2 Mansɛnu 12:1 - ALLALA KUMƐ

¹ Yehula mansayɛ san wɔrɔnfila nyɔgɛ Isirɛla nyamanɛ rɔ, anu ya Yohasi ma mansɛ la san wo le la Yuda nyamanɛ rɔ. San bi-nani kɔrɔ, Yohasi ye mansayɛ la Yerusalɛm soe burɔ. Mansa Yohasi na tɔgɛ le Sibeya. Musi wo bɔra Biri-Siba soe le burɔ.

2 Mansɛnu 12:1 ပူးပေါင်းရင်းမြစ်များ

Ko-Dabirɛnu 21:14

Woletɔ Iburayima ya a lasɔ subaga dɛ ma ka a fandɛ anubɛ yi-gbolo-bɔrɛ don Hega bolo. Wo ya yi-bɔrɛ dun a kɛɛ la. Iburayima ya Hega anubɛ ala dan Sumanyila lata anu kun fɛ. Anu tara ka to yilan-yilanna Biri-Siba wulɛ rɔ.

2 Mansɛnu 11:21

Anu ya Yohasi ma mansɛ la Yuda nyamanɛ rɔ a sɔrɔn-san wɔrɔnfila nyɔgɛ le ma.

2 Mansɛnu 12:2

Mansa Yohasi ya koe min bɛɛsi ma ala mansayɛ kɔrɔ, wonu ya Mari hɛnɛ fananta Saraka-Masɔla Yɛhoyada le ya Mansa Yohasi labila.

2 Mansɛnu 13:1

Mansa Ehasayala den Yohasila mansayɛ san mogan-ni-sawa nyɔgɛ Yuda nyamanɛ rɔ, Mansa Yehula den Yɛhowahasi mara mansɛ la Isirɛla nyamanɛ rɔ san wo le la. A ya ala mansayɛ kɛ Samariya soe burɔ san tan-ni-wɔrɔnfila kɔrɔ.

2 Mansɛnu 13:10

Yuda Mansa Yohasila mansayɛ san bi-sawa ani san wɔrɔnfila (37) nyɔgɛ ma, Mansa Yɛhowahasila den Yɛhowasi mara mansɛ la Isirɛla nyamanɛ rɔ san wo le la. A ya ala mansayɛ kɛ Samariya soe burɔ san tan-ni-wɔrɔ kɔrɔ.

2 Mansɛnu 9:27

Anu ya min ma Mansa Yɔram na, wo rayen Yuda Mansa Ehasaya bolo, a ya ala kirindi bi ka a buri tala Bɛti-Hagan wara la. Mansa Yehu anubɛ ala kɛlɛ-dannu bi a gbere la. Mansa Yehu ya a fɔ ala kɛlɛ-dannu ye ko, “Wo ni wo fanan faga.” A burimatoe ye tala Kari soe burɔ min bi Ibiliyam soe dafɛ. Anu ya a bon nyɔ le. Kɔnɔ a ya a ragbɛlɛya ka ta ha Magidɔ soe burɔ. A fagara nyɔ le.

1 Ko-Kɔrɔta-Karan 3:11

Yɛhosafati ya Yɛhoram sɔrɔn. Yɛhoram ya Ehasaya sɔrɔn. Ehasaya ya Yohasi sɔrɔn.