2 Mansɛnu 11:19 - ALLALA KUMƐ

¹⁹ Saraka-Masɔla Yɛhoyada wo, mansa-kurɛ wo makandannɛnu wo, mansa-kurɛ wola bolon-makandannɛnu wo, anubɛ kandali-kɛlɛ wonuna kun-tiginu wulita ka bɔ Mari Bato-Bɔn la ka ta mansa-kurɛ wo to tinɛ ala bolɔn la. Anu tamatoe, anu bɔra don-dɛ la min tɔgɛ Kandannɛnuta Don-Dɛ. Mɔgɛ bɛɛ bilara anu fɛ. Mansa Yohasi sigira mansaya-waganɛ rɔ.

2 Mansɛnu 11:19 ပူးပေါင်းရင်းမြစ်များ

Ko-Dabirɛnu 37:36

Midiyan yila wonu kera Iyipiti tumɛ min, anu ya Yusufu mayira Iyipiti mansa-makandanna-kun-tigi wo ma min tɔgɛ Pɔtifa.

1 Mansɛnu 1:13

Ta Mansa Dawuda wara kelenna! Ta a manyinika ni ale le ma lanyiri kiri i ye nun ko ila den Silamɛni le si ma mansɛ la a gbɛ rɔ? A manyinika ni min mara ko Adonaya ara ma mansɛ la a gbɛ rɔ.”

1 Mansɛnu 14:27

A ya silɛɛnu nadan kɛlɛ-dan matanka-fannu na ka wonu ma sɛnɛ kɛlɛ-den matanka-fan wonu nyɔgɛ la. A ya wonu don a makandannɛnu bolo minnu sɔnɛ bolɔn wo dɛ la.

1 Ko-Kɔrɔta-Karan 29:23

Wo le ya a ma, Silamɛni sigira a fa Mansa Dawuda gbɛ rɔ. Ata mansayɛ sabatira. Isirɛla mɔgɛ bɛɛ ya a gbiliya.

2 Ko-Kɔrɔta-Karan 23:19

Saraka-Masɔla Yɛhoyada ya da-makandannɛ donu to Mari Bato-Bɔn makandan tinɛ nyɔ alako mɔgɔ-sɛninyabɛlɛnu kana anu kunyɛ ladon Bato-Bɔn la.

2 Ko-Kɔrɔta-Karan 23:20

Saraka-Masɔla Yɛhoyada wo, kɛlɛ-den-kunyɛnu wo, mɔgɔ-ba-sɛbɛnɛnu wo, a mɔgɔ-ba-toenu wo, anubɛ a mɔgɛ toenu kofura anu ma ka bɔ Mari Bato-Bɔn la ka ta mansa-kurɛ wo to tinɛ ala bolɔn la. Anu donta don-da-wɛ la. Mansa Yohasi sigira mansaya-waganɛ rɔ.

2 Ko-Kɔrɔta-Karan 23:5

Kurun doi si to mansɛla bolɔn makandanna. A to kurun kelan si to tarɛ-don-dɛ la min tɔgɛ ‘Kurukɛ.’ Lifayi bɔnsɔn ma mɔgɛ minnu na, wonu na si dɛn Bato-Bon-kata burɔ.

Yɛrɛmaya 17:25

A ko ni wo ya ata sereya kɛnu bira, min bi mala, wo le kɛ la. Mansɛ minnu bi sigila Mansa Dawuda gbɛ rɔ, wonu si to tenbila Yerusalɛm don-dɛ kɛnu na anubɛ anuna mɔgɔ-banu. Wonu si to kirindinu anubɛ soeenu naburila. Anu si to tala wole, Yuda anubɛ Yerusalɛm nyama tɛma yan. Mɔgɛnu si to sigini Yerusalɛm soe burɔ yan tolon!

Yɛrɛmaya 22:30

Ale Mari ko a ara ban a latɛgɛla ko fɔ ale Mansa Yɛhoyasin kɔrɔ wa kolonya filili! A wara-koe ti ta yarɔ muk! A kegeya-wo-kegeya ti taran a gbɛ rɔ Yuda nyamanɛ kun na Mansa Dawudata bɔn la. Mari kan le kɛ la.

Yɛrɛmaya 22:4

A ko ni wo ya ale Marita kumɛ bira, mansayɛ ti bɔ Mansa Dawudala bɔn la worɔ, ado min tenbinɛ wo la, wola mansa wo, wola mɔgɔ-ba wo, wonu si to tenbila tenbi-bolɔn la soeenu anubɛ kirindinu na anu bolo. Anu si to tala wole, Yuda anubɛ Yerusalɛm nyama tɛma yan.

Matiyu 19:28

Yisa ya a fɔ anu ye ko, “Wo ni wo hɛnkili to kɛ ko! Dali-kurɛ wa ke tumɛ min, nde, Hadama-dan wa sigi nta mansaya-waganɛ gbiliyanɛ rɔ, wo tan-ni-filɛ bɛɛ si wo sigi mansaya-sigi-fannu tɔ ka Isirɛla bɔnsɔn tan-ni-filɛ kiti tɛgɛ,

Matiyu 25:31

“Nde, Hadama-dan wa na nta mansayɛ rɔ tumɛ min nta melikanu fɛ, n si n sigi nta mansaya-sigi-fan rɔ.