanɛ le nyɔ waralɛ la nun. Kɔnɔ Kadi bɔnsɔn anubɛ Rubɛn bɔnsɔn anubɛ Manasa bɔnsɔn-talɛ denu siginɛ nyɔ rɔ.

2 Mansɛnu 13:3

Wo le ya a to, Mari fonde bɔra Isirɛla nyamanɛ kuma. Mari ya a ma, Siriya Mansa Hesiyɛli anubɛ ala den Bɛnhedadi mɛra Isirɛla mɔgɛnu kun na.

2 Mansɛnu 16:8

Mansa Ehasi ya Alla Bato-Bɔn sɛnɛ anubɛ wodi-gbɛ bi hali min bi ala bolɔn fen namara tinɛ fanan. A ya wonu bi ka anu nata Mansa Pulu ma alako wo ni na a dɛnbɛ kɛlɛ rɔ.

1 Ko-Kɔrɔta-Karan 18:1

Wati tenbinɛ, Mansa Dawuda tara bui Filisitinu ma tun. A ya anu nɔ ka anuna so-karantan bi anu bolo min tɔgɛ Kati anubɛ so-mɛsɛ-nɛ minnu bi wola foolɛ rɔ.

1 Ko-Kɔrɔta-Karan 8:13

Bɛnyamɛ kebila-kunyɛ le Bɛriya anubɛ Sɛma la Aiyalɔn soe burɔ. Wo kɔma, minnu siginɛ Kati soe burɔ, kebila-kunyɛ kɛnu fanan ya wonu gben.

Daniyɛli 11:17

“Siriya mansɛ anubɛ ala kɛlɛ-dannu si yanfɛ rabɛn Iyipiti mansɛ kan ma. A si a raya ka yisi-kima-koe rabɛn anu tɛma hali a ya ala dunmusi do di a ma furu la alako a si nɔ-ko sɔrɔn a ma nya min. Kɔnɔ hali wo, ala ko-rabɛn wo si tinya.

Saraka-Masɔlɛnuta Tɔnnu 7:7

“Tɔn kelen bi nyɔ min kofunɛ hakɛ-sarakɛ kɛnu ma anubɛ yiliki-sarakɛnu. Wo le ko saraka-soge, saraka-masɔlɛ wo nyɛrɛtɛ le wo la.

Saraka-Masɔlɛnuta Tɔnnu 7:9

Wo si dɛgɛ-toe minnu nadan biredi mintan tinɛ wo, anubɛ wo si minnu mintan dagɛ rɔ wo, anubɛ wo si min yilan pani-tasangbɛ rɔ wo, wonu si ma saraka-masɔlɛ wo nyɛrɛtɛ la.

Habakuku 1:9

“Anuna kɛlɛ-dannu bi tala nyamanɛnu birala a la. Anu ba anu kun nabɔ kan min, bɛɛ si kilan. Anu ya minnu bira kɛlɛ rɔ, wonu siya iko ba-kɛnkɛn.

Yilan-Yilan Koe 18:9

Ni nna mɔgɛnu nara fenfen na min si ma dɛgɛ-sarakɛ la wo, hakɛ-sarakɛ la wo, yiliki-sarakɛ la wo, wo si donu mintan nde ye. A toe si ma wolebɛ ila dannutɛ la.

Luka 9:51

Yisa-yɛlɛ-tumɛ Arinyɛni tɔ, wo gbɛrɛnta tumɛ min, a ya a latɛgɛ ko a ni ta Yerusalɛm.

Luka 9:53

Kɔnɔ nyɔ-mɔgɛnu ma a rabira bawo anu ya a lɔn ko a ye tala Yerusalɛm.

1 Samuwɛli 27:2

Dawuda anubɛ ala keminɛ mɔgɔ kɛmɛ wɔrɛ (600) bɔra nyɔ ka ta Kati soe burɔ Mayokila den Akisi ye mansayɛ la kan min.