2 Mansɛnu 11:15 - ALLALA KUMƐ

¹⁵ Bawo a ma di Saraka-Masɔla Yɛhoyada ye ko anu ni Atalaya faga Bato-Bɔn dafɛ nyɔ, woletɔ a ya a fɔ kandali-kɛlɛ wonuna kun-tiginu ye ko, “Wo ni a bi ka a labɔ. A ni ta kandali-kɛlɛnu tɛma. Ni mɔgɔ-wo-mɔgɔ bilara a fɛ ko a ye a lakisila, wo ni wo tigi faga.”

2 Mansɛnu 11:15 ပူးပေါင်းရင်းမြစ်များ

2 Mansɛnu 11:14

A ke nyɔ, a ya mansa-kurɛ sɔnɛ taran Bato-Bɔn don-dɛ sɛnbɛrɛn-kɔn fɛ iko anuna namu ye nya min. Mansa-kurɛ kɛ lafoonɛ kandali-kɛlɛnuna kun-tiginu bolo anubɛ buru-fɛlɛnu anubɛ mɔgɛnu. Anu damasi ye a lawɔyɔla sewɛ bolo. Anu bi burinu fanan fɛla. Ale Atalaya ya wo rayen min kɛ, a ya ala duruki rafara yisi-tinyɛ bolo. A ya a fɔ ko, “Anu bi nna bu-koe le tɔ kɛ la.”

2 Mansɛnu 11:16

Anu ya ale musi bira ka a faga mansɛla kata-don-dɛ la soeenu si don kan min.

2 Mansɛnu 11:4

A san wɔrɔnfila nyɔgɛ ma, Saraka-Masɔla Yɛhoyada ya kilayɛ lata mansa-makandannɛnuna kun-tigi ma anubɛ mansɛla bon makandannɛnuna kun-tigi ma ko anu ni na Bato-Bɔn la. Wonu ke, a ya anu nakeli ko a ye nala min fɔla anu ye, ni anu ti gbundi wo bu tii. Wonu ban anu kelila, a ya Mansa Ehasayala den Yohasi yira anu na.

2 Ko-Kɔrɔta-Karan 23:14

Bawo a ma di Saraka-Masɔla Yɛhoyada ye ko anu ni Atalaya faga Bato-Bɔn dafɛ nyɔ, woletɔ a ya a fɔ kɛlɛ-den-kunyɛnu ye ko, “Wo ni a bi ka a labɔ. A ni ta kɛlɛ-den-kunyɛnu tɛma. Ni mɔgɔ-wo-mɔgɔ ya a fɔ ko a ye a lakisila, wo ni wo tigi faga.”

2 Ko-Kɔrɔta-Karan 23:9

Mansa Dawudala tanbɛnu anubɛ nɛgɛ-walan minnu namaranɛ Bato-Bɔn wo la nun, Saraka-Masɔla Yɛhoyada ya wonu bi ka wonu don Lifayi mɔgɔ-banu bolo.

Bɔ-Koe-Iyipiti 21:14

Ni mɔgɛ do ya yanfɛ sigi a ta-nyɔgɛ do la ka a faga wunduyogoyɛ la, hali a tara nna saraka-mintan-tinɛ ala kisi-koe la, wo ni wo tigi faga.

Isikiyɛli 21:14

“Ile hadama-dan, i tenbi wɔlɔyiya-kumɛ fɔla, i ni i bole rafɔ. I wa i bole rafɔ, faan si yigi kinyama-siyaman ka mɔgɛnu faga. Bɛɛ si kilan faan wo la.

Isikiyɛli 9:7

Alla ya a fɔ anu ye ko, “Wo ni Bato-Bɔn latinya. Wo ni kata-burɛ lafa hadama-den-suyi la. Wo ta gbɛ!” Woletɔ anu ya mɔgɛnu fagɛ dabira soe burɔ.

Kɛwɔlɛnu 21:30

Soe bɛɛ lamagara. Mɔgɛ bɛɛ ya anu buri anu nyɔgɔn fɛ Pɔli bira tinɛ. Anu ya a sagan ka a bɔ Alla-Bato-Bɔn kata burɔ. Wo kɔma, anu ya nyɔ-tenbi-bolɔnnu natogon tiriya!