2 Mansɛnu 11:17 - ALLALA KUMƐ

¹⁷ Saraka-Masɔla Yɛhoyada ya sarama-kan kiri Mari ye mansa-kurɛ wonubɛ ala mɔgɛnuna ko la ko anu ti bɔ Mari fɛ muk! A ya a ma fanan, mɔgɛnu ya sarama-kan kiri mansa-kurɛ wo ye ko anu ti anu bɔ a fɛ mumɛ!

2 Mansɛnu 11:17 ပူးပေါင်းရင်းမြစ်များ

2 Samuwɛli 5:3

Woletɔ Isirɛla kun-tiginu bara a lakiri yisi-kimɛ rɔ gben ka to kan kelen tɔ. Anu ya dantɛgɛ-tuli kɛ Dawuda kunyɛ rɔ ka a ma anuna mansɛ la.

2 Mansɛnu 11:4

A san wɔrɔnfila nyɔgɛ ma, Saraka-Masɔla Yɛhoyada ya kilayɛ lata mansa-makandannɛnuna kun-tigi ma anubɛ mansɛla bon makandannɛnuna kun-tigi ma ko anu ni na Bato-Bɔn la. Wonu ke, a ya anu nakeli ko a ye nala min fɔla anu ye, ni anu ti gbundi wo bu tii. Wonu ban anu kelila, a ya Mansa Ehasayala den Yohasi yira anu na.

2 Mansɛnu 23:3

A ban, ale mansɛ wo sɔra Bato-Bɔn sɛnbɛrɛn-kɔn fɛ ka lanyiri kiri Mari ye. A ko a si ala tɔn wonu natɔnbagaya a yisi bɛɛ la. A ko a si sereya mumɛ bɛɛsi bira iko sarama-kan sɛbɛnɛ Marita buku rɔ nya min. Ala nyamanita-mɔgɛ wonu damasi sɔnta kumɛ wo ma. Anu ko anu denu fanan si tɔn wo damasi bira.

1 Ko-Kɔrɔta-Karan 11:3

Woletɔ Isirɛla kun-tiginu bara a lakiri gben yisi-kimɛ rɔ ka to kan kelen tɔ. Anu ya dantɛgɛ-tuli kɛ Dawuda kunyɛ rɔ ka a ma anuna mansɛ la Hiburɔn soe burɔ iko Mari ya a fɔ Nɛbi Samuwɛli ye nya min.

2 Ko-Kɔrɔta-Karan 23:16

Saraka-Masɔla Yɛhoyada ya a ma, mansa-kurɛ wonubɛ ala mɔgɛnu ya sarama-kan kiri Mari ye ko anu ti bɔ Mari fɛ muk!

2 Ko-Kɔrɔta-Karan 29:10

“N bara ban a latɛgɛla ko mabɛ Isirɛlata Mari Alla ni sarama-kan kiri ma nyɔgɔn tɛma alako a fondo-bɔnɛ kana to ma kuma tolon!

2 Ko-Kɔrɔta-Karan 34:31

A ban, ale mansɛ wo sɔra mansa-sɔ-tina-kɔrɛ Bato-Bɔn sɛnbɛrɛn-kɔn fɛ ka sarama-kan kiri anubɛ Mari tɛma. A ko a si ala tɔn wonu natɔnbagaya a yisi bɛɛ la. Anu sarata min na, a ko a si sereya mumɛ bɛɛsi bira iko a sɛbɛnɛ Marita buku wo rɔ nya min.

Ɛsira 10:3

Ma dama ni lanyiri kiri Alla ye gben ko ma si ma ban musi kɛnubɛ anuna dannu na ka anu gben. Ma si a ma iko ile Ɛsira anubɛ i ta-nyɔgɛ Allata-tɔn-lɔnnɛnu bi a fɔla ma ye nya min. Ma si a ma iko Allata tɔn ye a fɔla ma ye nya min.

Nihɛmaya 9:38

Ka a tɛgɛ koe min bɛɛsi ara ma kɔrɔma la, male Isirɛla mɔgɛnu sarata ko kelen de ma ka kɛdi sɛbɛ ka ma bole sa mana rɔ. A kun-tigi wo, a Lifayi wo, a saraka-masɔla wo, ma dama ara ma tɔgɛ sɛbɛ.

Yɛrɛmaya 34:8

Mansa Sɛdɛkaya anubɛ Yerusalɛm kɛnu sɔnta ko kelen ma. Anu sɔnta ko bɛɛ ni a ta-nyɔgɛ Hiburu yɔɔn boloka, a keima wo, a musuma wo. A ko mɔgɔ kana a na-kelen-nyɔgɛ Isirɛla mɔgɛ ma yɔɔn la tun. Mɔgɔ-banu anubɛ anuna mɔgɛnu sɔnta yɔɔn-boloka-koe wo ma. Anu ko anu ti wo sufa ma tun. Anu ya anuna yɔɔnnu boloka kɔnɔ tɔ-a-la, anu ya anu miriya yɛlɛma. Anu ya anu nasɛgi yɔɔnyɛ rɔ tun ka a lagbɛlɛya anu kuma. Wo kɔma, Mari Isirɛlata Alla ya sarakanɛ don n bolo

2 Kɔrɛnti 8:5

ado anu ya nilɛ kɛ ka tenbi ma miriya la pon! Kɔnɔ min tenbira wo bɛɛ la, anu ya anu nyɛrɛ di Mari ma. Wo kɔma, anu ya anu nyɛrɛ di male fanan ma iko a di Alla ye nya min.

Yasowa 24:25

Wulɔn tele rɔ, Yasowa ya a ma, Isirɛla mɔgɛnu ya sarama-kan kiri anubɛ anuta Mari tɛma Sɛkɛm soe rɔ. A ya tɔnnu di anu ma anu si minnu bira.

1 Samuwɛli 10:25

A bɛnta, mansɛ ni min ma anu na, Samuwɛli ya wonu takaran anu ye. Anu ya wonu sɛbɛ buku do rɔ. Samuwɛli ya buku wo bi ka a sa kan-tina-sɛnimɛ do rɔ. A ya mɔgɛnu masara ka anu nata anu barɛnu tɔ.