2 Mansɛnu 11:12 - ALLALA KUMƐ

¹² Saraka-Masɔla Yɛhoyada sɔra Yohasi yarɔ, anu bɔra Bato-Bɔn la mɔgɛ bɛɛ yala. Yɛhoyada ya mansaya-fulɛ sigi Yohasi salɛ la. Mansaya-tɔn minnu namaranɛ, a ya wonu don a karɛ tɔ. A ya dantɛgɛ-tuli kɛ a salɛ rɔ ka a ma mansɛ la. Mɔgɛnu ya lɛnkɛ gbesi. Anu ya a lasɔnkɔ, anu ko, “Alamɛ mala mansɛ mɛra ma kuma!”

2 Mansɛnu 11:12 ပူးပေါင်းရင်းမြစ်များ

2 Samuwɛli 1:10

Woletɔ nde fanan tara a faga bawo n ya a lɔn serr, ko a ye fagala le. N ban a fagala, n ya ala mansaya-fulɛ anubɛ ala bolo-kalama-dɛɛn bi. N bara na wonu denu tola i ma kɛ la.”

2 Samuwɛli 12:30

Mansa Dawuda ya anuna mansɛla mansaya-fulɛ bi a kunyɛ la ka a don a nyɛrɛ salɛ la. Fulɛ wo, sɛnɛ le wo la. Kuru-da-gbɛlɛnu sanɛ a ma tala. Ala gbiliyɛ anubɛ fui-fan bɔrɔ-talɛla gbiliyɛ rakɛn de. Wo kɔma, kɛlɛ ya fan minnu bira, a ya wo siyaman bi.

2 Samuwɛli 16:16

Mansa Dawuda diyana-mɔgɛ Husayi ya Abasalɔm yen tumɛ min, a ya a kan nabɔ, a ko, “Alamɛ mala mansɛ mɛra! Alamɛ mala mansɛ mɛra!”

2 Samuwɛli 2:4

Yuda bɔnsɔn-mɔgɛnu nara ka Dawuda ma mansɛ la. Dawuda ya a lamɔɛn min kɛ ko Yɛbusi kɛ minnu bi Kaliyadi nyamanɛ rɔ, wonu bara Mansa Sɔli togon,

2 Samuwɛli 2:7

Wola mansɛ Sɔli ara so-mayɛlɛma-kɛ. Anu bara nde sigi a gbɛ rɔ Yuda nyamanɛ rɔ. Woletɔ wo ni wo yisi gbɛlɛya ka wo kerinteya.”

2 Samuwɛli 5:3

Woletɔ Isirɛla kun-tiginu bara a lakiri yisi-kimɛ rɔ gben ka to kan kelen tɔ. Anu ya dantɛgɛ-tuli kɛ Dawuda kunyɛ rɔ ka a ma anuna mansɛ la.

1 Mansɛnu 1:25

A ara ta ka ninkinu anubɛ ninki-bulan anubɛ sagɛnu siyaman bɔ sarakayɛ la. A ya ila dan bɛɛ kele anubɛ ila kɛlɛ-den-kunyɛ Yohabu anubɛ Saraka-Masɔla Abiyatari, ado anu bi fen dɔnna kan-tina-kelen kaka. Anu bi duwala ko, ‘Alamɛ Mansa Adonaya mɛra!’

1 Mansɛnu 1:34

Wo wa ke nyɔ tumɛ min, Saraka-Masɔla Sedoki anubɛ Nɛbi Netan ni dantɛgɛ-tuli kɛ Silamɛni kunyɛ rɔ ka a ma mansɛ la Isirɛla mɔgɛnu kun na. Wo ni buri fɛ ka a fɔ ko, ‘Alamɛ Mansa Silamɛni mɛra!’

1 Mansɛnu 1:39

Saraka-Masɔla Sedoki ya dantɛgɛ-tuli bi ka bɔ Marita Fani-Bɔn la ka a kɛ Silamɛni kunyɛ rɔ ka a dantɛgɛ. Anu ya buri fɛ. Mɔgɛ bɛɛ ya a lasɔnkɔ. Anu ko, “Mansa Silamɛni, alamɛ i mɛra!”

1 Mansɛnu 2:44

Mansɛ ya a fɔ Simayi ye tun ko, “Ile nyɛrɛ ya a lɔn i ya ko-yogomɛ min ma n fa la. Wola ko la Mari Alla si ila ko-yogomɛ wo sara i la.

2 Mansɛnu 11:11

A ya wonu sɔ-bole rabɛn faannu bi anu bole rɔ mansɛla minɛ rɔ anubɛ saraka-mintan-tinɛla minɛ rɔ anubɛ Bato-Bɔn yarɔ ka a bi bolo-nyimɛ wara la ha bolo-maran wara la alako ka mansa-kurɛ makandan.

2 Mansɛnu 11:2

fɔ Ehasaya wola den Yohasi, wo le tora a niyi la. Anu bi Yohasi wo na-kelen-nyɔgɛnu fagala tumɛ min, a tɛnɛ min tɔgɛ Yihɔsɛba, wo ya Yohasi anubɛ a fɛ-biralɛ bi ka anu dogon Bato-Bon-konko do la mɔgɛnu si ki kan min. A ya wo ma alako anu kana ale Yohasi faga. Yihɔsɛba kɛ, Mansa Yɛhoramla dunmusi le. Mansa Ehasaya tirisan le fanan.

2 Mansɛnu 11:4

A san wɔrɔnfila nyɔgɛ ma, Saraka-Masɔla Yɛhoyada ya kilayɛ lata mansa-makandannɛnuna kun-tigi ma anubɛ mansɛla bon makandannɛnuna kun-tigi ma ko anu ni na Bato-Bɔn la. Wonu ke, a ya anu nakeli ko a ye nala min fɔla anu ye, ni anu ti gbundi wo bu tii. Wonu ban anu kelila, a ya Mansa Ehasayala den Yohasi yira anu na.

2 Mansɛnu 9:13

Tiriyante wo rɔ, anu ya anuna durukinu bɔ anu kan na ka anu tasa ale Yehu kɔrɔ dugi ma wo tumɛ ale Yehu sɔnɛ kan-tina-mayɛlɛnɛ do rɔ anu damasi kuma. Wo kɔma, anu ya buri fɛ. Anu dama ya a lasɔnkɔ ko, “Yehu ara ma mansɛ la.”

2 Mansɛnu 9:3

Wo wa ke konko wo la tumɛ min, i si dantɛgɛ-tuli kɛ do kɛ a kunyɛ rɔ. I tenbi tuli kɛla a kunyɛ rɔ, i ni a fɔ ko, ‘Mari ara ile yabɔ ka i ma Isirɛla mɔgɛnuna mansɛ la.’ I wa ban kɛ mala tumɛ min, i ni i buri bɔla nyɔ.”

2 Ko-Kɔrɔta-Karan 23:11

A ban kɛ mumɛ bɛɛsi rabɛnna, Saraka-Masɔla Yɛhoyada tara mansa kurɛ kɛ bi ka a labɔ Bato-Bɔn luyi ma. A ya mansaya-fulɛ sigi Yohasi kunyɛ la. Tɔn minnu namaranɛ, a ya wonu don a bolo. Mansaya-tɔn minnu namaranɛ, a ya wonu don a bolo fanan. Saraka-Masɔla Yɛhoyada anubɛ ala dannu ya dantɛgɛ-tuli kɛ mansa-kurɛ wo salɛ rɔ ka a ma mansɛ la. Mɔgɛnu ya a lasɔnkɔ ka a fɔ ko, “Alamɛ mala mansɛ mɛra ma kuma!”

Ɛsita 2:17

Ɛsita kɛ wara-koe diyara ale mansɛ ye ka tenbi sunkurɔn wo bɛɛ la. Woletɔ a ya ale ma bara-musi la Fasati gbɛ rɔ. A ya musu-mansaya-fulɛ sigi a kunyɛ la.

Yaburi 132:18

A ko a si a yogenu namiliya kɔnɔ ata mansayɛ si ta yarɔ ka wara.

Yaburi 21:3

Ile Mari ya mala mansɛ sɛnibɔ ka bɔ kɛlɛ rɔ duwa-belebele la. I ya mansaya-fulɛ sigi a kunyɛ la min nadannɛ sɛnɛ la.

Yaburi 21:4

A ya i manyinika simayɛ wara-koe la, ado i wara a ma, a mɛra mansayɛ la.

Yaburi 47:1

Mɔgɛ bɛɛ ni lɛnkɛ gbesi ka sewa. Wo ni Alla-tanto-bɛtinu bɔ wo sɛbɛ-kuna-wɛ la.

Yaburi 78:5

Alla ya tɔnnu anubɛ sereyanu di Isirɛla mɔgɛnu ma, Yakoba kegeyɛnu, kɔni. A ya a fɔ ma benbanu ye ko anu ni ala sereya kɛnu takaran anuna dannu ye

Yaburi 89:39

I wara ila sarama-kan tinya ila wɔli-kɛlɛ wara la. I wara ala mansaya-fulɛ gbesi dugi la gbangban rɔ.

Yaburi 98:8

Ba-yinu ni lɛnkɛ gbesi. Wole kɔnkɛnu ni bɛti bɔ sewɛ la wo nyɔgɔn fɛ Mari yala

Bɔ-Koe-Iyipiti 25:16

N bi nala tɔn sɛbɛla kuru-walan filɛ minnu ma, i ni wonu sa kenkirɛ wo rɔ.

Bɔ-Koe-Iyipiti 31:18

Mari ban kɛ fɔla Musa ye Sinayi kɔnkɛ kuma, Mari ya kuru-walan fila don a bolo ale nyɛrɛ ya ala tɔnnu sɛbɛ minnu ma a kɔɛn la.

Aiseya 55:12

Wo kunyɛ sewanɛ si bɔ biralɛ rɔ ka nyɔ boloka yisi-kimɛ rɔ. Kɔnkɛnu anubɛ gburukulinu si bara sigi-sa-tinɛ wo yala. Kɔlɔma bɛɛ si lɛnkɛ gbesi.

Aiseya 8:16

Nna karan-dannu, Mari ya sarakanɛ minnu don n bolo, wo ni kumɛ wonu namara kan tinɛ do rɔ yanba ti yalan anu ma kan min.

Aiseya 8:20

Wole ni mɔgɛ wonu yabi ko, “Mari ye min fɔla ma ye, ma tole masɔnɛ wo le la.” Wo kana wo tole masɔ yi-kɔrɔ-fɛlɛnnɛ wonu kan la bawo wonu bi min fɔla wo ye, wo ti ko-wo-ko nyinya wo ma.

Nimisa Koe 4:20

Mari ara mata mansɛ min yabɔ, ma yogenu ya wo bira anuta gbɛrɛ rɔ, ado ma niyi-kunyɛ le wo la. Ma lara wo le la ko a si ma latanka ma yogenu ma.

Daniyɛli 3:9

Anu ya a fɔ Mansa Nɛbukanasa ye ko, “Alamɛ mansɛ mɛra. Alamɛ mansɛ kɛndɛyara.

Daniyɛli 6:21

Daniyɛli ya a labira. A ko, “N tigi, alamɛ i ya simayɛ sɔrɔn. Alamɛ i kɛndɛyara.

Matiyu 21:9

Nyama min bi tagamana Yisa yarɔ anubɛ nyama min bi tagamana a kɔma, wonu ya gbele-gbelan dabira ko, “Mansa Dawudala dan, i ni sɛnɛ! Min bi nala Mari tɔgɛ rɔ, Allata duwɛ ni to wo kuma! Alla tanto!”

Matiyu 27:29

Anu ya wɔnɛ ma mansaya-fulɛ la ka wo sigi a kunyɛ la ka kɔlɔma don a bolo-nyimɛ rɔ. Wo kɔma, anu ya anu nyɛnkin a kɔrɔ a mayɛlɛn-koe la. Anu ko, “Yahudiyanuna mansɛ, alamɛ i mɛra!”

Kɛwɔlɛnu 4:27

Tonyɛ le, Hɛrodi wo, Pontiyasi Pailɛti wo, Isirɛla mɔgɛnu wo, anubɛ sibolo-gbɛrɛnu ya anu nadɛn soe kɛ rɔ yan ila wɔli-kɛla-sɛnimɛ Yisa kan ma, ado ile ya wo ma ita Mɔgɔ-Yabɔnɛ la.

2 Kɔrɛnti 1:21

Wo ni wo yili to kɛ ko. Alla nyɛrɛ ara malebɛ wole sɔ Kirasiti rɔ gben! Alla nyɛrɛ le ya ma ma ata mɔgɔ yabɔnɛnu na.

Hiburunu 1:9

Ko-latelennɛ di i ye. Ko-radunɛ gbo i ye. Woletɔ nde ita Alla ya ile yabɔ. N bara i lasewa i ta-nyɔgɔ-mansɛ-bɛɛ ko.”

Hiburunu 2:9

Kaka, ma ye Yisa le yenna mansayɛ kɛla bonyɛ anubɛ gbiliyɛ rɔ ka a tɛgɛ ata saya-tɔrɔyɛ ma. Melikanu tenbira a la nun wati-kundu-ni kɔrɔ alako a si faga mɔgɛ bɛɛ ye nya min Allata hinɛ baraka rɔ.

Lankɛnimayɛ 19:12

A yɛ mani de iko ta-mɛlan. Mansaya-fulɛ siyaman bi a kunyɛ la. Mɔgɔ-wo-mɔgɔ ma tɔgɛ min lɔn bɛ fɔ ale nyɛrɛ, wo le sɛbɛnɛ a ma.

1 Samuwɛli 10:1

Samuwɛli ya dantɛgɛ-tuli do bi ka a kɛ Sɔli kunyɛ rɔ ka a sunbu. A ko, “Mari ara ile le yabɔ ka ma mansɛ la Isirɛla mɔgɛnu kun na. I si mansayɛ kɛ Marita mɔgɛnu kun na ka anu matanka anu yogenu ma minnu bi anuna foolɛ rɔ. I wa bɔ n dafɛ bi, i si kemini fila taran Resɛli kanbɛ dafɛ Sɛlɛsa soe kɔma Bɛnyamɛta nyamani-dan la. Kemini filɛ wonu si a fɔ i ye ko, ‘I ye sofɛlɛ minnu nyinina nun, wonu bara yen.’ Anu si a fɔ tun ko, ‘I fa hɔnni ma sofɛlɛ wonu wara-koe la tun. A hɔnnɛ ile le wara-koe la gbɛ bawo tuma-wo-tuma, a ye a fɔla ko a ma a lɔn a si min ma ala dan wara-koe rɔ. Wo bɛɛ wa ma tumɛ min, wo le ye a yirala i la ko Mari le wara i yabɔ ka i ma mansɛ la.’

1 Samuwɛli 10:24

Samuwɛli ya a fɔ mɔgɛnu ye ko, “Wo ara a yen Mari ara mɔgɛ min yabɔ? A nyɔgɔn-takɛn sa wo do-wo-do rɔ yan tɔ.” Mɔgɛ wo bɛɛ ya anu kan nabɔ anu nyɔgɔn fɛ anuna mansa kura wo ye ko, “Alamɛ i mɛra!”

1 Samuwɛli 16:13

Samuwɛli ya dantɛgɛ-tuli wo bi ka a kɛ Dawuda kunyɛ rɔ a kɔrɔnu yala. Tiriyante wo rɔ, Marita sɛnbɛ yigira Dawuda kuma. A tora Dawuda fɛ wo nya na le burubukai! Wo kɔma, Samuwɛli sɛgira a kɔma Rema soe burɔ.